مشكلة في سلك الزجاج الكهرباء في الفكترا سي

**Abdo Taha** · 10-11-2013 01:02 AM

السلام عليكم النهاردة الزجاج بتاع الباب الوراني اليمين علق مبقاش بيطلع رحنا لواحد فك الفرش بتاع الباب و رفع الزجاج و سندناه بخبشبة من جوة الصاج و فصلنا الكهرباء بتاعته و طلع سلك البكرة بتاع الزجاج مقطوع و لافف حوالينها و المكنة معلقة فياريت ترشحولي حد كويس و ميعكش و يبوظ الدنيا و عايز اعرف ممكن تتكلف كام مع اني اعتقد انها حاجة بسيطة بس برضه عشان المفاجآت و يكون مكانه في القاهرة .

شكرا مقدما و تحياتي

**saddam** · 10-11-2013 04:03 AM

المشاركة الأصلية كتبت بواسطة ahmed_gamal

في واحد اسمه عادل في شارع المطبعة هرم كنت بعمل عنده ازاز الميجان لما بتعمل كده ب 80 جنيه

صديقي المواطن
عادل كويس ولكن شفله تجاري إلى حد ما ومعادش كويس زي اﻷول يعني بفه بيعمل حاجات وبظطر أروح أتمم وأعدل على شغله بره واﻷفضل وقولا واحدا هو اﻷسطة إبراهيم كوالين في شارع العشرين من فيصل يخش 100 متر يبص عاليمين حيلاقي شارع سد هو المحل هناك والشارع قبل منه محل
عصير كبير
حيطلع المكنة بره ويغير الواير ويكبسه وينظف المكنة ومش حتوصل ل 100 جنيه أقل
وهذا ما لزم بيانه ودمتم وبالتوفيق وإلى اﻷمام ومن نصر إلى نصر
ودمتم للنضال

**Abdo Taha** · 10-11-2013 01:37 PM

اشكركم جدا بس الهرم و فيصل بعيد شوية مفيش حد كويس في مدينة نصر ، مصر الجديدة ، المعادي اقرب شوية و هل في حد كويس في شارع احمد سعيد .

مستني ردود بقية الاعضاء و لو كدة هنزل فيصل اعمله و امري لله