الموضوع: فكره لمنع سرقه السيارات

المشاركة الأصلية كتبت بواسطة aldesha989

ب
اول مره اسمع ان فى عربيات بتنزل كده بس دى حاجه تحفه لانها بتأمن العربيه جامد

جرب كدة لو تعرف حد معاه فيرنا فول اوبشن
اقفل العربية بالريموت (الريموت الاصلي بتاعها )
وافتح العربية بالمفتاح
الانذار هايشتغل
جرب تدور العربية ... مش هاتدور

متابع

المشاركة الأصلية كتبت بواسطة msobhy

الفكره بتتعمل من زمااااااااااااااااااااااا اااااااااااااااااااان جدا
مشكلتها ان الريلاى أو كتاوت الفص بتبوظ وحضرتك بتتبهدل - مع ان حلها بسيط ان يبقى معاك كتاوت احتياطى فى العربيه
الفكره مبنيه على ان اغلب الانذار بيبقى فيه سلكتين أو فردتين - السلكتين دول لو انت فاتح الانذار والعربيه مفتوحه بيطلعوا 12 فولت انت بتدخلهم على الكتاوت أو الرلاى بيقفل الدايره
وأول لما حضرتك تقفل العربيه - الانذار بيقطع الكهرباء عن الفردتين دول وبالتالى الريلاى بيفصل - اعتقد انه بياخد من 5-20 ثانيه علشان يفصل
حضرتك عايز تأمن عربيتك - المفروض تعمل فيها التالى (مش جزء - كله)
1- قدام بيتك أو حتى فى الجراج اللى انت بتركن فيه تدق خزوق فى الارض بصبه خرسانيه وتربط العربيه فيه (الحل الامثل بجد مش بهزار)
2- انذار محترم ويتركب صح ويتركب عليه 3 كتاوت لفصل طرومبة البنزين والمارش وكهربة العربيه
3-قفل دريكسيون مع تابلوه
4-قفل دريكسيون مع فرامل
5-تراكر محترم جداااااااااااا وتكون بطاريته محترمه جدا
6- ان عربيتك يكون فيها ايموبليزر - او تاخدها فى حضنك وانت نايم - أو تنزل تنام فيها
7- تكون مرخص سلاح 16 طلقه وطول ما انت ماشى يبقى معاك على الاقل خزينتين احتياطى
8- ماتمشيش لوحدك بالعربيه ابدا - على الاقل معاك 2 اصحابك ويفضل انهم يكونوا لعيبة كمال اجسام ومرخصين سلاح
9- لما تسافر لازم تسافر مع 4 أو 5 عربيات وتكونوا لازقين فى بعض والاهم تنفيذ رقم 8 فى كل العربيات
10- ممنوع تستخدم العربيه ومعاك عائلتك نهائيا فى اى مكان وفى اى وقت
11- ممنوع تسيب مفتاح العربيه لأى كائن مهما كان - صيانه بواب سايس صاحبك اخوك ابوك امك مراتك - كلهم متفقين مع الحرامى (إن ماكانوش هما الحرامى نفسه)
12- الحل ده عن تجارب نجح مع ناس كتييييييييييييييييييييييي يييييييير - بيع العربيه - بيع بيتك - سافر بره - طلع لنا لسانك وأوعدك انك هاترتاح تماما ساعتها

فعلا للاسف اننا مصريين عايشيين ف ام البلد اللي عمالة تجيب بظهرها وبس مفيش قدام نهائي

انا كنت مركب دايرة بريموت بتفصل طرمبة البنزين في عربيتي النوبيرا من حوالي سنتين و كان ب 300 جنيه و لسة الناس بتركبها لغاية دلوقتي و هي مفيدة جدا و بتديك احساس بالأمان لعربيتك و كان فيها ميزة انك ممكن تفصل الطرمبة بالريموت و هي العربية دايرة و عن بعد حوالي 500 متر يعني لو لا قدر الله اتثبت على الطريق سيب العربية للحرامي و انزل و بعدين افصلها من الريموت و ساعتها العربية حتبطل و مش حدور تاني غير لما انت تشغلها تاني من الريموت. الراجل اللي كان عامل لي الموضوع ده لسه موجود لو حد عايز تليفونه

هى فكره بص الموضوع فى التطبيق

المشاركة الأصلية كتبت بواسطة ahmed.zahra

انا كنت مركب دايرة بريموت بتفصل طرمبة البنزين في عربيتي النوبيرا من حوالي سنتين و كان ب 300 جنيه و لسة الناس بتركبها لغاية دلوقتي و هي مفيدة جدا و بتديك احساس بالأمان لعربيتك و كان فيها ميزة انك ممكن تفصل الطرمبة بالريموت و هي العربية دايرة و عن بعد حوالي 500 متر يعني لو لا قدر الله اتثبت على الطريق سيب العربية للحرامي و انزل و بعدين افصلها من الريموت و ساعتها العربية حتبطل و مش حدور تاني غير لما انت تشغلها تاني من الريموت. الراجل اللي كان عامل لي الموضوع ده لسه موجود لو حد عايز تليفونه

حلو الموضوع ده بس لو احنا ممكن نطبقه ؟
طب بلاش هل الجهاز مشهور او معروف ولا حد عامله وبيبعه ؟
بس المشكلة فى العربيات اللى زى عربيتى مش هينفع لطرمبة البنزين لانها مش كهرباء

المشاركة الأصلية كتبت بواسطة ysamerlabib

انا مركب جهاز كدة بال usb بدور العربية وال usb راكب ولما تدور العربية بأخلع ال usb ولو اتثبت على الطريق ممكن اسيب العربية وبعد 25-30 ثانية العربية بتبطل لوحدها ... ولما اروح بسيب العربية من غير ال usb ومستحيل تدور
احسن حاجة بقى ان ال usb ده شبه الفلاشة بالظبط يعني مستحيل الحرامي يشك انه هوه اللي بيدور العربية

يوم الاربعاء اللي فات كنت حتثبت في دخلة نفق الازهر من ناحية العتبة .. بس الحمد لله جريت جوه النفق وخرجت توهت العربية ال 1/2 نقل .. الكلام ده كان الساعة 11 بالليل تقريبا

ياريت لو فى تفاصيل اكتر عن الجهاز ده
وربنا يسترها علينا وعليك والحمد لله انك قدرت تهرب

المشاركة الأصلية كتبت بواسطة gade2

هى فكره بص الموضوع فى التطبيق

ما هى اى فكره فعلآ فى التطبيق بس مافيش حاجه مستحيله