المشاركة الأصلية كتبت بواسطة LeitoSR
رقم (1) مقايس زيت الموتور,, المفروض يكون ما بين min و max.
....*العربية بيتحط لها زيت موتور تخيليقي كامل,, اللي بيسموه 10 الأف,, وأوعي تحط أي لزوجة أقل من كدا زي ال 5000 أو 3000 عشان غلط علي الموتور وغلط علي أي عربية جديدة عموماً,
الزيت التخليقي كامل أفضل لحماية الموتور وللوصل لدرجة حرارة التشغيل الطبيعية بشكل أسرع وأفضل وبيحافظ علي الموتور عن الزيوت المعدنية والنص تخليقية,,
اللزوجة 5w-30 أو 0w-30 في الشتاء,
وفي الصيف 5w-40
في التوكيل بيحطو موبيل,, بس أنا بحط زيت شيل لدلوقتي وهجرب المرة التانية زيت تاني,,
زيت موبيل من تجربتي ليه سئ جداً,, ممكن تاخد زيت شيل معاك وانت رايح التوكيل وبيحطهولك عادي وبيخصموه من الفاتورة بدل ما تاخد موبيل من عندهم وياحسبوك عليك,,
وطبعاً الكلام دا هيكون علي صيانة ال 10 الأف, ومفيش تغير زيت في صيانة ال 2500
(2) قربة مياة التبريد,, والحرف البلاستيك البارز دا اللي داخل فوقه الخرطوم الأسود اللي جاي من الرادياتير هوا المعدل ما بين min و max.
....*ملحوظة, دورة التبريد مضغوطة,, أوعي تفتح غطاء القربة أبداً بعد ما تقف بالعربية وانت جاي من مشوار,,
وفي الغالب أنت مش هتحتاج تفتحها لفترة 3 أو 5 سنين لو محصلش عندك أي مشاكل في دورة التبريد ولا المنسوب كان بيقل,
ومنصحكش تلعب في الغطاء,,
أما لو حصل والمياة قلت بسبب تسريب أو مشكلة الغطاء,, هتزودها بمية مقطرة وليس مية حنفية ويكون التزويد الصبح والعربية باردة وتفتح الغطاء والعربية مبطلة,, أو لو هتزود والعربية سخنة تكون مدور العربية قبلها,,
جمبه القربة من ورا بالمناسبة فيه قربة مياة المساحات ودي نسيت أضيف لها رقم في الصورة,
وغطاها اللي لونة أزرق.
(3) علبة زيت الفرامل,, المفروض السائل يكون ما بين min و max
(4) زيت الباور,, بيكون تحت في الحتة دي ليه غطاء أسود,,
(5) فلتر الهواء لو حبيت تنفخه, بيكون جوا العلبة دي بتفك المسامير وممكن تنفخه كل 10 الأف كيلو لو حبيت.
وممكن تبقي تبص في الكتالوج برضه هتستفاد منه كتير وفيه صور برضه بتوضح الحاجات دي..
بالتوفيق.
المفضلات