مشكلة مفيش ميكانيكى عارف يحلها وهي عادم اسود من موتور جولف هاف انجكشن 1300 سي سي متركب لعربية ابيزا 94 غيرت النجكشن وغيرت حساس الحرارة ومفيش فايدة العربية مبرجلة وساعات بتبطل لما تهدي علي الغيار التانى وكمان الار بي ام بيسحب لتحت ومهزوز وفيه نتشه في العربية اثناء الغيارات -يرجي الافادة عن سبب العطل وكيفية الاصلاح ومين ميكانيكى يكون فلهم وكويس في الاسكندرية
المشكلة لديك بال egr او حساس الاكزوزت ...
يرجي التوضيح اكثر
اهلا بيك بين اعضاء قسم السيات نيل موتورز
الدخنه السوداء ( خطأ فى نسبة خلط الهواء بالبنزين مع توقيت خطأ فى الشعال ) المتسبب فيها ويجب مرجعته
- حساس الشكمان ( يتنضف أحيانا والأغلب بيتغير )
- حساس الماب map (الأير ماس) ( أما بيتنضف او يتغير )
- الكربراتير ( بيتظبط ولو بايظ نهائى بيتغير بجديد او إستيراد )
- البوجيهات أحيانا وايضا سولكها نادرا ( بتتغير )
- الأسبراتير وظبط كهربته ( ظبط فقط ) وممكن سببلك النتشه الى ذكرتها مع رداءة البوجيهات
- أخر حاجه ecu الكمبيوتر يونت ذات نفسه ( بيتغير بس نادر لو كان منه فى حالتك (مخطرف يعنى ) )
الحجات السابقه لازم يتراجع عليها وتخدها بالترتيب وبعد كل خطوه تجرب لحد ماتظبط أن شاء الله
انتا كشفت كمبيوتر لو لا يبقى لازم تكشف ولو نعم قلنا نتيجة الكشف كانت ايه
بخصوص الميكانيكية المتخصصة فولكس فى الأسكندرية ان شاء الله يدخل اعضاء اسكندريه ويفدوك
[SIZE="4"]وعوزك تحط فى الحسبان ونتا بتعالج او بتغير حساس الشكمان او حسآس الأ ُكسجين O2 Senser من دبة التلوث Catalytic Converter
وشوف كده المشاركه ديه لاخونا صلاح بيه
اقتباس:
المشاركة الأصلية كتبت بواسطة sala7
:Ta_clap[1]:
مجهود وشرح اجمل من رائع حسام بك
شكرا علي كل الردود وإن شاء الله اجرب واشوف ايه الاخبار
عندي كمان نقص في قربه المياه بصفة دوريه
الله ينور يا حسام باشا
مفيش كلام بعد اللى قولته
الله ينور يا حسام باشا
مفيش كلام بعد اللى قولته
تم حل المشكلة الخاصة بالعادم الاسود بعد تغيير البوابه باخري والحمد لله
وكن هناك ملحوظة اخري يرجي الافاده عنها وهي نقص في قربه المياه باستمرار مع ملاحظة وجود عادم ابيض عند الكبس علي بدال البنزين في السلانسيه
بص هوا وصفك دا يقلق
طيب الحرارة بتعلى مع نقص الميه ولا لا ؟؟
فيه تسريب فى شجرة الميه ؟؟
الاحسن تروح تعمل كبس للدورة لو مش عارف عندك تسريب ولا لا
او فيه تسريب عالجه (الخراطيم - غطا القربة- ....)
لو مافيش يبقا نشوف الاحتمالات التانية
لا الحرارة مبتعلاش وفيه زي صدا علي شجرة المياه من الخارج ولا يوجد ملاحظة اتسريب مياه اسفل السيارة
ماهو الصدا دا مكان تسريب
ولا انا فاهم غلط ؟؟
انت بتحط مبرد اصلى (ميه حمرا) وبتركيز مضبوط ولا لا ؟؟
انا روحت لميكانيكى معرفة وقالي الموتور عايز طقم شنبر وجوان صباب وجوان كارتير واويل سيل صباب وجبت الحاجات دي وعملي نصف عمره واستلمت العربية امبارح بس ملاحظ صوت العربية عالي ومؤشر الحرارة عند اول علامة عالي يعنى وكمان في صوت ونه بتعلي وتوطى روحتله تانى قالي يومين تلاتة العربية لسه بتلين وصصوت الونة ده فالي انت عايز راس كوبلنج داخلي جهة اليمين مع انه مكنش في اي صوت قبل العمرة:وكمان العربية سحبها ضعيف وساعات بتبطل منى ولما تيجي تدور بتاخد وقت 36_2_33::36_2_33:
الكلام اللي حصل ده عــــــــــــك السنيناقتباس:
المشاركة الأصلية كتبت بواسطة mohamedmortady
المفروض لو الطلبات اللي انت جبتها دي كلها لو فعلاً كانت اعطال في العربية الموتور يهدى جدا و صوته ما يطلعش
بس اللي انا مستغربله ان الراجل معرفة و بردوا بيشتغلك و عمل عليك مصلحة
طيب خلينا ننسى شوية اللي الراجل عمله في عربيتك ده و نرجع لموضوع الكربريتر اللي انت بدلته ..
ان شاء الله تروح كدا في اقرب وقت تجيب فلتر بنزين (هااام جدا) ..... ليه ؟؟؟؟
انت متعرفش ايه سبب تلف الكربريتر القديم ف امر احترازي تغير الفلتر
الحاجه التانية اول 3 تفويلات ياريت تحط 95 و بين كل مره و مره تكون داخل تمون و التنك فاضي
الحاجه الثالثة : غير فلتر البنزين تاني بعد 3 تفويلات دول و بعد كدا ارجع لنوع البنزين اللي متعود عليه
انا كدا ضمنت اني اخدت كل الاتساخات اللي في التنك في الفلتر الاولاني و ضمنت باذن الله ان وصلات التغذية اللي رايحه للحاقن سالكة و هتجنب بعد كدا مشاكل الاتساخات اللي رايحة على الحاقن لان عدم القدرة على اداء الحاقن لوظيفته الاساسية اللي هي انه (يبخ بنزين) مش (ينقط و يسيل) و هو ده سبب الدخنه السوداء
الموضوع ده مكلف بس من اهم الصيانات
موضوع العك اللي حصل بعد كدا .. الله المستعان
تحياتي
انا معايا نفس الموتور ونفس المشكلة وجربت حاجات كتير بس اخر حاجة وصلتلها ان الكنترول اللى راكب عندى مش بتاع الموتور
اتاكد ان الكنترول اللى عندك بتاع الموتور ده
لان موتورى 1400 هاف انجكشن كوده abd
والكنترول اللى عندى قاريه عالكمبيوتر 1.3 بولو وبكده الاى ديل مش شغال مظبوط
فتاكد
الحمد لله العربية صوتها هدا جدا والحرارة نزلت وبقت طبيعية بعد يومين من التليين والدخنا السودا راحت بعد ما غيرت البوابة زي ما قولت بس لسه في دخنه عند التدوير باكر فقط مع شويه برجله يس مقدور عليها
وموضوع نقص المياه كانت طبة الموتور الخاصة بالمياه مخرومة وملئتش مقاسها خرطها عند خراط وركبتها ونسبيا الوضع الكلي بقي احسن من الاول والحمد لله بس لسه فاضلي راس الكوبلنج الداخلي وكمان تغيير عامود القطمة علشان فيه بوش جامد
:oops2::oops2::oops2::oops2:
ربنا يعينك ويكرمك