تكييف أوبل فيكترا 2002 جننى خلاص

**keleshspot** · 08-11-2013 08:43 PM

يا جماعه تكييف العربيه كان كويس ولكن بقت تسخن لما اشغله خصوصا لما تكون ماشيه فى الزحمه فقط .. أنما فى السفر تمام وغيرت علبه شكمان خلفى كانت مخرومه مع أنى لحمتها وكانت كويسه بس قلت غيرها .. وكانت سربنتينه التكييف مقوسه من خبطه قديمه وكانت شبه لازقه فى الريداتير وقلت هى السبب والريداتير من قربه للسربنتينه بيسخن العربيه .. فأستعدلتها وطبعا فضيت الفريون اللى كان فيها وشحنت من جديد .. والمفاجأه أنها برده بتسخن مع أننا فى الشتا ومؤشر الحراره بيوصل للاحمر وكنت ساعتها ع الفجر

يا جماعه أيه السبب بالله عليكم .. بقالى سنتين على المشكله دى

**ayman hamdy** · 08-11-2013 08:58 PM

اولا معلومة لحضرتك :سربنتينه التكييف هى اصلا والطبيعى انها تكون مقوسه فبريكا الا اذا كانت مقوسة جامد نتيجة خبطه قديمه
ثانيا شيك على مروحة التكييف شفها شغالة ولالا
تحياتى

**keleshspot** · 08-11-2013 10:16 PM

المشاركة الأصلية كتبت بواسطة hesham.h

كلام سليم جدا

مشكله حضرتك ٩٠٪ فى المراوح .. شيك على مروحه التكييف ومروحه الريادتير و إتأكد انهم شغالين بالسرعتين بتاعتهم من خلال مقاومه السرعات
تحياتى

المراوح شغاله تمام وعلى السرعتين

**keleshspot** · 08-11-2013 10:18 PM

هل يوجد كتاوت للكتييف بالسياره يكون بايظ

**ayman hamdy** · 08-11-2013 10:46 PM

المشاركة الأصلية كتبت بواسطة keleshspot

هل يوجد كتاوت للكتييف بالسياره يكون بايظ

كدة مشكلتك مش كهرباء
هل ترموستات الكوعة راكبة عندك ولالا؟

**saddam** · 09-11-2013 01:47 AM

صديقي المواطن
متتعبش نفسك السخونية بالتكييف في الزحمة فهي قولا واحدا راديتير
يا إما تفصل واحد 4 ماسورة يا إما تجيب جديد ألمنيوم ويتم تغيير الثرموستات قولا واحدا وتركب 79 إلى 88 أو 72 إلى 83 وتركب مروحة إضافية أمام الراديتير بكتاوت مستقل وتحط مياه خضراء نوع غالي وقبلها تحط فلاش وتغسل الراديتير الجديد بالمكنة في البنزينة مش عشان الراديتير عشان كل مجاري المياه داخل المحرك لو فيها ضيق وتكلسات كلها تفتح معاك ثم تحط إضافة لتليين طرمبة المياه ومشكلتك تنتهي ثم بعد كده تفحص دورة التكييف وتغير فلتر الفريون واﻹكسبنشن وتحط فريون أصلي وتزيت الكباس وتعيش حياتك وكل مشاكلك حتتحل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ayman hamdy** · 09-11-2013 09:01 AM

المشاركة الأصلية كتبت بواسطة keleshspot

طبعا لازم أحلها عشان أعرف .. ولو مش راكبه هى أكيد هتسخن العربيه من غير ما أشغل التكييف وطبعا ما بتسخنش الا مع التكييف .. فبستبعد الكوعه

لا يا باشا ما تستبعدش ترموستات الكوعة لانه لو كان راكب وبايظ ممكن يكون معلق على نصف فتحة وكدة العربية هتسخن لان مية الموتور مش هتلحق تبرد مع زيادة حمل التكييف دى حاجة
الحاجة التانية لو الترموستات مش راكبة ودا انا استبعده لانها كانت كويس من الاول كانت هتسخن معظم الاوقات مع التكييف لان المية برده فى بعض الاحيان يتكون كلها سخنة داخل الموتور يتكون كلها باردة
حضرتك الموضوع بسيط فك الخرطوم التخين اللى واصل من الرادتير وشوفها قفشة ولا لا
لو قفشة غيرها
تحياتى