الموضوع: أماكن التشحيم (وقاية + سلاسة) - للمناقشة

السلام عليكم - عاملين ايه - وحشتونى - كل القسم و الله و أسف على الغيبة الطويلة

طبعا زى ما هو باين من العنوان , ان انا حتكلم عن الشحم و التشحيم ,, فا كل واحد يخلى باله من هدومه و يفضل يلبس أى حاجه قديمة عنده عشان الشحم و كده

الموضوع ده انا مجربتوش بس هو لسه زى ما تقولو كده إستطلاع أراء و مطروح للمناقشة للفايده العامة و إستخلاص المعلومات و المحاذير ,, عشان الواحد مايعملش حاجه غلط و يندم عليها

الموضوع ابتدى فى دماغى بفكرة جاتلى من مقبض باب العربيه ,, ايوه و الله زى ما بقولكم كده ,, المقبض (الاوكره) هو مصدر الالهام ,, حاسس ان انا لما بفتح الباب بحس ان المقبض خشن فى حركته و عايز يتشحم من جوه ,, قمت علطول افتكرت كلامكم فى المقابلات مش فاكر مين اللى قال قبل كده لما جه فك الابواب لقى الباب كان داخل فيه نشع ميه من عند المقبض و عامل صدى ,, قلت مابديهاش بقه ,, يبقى مهم يتشحم ,, من جوه لسهولة الحركه و للوقاية من الميه ,, و بعدين افتكرت برضه كلام اتقال فى المقابله عن ان لو حصل تسريب فى البطاريه حيعمل صدى فى حوض الموتور و فعلا فيه مننا حصل معاه كده ,, قلت مابديهاش بقه ,, نشحم حوض الموتور بشحم ابيض عشان مايلمش تراب ,, قمت افتكرت كلامكم برضه عن ان المنطقه اللى تحت الزجاج الخلفى ,, اللى هى المجرى بتاعت المطر ,, بتلم ورق شجر و تراب و محتاجه تتنظف بإستمرار عشان ورق الشجر مع الميه بيعمل بارومه ,, قلت مابيدهاش بقه ,, نشحم ديه رخرى شحم ليثيوم ابيض (طويل العمر يطول عمرة و ينصره على مين يعاديه هااااااااااى هىىىىىىىىىىىىىىى ) طب بالمره بقى العفشة شحم ابيض و هى بتتربط ,, ده كلام كبير أوى

فالموضوع للمناقشه سواء كنت من جوه القسم أو من الاقسام المغيره أو حتى كنت 777

1- أماكن التشحيم و تأثير الشحم عليها و تتشحم كل أد ايه ؟
2- نوع الشحم لكل منطقه (شحم ليثيوم , شحم جرافيتى , شحم أزرق ....) و الكميه و التكلفه
3- فيه مناطق تحتاج سروجى عشان يفك ,, أو بمعنى أصح محتاجه متخصص عشان ماينفعش تشحمها بنفسك ؟؟

فتحت باب المناقشه .........................................