انتو فاكرين بيتضحك علينا في العربيات بس ؟ تجربتي مع الشراء الالكتروني في مصر

**A_H_M_A_D** · 14-11-2013 12:58 PM

انا بتعامل معاهم علطول , النقطه في حاجه مهمه , انك لازم تتأكد ان البائع له تقييمات كويسه لازم تعدي ال80% ايجابي على الاقل , غير كده اوعى تجيب منه , ولازم يكون بايع حاجات كتير على سوق عشان تتأكد انه بائع ملتزم

او انك تشتري حاجه يكون سوق نفسه هو اللي بيبعها دي برضه بتبقى مضمونه و كويسه , انا شاري منهم لغاية دلوقتي 30 مره , وفي اغلب المرات دي كانت عمليات مرضيه جدا , واللي مابيعجبنيش برجعه و بيعملي ريفند على الفيزا بعد الارجاع بكام يوم , مفيش مشاكل خالص

**mk3** · 14-11-2013 01:33 PM

العيب فى الاشخاص مش فى النظام
نغير نفسنا هنلاقى الدنيا بقت وردى لان البائع ده واحد مننا زيه زى الحاكم.

**kimotop** · 14-11-2013 09:45 PM

من يوم 3 / 11 وانا عامل طلب ارجاع ومفيش فايدة واتصلت بيهم اكتر من 10 مرات وبعتلهم شكاوى على صفحتهم على الفيس بوك و بعتلهم ايميل شكوى وكل البروجرس الي حصل عملولي اجنور على الايميل

**Nistelrooy** · 15-11-2013 02:26 AM

المشكلة في القوانين الي بتحمي المستهلك فية قانون في بريطانيا بيحمي المستهلك في الحاجات الي زي دية اسمة Distance selling act
وده بما انك مش شايف المنتج الي عايز تشترية علي الحقيقة لو فية صور لازم تطابق الحقيقي بالظبط وليك حق الاسترجاع ويتعملك ريفند علطول او استبدال المنتج.

لو فية قانون بيطبق بس !!

**RAPID** · 15-11-2013 01:11 PM

المشاركة الأصلية كتبت بواسطة akmm

نصيحه لما تشترى من المواقع المصريه اختار ... الدفع عند الاستلام ... وبلاش الفيزا وعند الاستلام شوف الحاجه مطابقه ولا لأ وده حقك ولو مش مطابقه ارفض استلامها من على الباب وكفى الله الؤمنين شر القتال .

غالبا شركات الشحن بترفض فتح الطرد الا بعد الدفع ولو فى حاجة او عيب فى السلعة بتعمل استرجاع وتستنى اما يغيروها او ترجعلك فلوسك بعد لفة طويلة !

**tmz9111** · 15-11-2013 04:51 PM

ده العادى يا باشا بس المشكله ان فى ناس معندهاش ضمير بتبيع حاجات مش سليمه على سوق وللاسف خدمه عملاء سوف مغفلين فى الغالب وطبعا شركه ارامكس مفيش اسوا من كده فى الدنيا بس للحق فى حاجات كتير على سوق بتبقى ممتازه وزى ما انت شايفها

**h_shahin** · 15-11-2013 10:21 PM

أنا إتعاملت مع سوق و جوميا و راية و e3050 كلهم كانت تجارب ناجحة ما عدا مرتين من سوق كان الشرا من تجار غير سوق واحد حل المشكلة خلال يومين و التانى لا
فى سوق ساعات كتير الحاجة بتبقى أرخص من السوق فعلا بس ما بيدوش فاتورة
فى جوميا و e3050 و راية بيدى فاتورة ضريبية يعنى متضاف عليها ضريبة المبيعات علشان كده أسعارهم عالية شوية لكن فى المقابل غالبا ما بيبيعوش غير منتجات مضمونة

جوميا فيه ميزة كبيرة بالنسبة لى إنه كل فترة يبعتى لى كوبونات خصم ... مع الخصومات اللى بيعملوها على المنتجات الأسعار بتبقى أقل من السوق برضه

محصلتليش مشاكل تحتاج ترجيع المشتريات غير مع سوق و زى ما قولت واحدة إتحلت و التانية لا

**M7amD_7amDy** · 01-12-2013 03:31 PM

تجربة من سوق اهى

عملت طلب يوم 13 نوفمبر لتليفون منزلى لاسلكى

لسه واصل انهرده يعنى بعد 17 يوم

بفتح لقيت موديل غير اللى طلبته

كلمتهم وهيعملوا استرجاع فى خلال 3 أيام

حاجة تقرف الصراحة ودى التجربة الأولى والأخيرة من سوق ان شاء الله

دلوقتى انا مجاليش فاتورة بالمنتج منهم ولا اى ورقة من سوق ؟؟!!

ده عادى منهم ولا ايه؟

لما كنت اشتريت من نفسك و e3050 كان بتيجى فاتورة باسمى ومكتوب فيها المنتج

**dede_dodo88** · 01-12-2013 03:43 PM

أنا سمعت كلام من كذا حد عن تجارب كانت مش لطيفة مع سوق..
بس أنا شخصياً تجربتي مع e3050 كانت كويسة جداً, صحيح السعر أعلى شوية بس الحاجة بتوصلي في نفس اليوم و بتكون مظبوطة و في حالة كويسة..

-

الموضوع: انتو فاكرين بيتضحك علينا في العربيات بس ؟ تجربتي مع الشراء الالكتروني في مصر

LinkBack

أدوات الموضوع

عرض

-

-

-

-

-

-

المواضيع المتشابهه

اللهم هون علينا سكرات الموت و نور علينا قبورنا‏...منقول

انا حاسس ان بيتضحك عليا ساعدوني

بتعرف تستفيد من عروض الهايبر ماركت ولا بيتضحك عليك

تصدقوا طلع بيتضحك على أصحاب العربيات القديمه فى الجنوط

الكلمات الدلالية لهذا الموضوع

المفضلات

المفضلات

ضوابط المشاركة