يوم حافل مع التوكيل

**khaabas** · 14-11-2013 10:39 AM

لا يا باشا مع احترامى سئ جدا لان العربية لما تكون ماشية 20.000 وتغير عفشه كاملة فمن المتوقع تغييرها بعد متطلع من الضمان وتدفع تمن كل الاجزاء دى باسعار خيالية جدا يعنى الكوبلن فى الار بى من غير الضريبية ب 3000 جنيه يعنى انتا لو بتغير الحاجات دى بره الضمان هيقولك 15000 الف او 20

**Samir Elshahawy** · 15-11-2013 03:33 PM

أولا .. مبروك علي الصيانة و عقبال ال 100,000 كم أن شاء الله

ثانيا.. توكيل هيونداي أصبح بالفعل مختلف عن ذي قبل و هذا لمسته بالفعل بشكل شخصي و من خلال متابعة للعديد من المشاكل للسادة الاعضاء مع التوكيل و هم يحاولون تقديم المزيد

ثالثا.. بالنسبة للألنترا md موديل 2012 بها بعض العيوب الفنية التي يقوم التوكيل و بناء علي توصية من الشركة الكورية بتغيير بعض القطع في الضمان عند أقرب فرصة مثل :
- علبة الدريكسيون (في بعض الفئات و السيارات)
- الكوبلن
- المساعدين و السوست (في بعض السيارات)

**amrelsaqqa** · 15-11-2013 03:47 PM

حضرتك المفروض تبقى مضايق مش فرحان !

الا لو حضرتك ادرى بطريقة سواقتك ، لان ازاى العربية عاملة 24000 كيلو وتغير عفشة كاملة بالمنظر ده ، ما تفرحش بالتوكيل دلوقتى ، بص بعد لـ 24000 الجايين او اللى بعدهم لما تلاقى نفسك هتدفع كل ده من جيبك

الله اعلم ايه ظروفك بردو ، وممكن المهندس زودها شوية او حب يجاملك لما قلتله من نايل موتورز ، الله اعلم ، فغيرلك كل حاجة بدون سبب واضح او مش عايز يتعب نفسه في انه يدور ع العيب لان على حسب كلامك رنة في الملفات وتزييق المطب مكنش مستاهل تغيير كل ده

**amrelsaqqa** · 15-11-2013 03:49 PM

ثالثا.. بالنسبة للألنترا md موديل 2012 بها بعض العيوب الفنية التي يقوم التوكيل و بناء علي توصية من الشركة الكورية بتغيير بعض القطع في الضمان عند أقرب فرصة مثل :
- علبة الدريكسيون (في بعض الفئات و السيارات)
- الكوبلن
- المساعدين و السوست (في بعض السيارات)

دى حاجات اساسية جدا ! ، طيب هل عند حضرتك فكرة القطع اللى بتتركب جديد خالية من العيوب ولا العيوب هتفضل مزمنة في العربية وتظهر تانى بعد فترة والعميل يلبسها بعد ما الضمان يخلص !

**Samir Elshahawy** · 15-11-2013 05:21 PM

المشاركة الأصلية كتبت بواسطة amrelsaqqa

دى حاجات اساسية جدا ! ، طيب هل عند حضرتك فكرة القطع اللى بتتركب جديد خالية من العيوب ولا العيوب هتفضل مزمنة في العربية وتظهر تانى بعد فترة والعميل يلبسها بعد ما الضمان يخلص !

عادي جدا .. فيه عربيات كتير و ماركات أكثر شهرة من الهيونداي و كانت بتغير فتيس أو مساعدين برضه و هيا لسه ماكملتش 10,000 كم

فعليا قطع الغيار المستبدلة مختلفة و منها علي سبيل المثال الكوبلن تم تغييره تماما و بالفعل العربيات اللي غيرت القطع دي لم تظهر بها المشاكل مرة اخري

الغريب و المؤكد أن هذه العيوب ظهرت بكثرة في مصر أكثر من دول أخري و قد يرجع ذلك لشوء حالة الطرق هنا أو أسلوب قيادتنا الذي عندي الكثير من التحفظات عليه

**ahmedsrs** · 15-11-2013 05:30 PM

التقل فى الدركسيون واللف مع احترامى للتوكيل مش طبيعى

**big big** · 16-11-2013 11:23 AM

اولا شكرا لكل من رد عليه في كل الاستفسارات والمشاركات بس انا عاوز اوضح حاجه اولا اول مالعربيه دي نزلت كان فيها مشاكل والمشاكل ديه متعارف عليها منها جلب الكبالن والمساعدين والطاره وعلبة الدريكسيون وبناء عليه تم تعديلهم من قبل الشركه الام وبناء عليه الي كان بيروح التوكيل ويشتكي من حاجه من الحجات ديه كان التوكيل بيغيرهم فبتالي لو كانت الشركه الام منزله الحجات ديه من غير تعديل العيب الي فيها كنت اولتلك كلامك تمام لكن الشركه نزلت مساعد متعدل فيه العيب ده فبتالي المشكله مش هتظهر تاني والتجربه العمليه احنا فيها كام واحد هنا مغير علبة الدريكسيون بتاعت العربيه دي هل اشتكي منها تاني خلينا نسئل الناس طيب والي غير مساعدين متعدله هل اشتكي منها تاني الموضوع مش انت فرحان وزعلان الكلام ده الموضوع ديه عيوب في العربيه هل اسيبها كده ولي اغيرها وانا مش اول ولا اخر واحد هيغير حاجه ضمان خصوصا في العربيه ديه ومره تانيه اشكركم جميعا وبالاخص الامهندس سمير شهاوي

الموضوع: يوم حافل مع التوكيل

LinkBack

أدوات الموضوع

عرض

-

المواضيع المتشابهه

نيســان .. تاريخ حافل، ونجاح تحدي الفشل

نيسان تاريخ حافل بالزبالة ومشاكل الصيانة

نيســان .. تاريخ حافل، ونجاح تحدي الفشل

الكلمات الدلالية لهذا الموضوع

المفضلات

المفضلات

ضوابط المشاركة