سلام عليكم
انا و زوجتي بيجي لنا دوار السيارة لما نركب ورا !!
يعني انا اركب نفس العربية
قدام مافيش مشاكل
ورا اتعب
حد يعرف حل للقصة دي ؟
عرض للطباعة
سلام عليكم
انا و زوجتي بيجي لنا دوار السيارة لما نركب ورا !!
يعني انا اركب نفس العربية
قدام مافيش مشاكل
ورا اتعب
حد يعرف حل للقصة دي ؟
ده اسمه دوار الحركة "motion sickness"، وسببه إن فيه تناقض بين اللي انتا شايفه واللي جسمك حاسه، لما بتكون قاعد قدام بتبقى شايف الطريق كويس أثناء سير السيارة، وبالتالي في تطابق ما بين اللي انتا شايفه واللي جسمك حاسه، لما بتكون قاعد ورا رؤيتك للطريق بتبقى محدودة، عينك بتبص على داخل السيارة، اللي هو ثابت بالنسبة لك بينما جسمك حاسس إنك بتتحرك، وبالتالي تشعر بالدوار، عشان تتفادى الموضوع ده:
- لما تعد ورا، بوص من الشباك دايمًا على الطريق وركز في معالم الطريق، ومتبصش جوا العربية، أو تحاول تقرأ كتاب أو جرنان، أو تبص في موبايل أو على أي شيء جوا العربية، على طول عينك في الشباك على الطريق بتابع الحركة.
- حاول تنام، لو قفلت عينك، مش هتشوف حاجة مخالفة للحركة اللي جسمك حاسسها وبالتالي مفيش مشكلة.
- لما تكون العربية ماشية في بيئة كويسة فيها هواء نقي، افتح الشباك وشم الهواء ممكن تشعر بتحسن، أحيانًا بعض الروائح والكتمة ممكن تزيد من الدوار.
- لو مسافر مسافة كبيرة، حاول تاخد استراحة من حين لآخر، وانزل من العربية واتنفس بعمق.
- ممكن تستعين بأدوية الدوار، زي اللي بتاخدها الناس اللي بتعاني من دوار البحر قبل طلوع المركب، "دوار الحركة" هو نفس الشيء في البحر وفي السيارة وفي الطائرة.
ده مصدر المعلومات، هو فيه حلول ومعلومات إضافية، بس أنا ركزت على أهم النقاط:
How to Avoid Car Sickness: 10 Steps - wikiHow
ودي مقالة ويكيبيديا فيها معلومات مفصلة عن "داء الحركة" أو دوار الحركة.
داء الحركة - ويكيبيديا، الموسوعة الحرة
شكراااااااااااااااااااااا اااااا و جزاك الله خيراااااااااااااااااااااا اااا
شكرا يا استاذ عبد المنعم على المعلومات القيمة
يجب اخد قرص دواء درامينكس قبل السفر لمسافات طويله
بس متكونش انت السائق لانه بيسبب النعاس
او اخذ اقراص مانعه للقىء مثل موتينورم او جاسترو موتيل
ودى ماده الدومبريدون المانعق للقىء ولا تسبب النعاس
ممكن عفشه العربيه ليها دور فيها انا والدتي لما بتركب معايا عربيتي اكسنت2012 عفشتها تورشين بيم بتحس بلاعراض دي زي الدوخه لكن لما ساعات باخد عربيه اخويا الافيو مبتحسش بحاجه وشكرا