الموضوع: حصريا وبالصوووور ... فك وإصلاح وتركيب مفتاح النور لفكترا بى

الزملاء الأعزاء

بدون مقدمات تجربتنا النهارده عن مفتاح نور الفكترا بى ... وقبل الخوض فى التفاصيل عاوز أقول لحضراتكو ان الشغل اللى اتعمل النهارده ده قولت لأكتر من صنايعى انى عاوز اعمله وقاللى ما ينفعش ... وبيكون رده ( هات واحد إستيراد )

القصه كانت كالآتى :

عندى مفتاح كامل راكب فى العربيه ( بالفوجات الأماميه والخلفيه ) بس فيه مشكلتين
اولا مش بينور نور الصالون
ثانيا اللمبه الوسطانيه فيه محروقه

وعندى المفتاح الأصلى وسليم جدا ولكن للأسف بدون لقمه الفوج الأمامى .. كما فى الصوره


المطلوب دلوقتى اننا نوفق مفتاح كامل سليم من الاتنين دول .. وطبعا عشان اول مره اشتغل فى المفتاح ده فبدأت بالفتاح اللى كان خارج من العربيه عشان لو باظ مايحصلش مشكله

وفعلا بتوفيق ربنا فكيت المفتاح واللقم بدون مشاكل وبدأت شغل فى المفتاح اللى راكب فى العربيه بعد ما خلعته من العربيه .. وهو بالمناسبه عندى بيخرج بالشد ويركب كبس ... وده المنظر بعد خروج المفتاح



بعد كده بمفك عاده ونبدأ نخرج ظهر المفتاح .. بيكون عباره عن أقفال عاشق ومعشوق بنهويها بالمفتاح العاده وبعد كده نبدأ نخرجها واحده واحده بالمفك .. زى الصوره كده



وده منظر المفتاح بعد خروج الضهر بتاعه




وده منظر المفتاحين بتوعنا من الداخل




وبكده بعد ما فكينا بقى مطلوب مننا نفك لقمه الفوج الأمامى من الجزء الأمامى من المفتاح البايظ ونحطها مكان الطبه اللى فى المفتاح السليم ( اللى بينور الصالون ) عشان ماحدش يتوه منى
وننقل اللمبه الوسطى زى ما فى الصوره كده



وبعد كده هانقفل المفتاح وله طريقه واحده عشان نظبط البكرتين بتوع مستوى نور الفوانيس ودرجه نور الطابلوه وهى إننا بنرفع البكرتين لأعلى درجه وبننزل الدراعين الداخليين لتحت على الآخر .. وبكده بيكونوا مظبوطين مع بعض ونركب الضهر فى الوش عادى جدا ببساطه

بختصار وببساطه اللى عملناه هو تغيير وش المفتاح بعد إضافه لقمه نور الفوج له وتركيبه على قلب المفتاح اللى كان راكب فى العربيه .. وركبنا اللمبه الوسطى فى المفتاح نفسه

والحمد لله تمت العمليه بنجاح والمفتاح عندى بقى ينور الصالون والفوجات الأمامى والخلفى

تحياتى واتمنى ان تعم الفائده بأمر الله