الموضوع: زيوت التعاون

المشاركة الأصلية كتبت بواسطة eng.mah coop

كلنا طبعا عارفين زيوت التعاون وقى الى جربها وفى الى سمع عنها بس واخد انطباع انها كويسه او وحشه
وفى الى مش بيثق فى جودة المنتج المصرى حتى لو كان فى مكونات مصنعه فى الخارج يكفى ان يكون عليه كلمة صنع فى مصر(عقدة الخواجة)
حتى لوكان فى مستوى واحسن من زيوت تانيه سواء فى الجوده او السعر .
ياريت نشارك فى استطلاع الراى ده :) عشان نعرف راى حضرتكم فى زيوت التعاون والى عنده تجربة او مشكله حصلت معاه بسبب استخدام زيت التعاون ياريت يحكيها لينا

السلام عليكم
السياره دايو نوبيرا وبستعمل شل الاصفر ولكنه بينقص فهل ممكن اغير للتعاون وايه مواصفاته

السلام عليكم
انا شاري عربيه لانوس 2005 من سنه و غيرت زيت مرة واحده ( موبيل 5000 كم )
و عايز احط زيت كويس و يدي كفاءه للموتور
تنصحوني بإيه موبيل و لا التعاون و لا اي نوع تاني

انا حطيت التعاون جركن اصفر ب 119 بالخدمه
و بيعد 7000 لجولف 3 1400 cc
السبب اني جربت كاسترول و امارات و موبيل (الاسوء) و شل (بقي مضروب )
حيت انه الافضل
بس انا مليش دعوه بكاسترول ابو 240 مش بقارن بيه بقارن باgtx

المشاركة الأصلية كتبت بواسطة eng.mah coop

فى xpl sm
مستوى اداء api sm
درجة اللزوجه sae 20w-50
أعلى مستوى اداء عالمى فى الزيوت المعدنية ويصل الى مستوى اداء الزيوت التخليقية
بيستخدم فى موديلات 2005 فاحدث
ويتم تغييره كل 8000 كم
سعر الجالون 4 لتر 100 جنيه

هو ب 100 لسة ولا بقي اغلي ؟

الله ينور عليك يا بشمهندس على الموضوع المهم ده. بعد أذنك كان عندى استفسار انا معايا لانسر بومه 2004 اتوماتيك 1300cc بعد مااشترتها عملتلها طقم شنبر (نصف عمرة) وحطيت شل الاصفر كلمعتاد وانا كنت بغيره على3000كيلو بس بعد ماحطيت اول غيار زيت مشيت 1500كيلوا تمام وبعد كدة بدأ الزيت ينقص تانى رحت للميكانيكى اكتشف ان اوسيل القسيمه بايظ مع انى مغيرة اصلى بس معلش غيرته تانى وحطيت شل الاصفر تانى وبرده مشيت 1500 كيلو تمام وبدا الزيت يقل تانى وكشفت لقيت الحمد لله مفيش تسرييب من اى مكان بس مش عارف اعمل اة العربيه عاملة175000 كيلومتر اسف على الأطالة وشكرررررا مقدما.

شكرا يبشمهندس على الموضوع الرائع انا عربيتى نيسان صنى 97 وعملة 200000 والميكانيكى بتاعى قالى ان الموتور عندى فى رزعة بسيطة وهحتاج اعمل عمرة بس العربية مبتكلش زيت فى تسريب من اولسية وقالى حط زيت تقيل لحد ما تعملها علشان انا مش هعملها دلوقتى فالمناسب ال suber sj الازرق ولا اية وكمان انا ممكن اسافر عادى لما اغير الزيت ولا خطر وبعد لما اعمل العمرة ممكن احط زيت تخليقى والف شكر لحضرتك