الموضوع: عده صوت في حدود 1500

المشاركة الأصلية كتبت بواسطة dr_7ooda

مطلوب تفاصيل اكتر عن العده : هل الكاسيت ده سينجل ولا دبل وهل عندك استعداد تفتح في الصاج ورا عشام تركب بيضاوي ولا لأ وعايز حاجات في ميزانيه كام

لو الكاسيت الدبل يبقي خليه الكاسيت ده صوته تحفه

لو انتا معنكش استعداد انك تركب بيضاوي وتفتحله في الصاج يبقي الكلام زي قلته ومفيش عده صوت من غير سماعات بيضاوي مهما صرفت و جبت مدور

ويادوبك هتجيب سماعات مدور بايونير او سوني مكان الاصلي ومش هتحس بأي فرق يزكر هتلاقي الصوت بقي انقي شويه وبييز اقل من الاصلي

بالتوفيق

الحمد لله يا رجالة تم حل الموضوع بشكل مرضي جدا بأقل التكاليف الممكنة تقريبا
و للتذكرة بس العربية سيراتو 2013 و فيها 4 سماعات أبواب ( الي قدام معقولين و الي ورا زبالة و ده تقريبا عشان في تويترات في المرايات من جوه ) و مفيش حاجة في البوردة ورا و الصاج مقفول و تحت الصاج عدل في wires حديد بتوع فتح الشنطة فكان الموضوع تحدي شوية

الحلول الي قدامنا ساعتها كانت حاجتين و في الاخر عملنا حاجة تالتة خالص و كل الحلول طبعا هنخرم فيها الصاج :
1- يا نلغي البوردة الفابريكة خالص و الستوب لايت بالسلامة و نفصّل بوردة من الاول اعلي ( تخانة أكبر ) من الفابريكة بحيث لما السماعات تتسقط قيها يبقي يدوب ال magnet بتاع السماعة فوق ال wires
2- نفصّل بوردة فوق الفابريكة و نخرم في البوردتين بحيث تدينا نفس النتيجة الي في النقطة الي فاتت و ديه علي كلام الصنايعي مش هتبقي نضيفة عشان ال curve بتاع الستوب هيقرفه

أنا قولتله فك و اشتغل بس الحل الاولاني مرفوض لأني مش هضيع الستوب لايت + البوردة الفابريكة لاحمة في الكنبة لغاية مستوي الكتف تقريبا فحرام أرميها أكيد و البوردة التفصيل مش بنضافتها


تم عمل الاتي :

1- تم فك الكتفين الي في أطراف ظهر الكنبة و القوايم الفيبر الي ورا عشان نفك البوردة الفابريكة مع فصل فيشة الستوب طبعا ( في صنايعية بينسوا يفكوا الفيشة ديه و بيشيل البوردة و يطير الفيشة )
2- الصنايعي قعد يبص و يركز كده في البوردة وهي بره و يشوف هيعمل ايه و هوب جاب فكرة صايعة جدا مجاتش علي بالي قبل كده
3- جاب علايات عبارة عن قواعد للسماعات و هما ارتفاعهم تقريبا 5 سم و بيركبوا علي البوردة الفابريكة علي طول
4- خد مقاسات السماعات و علم اخرامه و بدأ التنفيذ
5- خرم الصاج و بعد كده البورده و هي بره العربية طبعا عشان محدش يتوه معايا
6- ركب القواعد و عليهم السماعات و كل واحدة متثبتة ب 4 مسامير قلووظ طوال و مربوطين ب وردة و صامولة لكل مسمار ( المسامير ديه الي جاية مع السماعات أصلا )
7- حط البوردة تاني علي الصاج و هي سايبة كده لتجربة اخرام الصاج مظبوطة و لا لأ و الحمد لله كانت تمام
8- زبط الوصلات من الصاج و مشاهم من تحت شلتة الكنبة علي الأطراف و فك العتب الي ورا عشان السلوك متبانش تماما و عشان لو اتسابوا بره الرجول هتقطعهم
9- فك الفيبرة السفلية الي في ظهر الحذام عشان ياخد من السلك الي رايح للسماعة الفابريكة الي في الباب الخلفي
10- نسيت أقول ان احنا اتفقنا علي فصل السماعة الفابريكة الخلفية لأن لو شغلناها مع الجديدة هتاخد من الباور بتاعها و overall sound experience هيبقي مش أوي و هيا أصلا زفت ( الكاسيت أصلا مخارجه 4 سماعات بس و أنا شفت ال wiring diagram بتاعه علي النت )
11- تم تجميع كل حاجة زي ما كانت و الحمد لله رجعت زي ما كانت


أنا اسف اني طولت عليكوا و كنت فعلا محتاج أفهم فقولت ممكن الكلام ده يفيد حد ان شاء الله
الصوت الحمد لله بقي حاجة تانية و امكانيات الكاسيت ظهرت ( ال power bass و ال treble و خلافه )
للعلم الكاسيت متلمسش و لا الابواب اتفكت الحمد لله
الارتفاع النهائي للسماعات معقول جدا، تقريبا في نفس ارتفاع مخادع الراس الخلفية ياعني مش بشوفهم من المراية غير الحروف بتاعتهم بس من جنب المخدغ كده
الصنايعي بجد محترف و شغله عالي أوي و فاهم بجد
لو حد عايز رقمه أو اسم المحل يقولي

نيجي للمهم برده و هو الأمونيه يا رجالة
السماعات و أكيد بيضاوي : Kenwood 4 way
450w peak power, 110w rms

السماعات ب 475 جنيه و انا عارف ان هما أعلي power شوية من المطلوب يعني 360 أو 400w كان كفاية يس عشان احتمال أركب GM قدام
القواعد أو العلايات ب 40
المصنعية ب 80
يبقي الاجمالي 595 و بعد الفصال 580 و 20 جنيه أكرامية و يبقي كده اجمالي 600 جندي

و السلام خير ختام يا رجالة

Sent from my Galaxy S3 using Forum Runner