تكييف أوبل فيكترا 2002 جننى خلاص

يا جماعه تكييف العربيه كان كويس ولكن بقت تسخن لما اشغله خصوصا لما تكون ماشيه فى الزحمه فقط .. أنما فى السفر تمام وغيرت علبه شكمان خلفى كانت مخرومه مع أنى لحمتها وكانت كويسه بس قلت غيرها .. وكانت سربنتينه التكييف مقوسه من خبطه قديمه وكانت شبه لازقه فى الريداتير وقلت هى السبب والريداتير من قربه للسربنتينه بيسخن العربيه .. فأستعدلتها وطبعا فضيت الفريون اللى كان فيها وشحنت من جديد .. والمفاجأه أنها برده بتسخن مع أننا فى الشتا ومؤشر الحراره بيوصل للاحمر وكنت ساعتها ع الفجر

يا جماعه أيه السبب بالله عليكم .. بقالى سنتين على المشكله دى

اولا معلومة لحضرتك :سربنتينه التكييف هى اصلا والطبيعى انها تكون مقوسه فبريكا الا اذا كانت مقوسة جامد نتيجة خبطه قديمه
ثانيا شيك على مروحة التكييف شفها شغالة ولالا
تحياتى

اقتباس:

---

المشاركة الأصلية كتبت بواسطة ayman hamdy

اولا معلومة لحضرتك :سربنتينه التكييف هى اصلا والطبيعى انها تكون مقوسه فبريكا الا اذا كانت مقوسة جامد نتيجة خبطه قديمه
ثانيا شيك على مروحة التكييف شفها شغالة ولالا
تحياتى

---

كلام سليم جدا

مشكله حضرتك ٩٠٪ فى المراوح .. شيك على مروحه التكييف ومروحه الريادتير و إتأكد انهم شغالين بالسرعتين بتاعتهم من خلال مقاومه السرعات
تحياتى

اقتباس:

---

المشاركة الأصلية كتبت بواسطة hesham.h

كلام سليم جدا

مشكله حضرتك ٩٠٪ فى المراوح .. شيك على مروحه التكييف ومروحه الريادتير و إتأكد انهم شغالين بالسرعتين بتاعتهم من خلال مقاومه السرعات
تحياتى

---

المراوح شغاله تمام وعلى السرعتين

هل يوجد كتاوت للكتييف بالسياره يكون بايظ

اقتباس:

---

المشاركة الأصلية كتبت بواسطة keleshspot

هل يوجد كتاوت للكتييف بالسياره يكون بايظ

---

كدة مشكلتك مش كهرباء
هل ترموستات الكوعة راكبة عندك ولالا؟

صديقي المواطن
متتعبش نفسك السخونية بالتكييف في الزحمة فهي قولا واحدا راديتير
يا إما تفصل واحد 4 ماسورة يا إما تجيب جديد ألمنيوم ويتم تغيير الثرموستات قولا واحدا وتركب 79 إلى 88 أو 72 إلى 83 وتركب مروحة إضافية أمام الراديتير بكتاوت مستقل وتحط مياه خضراء نوع غالي وقبلها تحط فلاش وتغسل الراديتير الجديد بالمكنة في البنزينة مش عشان الراديتير عشان كل مجاري المياه داخل المحرك لو فيها ضيق وتكلسات كلها تفتح معاك ثم تحط إضافة لتليين طرمبة المياه ومشكلتك تنتهي ثم بعد كده تفحص دورة التكييف وتغير فلتر الفريون واﻹكسبنشن وتحط فريون أصلي وتزيت الكباس وتعيش حياتك وكل مشاكلك حتتحل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة ayman hamdy

كدة مشكلتك مش كهرباء
هل ترموستات الكوعة راكبة عندك ولالا؟

---

طبعا لازم أحلها عشان أعرف .. ولو مش راكبه هى أكيد هتسخن العربيه من غير ما أشغل التكييف وطبعا ما بتسخنش الا مع التكييف .. فبستبعد الكوعه

اقتباس:

---

المشاركة الأصلية كتبت بواسطة keleshspot

طبعا لازم أحلها عشان أعرف .. ولو مش راكبه هى أكيد هتسخن العربيه من غير ما أشغل التكييف وطبعا ما بتسخنش الا مع التكييف .. فبستبعد الكوعه

---

لا يا باشا ما تستبعدش ترموستات الكوعة لانه لو كان راكب وبايظ ممكن يكون معلق على نصف فتحة وكدة العربية هتسخن لان مية الموتور مش هتلحق تبرد مع زيادة حمل التكييف دى حاجة
الحاجة التانية لو الترموستات مش راكبة ودا انا استبعده لانها كانت كويس من الاول كانت هتسخن معظم الاوقات مع التكييف لان المية برده فى بعض الاحيان يتكون كلها سخنة داخل الموتور يتكون كلها باردة
حضرتك الموضوع بسيط فك الخرطوم التخين اللى واصل من الرادتير وشوفها قفشة ولا لا
لو قفشة غيرها
تحياتى

اقتباس:

---

المشاركة الأصلية كتبت بواسطة keleshspot

ولو مش راكبه هى أكيد هتسخن العربيه من غير ما أشغل التكييف وطبعا ما بتسخنش الا مع التكييف .. فبستبعد الكوعه

---

العربية عندي ماكنتش بـ بتوصل لـ 85 أصلاً والكوعة مش راكبة وحتى مع التكييف ، إلا في حالة واحدة فقط كانت بتعدي 85 وتستمر في الصعود وهي التكييف مع الزحمة
ولما ركبت ترموستات الكوعة ، انتهت المشكلة تماما

ممكن تكون العربية واخدة هوا فى مية الردياتير تأكد من نضافة الردياتير و ميكونش عليه طين ... المراوح إتأكد إنها بتلف فى الإتجاه الصحيح ... كمان إتأكد إن ضغط الفريون مظبوط

الفريون جديد والقديم كانت بتسخن .. والريداتير زى الفل