الموضوع: ايه هيا اكتر سرعة جبتها ؟؟؟؟؟؟

180 KM Hyundai accent 1300CC model 99 fi taree2 el3een elso5na wkonna arba3a wkont msha3'al eltakyeeef bas lelasaf ma3andeesh sora

180 KM Daihatsu Sirion 1300CC Model2008 manual fi taree2 masr Alex.

amma 3arabeeet 2areeby kan m3ah Mazda 323 model 82 7aga keda a bas wallahy 2afelt el3adad bta3ha wkann 200 KM bardo fi taree2 masr Alex. bas di kanet mo3'amrra 5ateera gedan belmazda esara7a :(

elmohem en ana momkn agarab tany wisA haksar kol elarkaam elkyasyya lelsor3a bas bel3a2l bardoooo :)

شوفوا
والحمد لله انا امتلكت عربيات كتير هأقلكم بالترتيب من أول عربية أشتريتها لحد الأن أيه أقصى سرعهة جبتها بكل عربية
أول عربية كانت جولف رابيت موديل 1978 وكانت زيروا والدى ربنا يكرمه ويخليه ليا جابهالى وانا لسة فى اولى ثانوى وهو جى مرة من المانيا
وكان لونها أحمر وكانت 1100 سى سى دى جبت بيها 160 كيلو متر ساعه مرة وانا فى جنوب سيناء
بعدها جبت عربية صوغنونة أسمها فيات 850 سبورت كوبية وكانت 850 سى سى دى جبت بيها 140 كيلو على طريق العريش
وبعدها جبت نيفا موديل 82 على الزيرو وكانت ب 10500 جنية وكان لونها ابيض ودى اقصى سرعهة جبتها بيها 155 كيلو على طريق مطروح
وبعدين رجعت تانى للجولف وكانت نبيتى جى تى أى ودى جبت بيها فى جنوب سيناء برضو 190 كيلو متر ساعه وساعتها حسيت انى مت من فرط السرعه
وبعدين جبت 127 توب وكانت 1300 سى سى وجابت معايا مرة واحده 170 كيلوا على طريق الواحات
وبعدين مراتى كان عندها زمان زستافا كنا جيبنها زيروا من عند الكفراوى بالقسط وكانت 750 سى سى ودى اقصى سرعه جبتها بيها كانت 120 كيلو متر ساعه على الطريق الزراعى
وبعدين بعدها جبت بيتل 1300 وجبت لها محرك 1600 سى سى بحدافة 21.5 سم بتاعه الميكروباص كان بيوصلها لسرعه 180 كيلو ودى كانت على طريق طابا وكان معايا مراتى وابنى فقط
وبعدين جبت ريتمو 75 وكان محركها 1500 سى سى ودى جبت بيها 170 كيلو متر ساعه على طريق مطروح
وبعدين جبت بعربية مراتى الحالية سوزوكى ماروتى 2007 وجايبنها زيرو 150 كيلو متر ساعه على طريق مطروح وده أخر رقم فى عددها وجابتهم بسهوله غير متوقعه جدا
وأخيرا بعربية إسبرنزا بتاعه اخويا A516 وجايبها زيروا 2008 كنا رايحين الغردقة وجبت بيها على طريق القطامية العين السخنة 205 كيلو متر ساعه وكان ممكن تجيب اكتر من كده بس بينى وبينكم صورة ابنى رقصت أدامى وهو اصلا لسة صوغير قلت لا اهمد الواد لسة ما اترباش ما فيش داعى يتيتم علشان عربية
وبعدين من اسبوع كنت فى تجارب بعربية اسبرنزا A620 على طريق الواحات ودى جبت بيها 210 كيلو متر ساعه واللهى بدون ما احس ما اعرفش ازاى فجأة بابص على العداد لقيتة 210 وكانت طايرة بس بدون صوت تماما
أشكركم دوشتكم

أكثر سرعة بالدراجة الهوائية :)
63كم/س على الخامس

أكثر سرعة حقيقية بالـ 504:
165 كم/س طريق القاهرة اسكندرية الزراعي و كانت حوالي 3 صباحاً و كان في أربعة غيري في العربية

من سنتين كنت مسافر في رمضان وقت المغرب لوحدي و دي المرة اللي صورتها فيديو بس كانت 140 و مازودتش عن كدة لكن كنت مستغرب أن العربية ثابتة حتى تلاحظوا أني كنت سايب الدركسيون
Driving in Egypt, 1977 Peugeot 504 stable at 140km/h


على فكرة المؤشر عندي بعد ال 120 بيحدف زي ما انتوا شايفين في الفيديو، فلو حبيت أشتغل أي حد ممكن أقول له أنا قفلت العداد :)

طبعاً لا كلام عن الثبات بعد ال160

بس دلوقتي ما بزودش عن كدة 70-90. و مابفكرش أزود السرعة تاني لأني بصراحة مش ضامن الطرق و لا العربية ولا الكاوتش ولا الناس ولا المرور ولا نفسي و لقيتها ما بتفرقش في الوقت

على فكرة عدادات السيارات مضبوطة بحيث تعطي قراءة أكثر من السرعة الفعلية. مثلاً المقاييس الأوروبية تزيد عن السرعة الفعلية 10% + 4كم/س هذا عن نسبة الخطأ المقصود. و نسبة الخطأ غير المقصود أكثر لو كان العداد أنالوج طبعاً :)
Speedometer Calibration

لو تريد السرعة بالضبط بالضبط ممكن بالجي بي اس أنا قمت بقياسها مرة كانت على العداد 150 تقريباً و على شاشة الموبايل 134

انا بصراحه وصلت 220 بعربيه
BMW 320i coupe
بس طبعا مش هكون مركز اني اصور العدد لاني اكيد المفروض هكون مركز مع الطريق بس جربت فتحت الزجاج لقيت صوت هواء كان هيخرم وداني قفلت بسرعه بس جربتها اكثر من مره يعني حوالي 3 مرات لان العربيه بتجبهم مرتاحه لان سرعتها 260