هو انا ينفع استبدل كاسيت وسماعات من ارخصهم ؟؟ ياريت الرد بسرعه ارجوكم

**beshomilan** · 10-11-2013 04:49 PM

دلوقتى انا من يومين اشتريت كاسيت ادريان m8 ومعاه 2 سماعه بايونير بيضاوى 250 وات
وبعد ماركبتهم لقيت مفيش بيز خالص والصوت سىء جداا لما يعلى وكمان مش نقى ومش عاجبنى خالص :(((

الكاسيت خرجه 25 * 4 والسماعات 2 واى

والاتنين عاملين 410 (الكاسيت ب 210 والسماعات ب 200 )

وموجود علبهم واكياسهم والفاتوره بس المشكله ان الكابلات بتاعت الكاسيت والسماعات استعملت واتركبت خلاص فى العربيه..فأيه الحل؟؟

وهل ياترى لو بدلت الاتنين بكاسيت بايونير ودفعت فرق زياده هيقول حاجه؟؟

برجاء الرد بسرعه ياريت

**نجم** · 10-11-2013 05:11 PM

لايوجد استبدال بدل الكاست والسماعات مفهمش عيب

**beshomilan** · 10-11-2013 05:31 PM

الحاجات دى من عند الارخص فى التوفيقيه

**beshomilan** · 10-11-2013 05:42 PM

لايوجد استبدال بدل الكاست والسماعات مفهمش عيب

هو فى عضو سمه aftr مشاركته شهر 4/2013 كان قايل كلام مختلف

انا بصراحه حصلى موقف تقريبا نفس الموقف بس كانت سامعات بايونير 400 كان من عند ارخصهم فضلو معايه شهر وكنت جايب من عندهم وحدة الصوت المهم رجعت السامعات عادى وجبت بدلهم صب كينوود وقال لو الجى ام مش عجبك وحابب تغيره اغيرو وبجد محل ارخصهم ناس تمام روح يامان عادى ممكن تبدل بموديل تانى عادى

**ibnelfared** · 10-11-2013 05:55 PM

ممكن ترفع الصور بتاعتهم لو سمحت

**beshomilan** · 10-11-2013 06:00 PM

مش هعرف حاليا بس هما معروفين تماما

**beshomilan** · 10-11-2013 08:25 PM

ايه يارجاله مفيش ردود ولا ايه

**ayam7** · 10-11-2013 08:40 PM

اعتقد يا استاذى إن خرج الكاسيت ضعيف على السماعات عشان كدة كفاءة الصوت ضعيفة ومكونات الصوت مش واضحة ودايما ً الكاسيت الرخيص بيكون وحدة التكبير فيه كفائتها قليلة انت الوقتى محتاج تجيب حاجة ترفع كفاءة إشارة خرج الكاسيت زى وحدة gm او إمبلفير او حتى ايكوليزر

**beshomilan** · 10-11-2013 09:11 PM

هو انا عارف ان خرجه 25 * 4 وده خرجه قوى بالنسبه للصينى وفيه ناس شكرت فى الكاسيت ده كتير اوى فمعرفش ليه الصوت كده عندى؟؟
ولا التوصيلات مش مظبوطه؟؟
دانا حتى جايبله سماعات 250 وات مش حاجه جامده اوى عشان تكون عاليه عليه
مش عارف المشكله فين بجد

**aftr** · 10-11-2013 11:17 PM

انا اللى كنت غيرت السامعات بص حاول ترجع الكاسيت فى الكرتونه تانى بالاكياس المهم مايكونش فى اسلاك او الفيشه مقطوعه والسامعات نفس الوضع انا كنت جايب 2 بايونير فضلو شهر معايه ورجعتهم بس بالكرتونه حتى الفل الابيض كان ضايع من الكرتونه وجبت صب كينوود 1200 بصراحه المعامله كانت كويسه انت ياباشا روح عادى قوله انا محتاج اغير الكاسيت بموديل اعلى شويه والسامعات نفس الوضع بس اهم حاجه العلب تكون سليمه عرفه انك زبون المحل وانت على طول دايم عنده ومش اول مره عرفه انك غيرت قبل كده من عنده