بسم الله الرحمن الرحيم
وبه نستعين
ده تانى تقرير ليا وبرضه عن تعديل فوجات اللانسر
الاول كان
http://www.nilemotors.net/Nile/327635-a5.html
ان شاء الله التانى برضه يفيد الاعضاء زى التقرير الاول بأذن الله
التقرير النهارده عن
تركيب فوجات الفانتازيا للعربيه لانسر شارك
انا بصراحه كان راكب عندى فوجات العربيه الاصليه اللى هى المدورة الصغيرة وكنت مش بشوف منها حاجه على الطريق السريع مع انها فيليبس المانى واللمبات اللى كانت فيها كانت فيليبس برضه
ففكرت انى اعدل الفوجات الى فوجات اكبر زى ما عملتها فى البومه بس موضوع البومه كان سهل شويه علشان كان مطروح هنا فى المنتدى شويه مواضيع عن التعديل بس كان كل عضو ليه رأى زى فوج الالنترا وفوج الاسبيرانزا
انما بقى القرش ملقيتلهاش اى موضوع تعديل الفوجات خالص
اخدت لفه فى سوق قطع الغيار والكماليات وقعدت اتفرج على فوجات عربيات كتير والحمد لله ربنا هدانى الى فوج الفانتازيا طلع اقرب واحد لمكان فتحه الفوج بتاع الشارك
لاقيت الاسعار
1- فوج صناعه تشيكى الواحد ب 215 جنيه يعنى الاتنين ب 430 اللى هو 2 لمبه
2- فوج تبع مستورد اسمه ناجى الواحد ب 250 يعنى الاتنين ب 500 بس ده كان بلمبه واحده
3- فوج صينى الواحد ب 150 جنيه يعنى الاتنين ب 300 جنيه وبرضه 2 لمبه
ولما مسكت التلاته لاقيت ان مفيش اى فرق فى الخامه خالص
توكلت على الله واشتريت الجوز الصينى اللى ب 300 جنيه
واشتريتلهم طقم زينون H8 علشان يركب عليهم
وطبعا كالعاده طلعت على الكهربائى بتاعى اللى فى المحله وابتدا تركيب
1- نزل الاكصدام
2- خلع الفوجات القديمه
3- خلع قطعه الفيبر اللى موجوده حول الفوج القديم
4- كان موجود قايم بلاستيك وراء الفيبره السودا اللى كان بيتثبت فيه مسامير من الفوج القديم شيلناه بالسكينه علشان الفوج الجديد يركب
5- ركب الفوج الجديد بس بصراحه مجاش على المكان بالظبط كان فى فرق 1 او 2 سم هوضحهم فى الصور
6- ركب طقم الزينون اللى اشتريته
7- ركب لمبه ليدات كبيرة جنب لمبه الزينون فى فتحه الفانوس التانيه وظبطها تشتغل مع نور الطابلوة
8- ركب الاكصدام تانى وظبطه
9- خلاص مفيش حاجه تانى جربت وشغلت وكله طلع تمام والحمد لله زى الفل
صدعتكم انا صح ؟؟ كفايه رغى بقى :fun_10_9_134[1]:
نتابع مع الصور
الصور الليليه
صورة اماميه بالفلاش بدون اضاءه زينون
( اللى ظاهر فى الصورة ده نور اللمبه الليدات )
http://img708.imageshack.us/img708/223/xjr5.jpg
صوره اماميه بدون فلاش وبدون اضاءه الزينون
http://img43.imageshack.us/img43/3857/9xbc.jpg
صورة للفانوس من قريب بأضاءه اللمبه الليدات ( بفلاش )
http://img513.imageshack.us/img513/5181/oedb.jpg
صورة للفانوس من قريب بأضاءه اللمبه الليدات ( بدون فلاش )
http://img692.imageshack.us/img692/4667/f21k.jpg
صورة اضاءه الزينون من الجنب
http://img109.imageshack.us/img109/2382/ofgw.jpg
صورة اضاءه الزينون من الامام
http://img801.imageshack.us/img801/743/1pse.jpg
صورة للرؤيا من داخل العربيه
http://img545.imageshack.us/img545/3338/ka8d.jpg
الصور النهاريه
صورة للفوج الشمال وظاهر فيها اللمبه الليدات اللى بتنور مع نور الطابلوة
http://img17.imageshack.us/img17/2613/39ko.jpg
صورة للجانب الشمال كامل
http://img15.imageshack.us/img15/3486/yh7p.jpg
صورة للفوج اليمين
http://img833.imageshack.us/img833/530/wneq.jpg
صورة للجانب اليمين كامل
http://img823.imageshack.us/img823/3774/63qy.jpg
صورة توضيح السيليكون اللى ظبط الفرق ما بين الفانوس والاكصدام مسافه 1 سم
http://img607.imageshack.us/img607/6240/t72k.jpg
النتيجه بقى:E_braces[1]:
نور الفوج بقى قوى جدا جدا ومش بحتاج انى اشغل النور الواطى خااااالص وبسافر دلوقتى على نور الشبورة فقط بجد والله بس الله ماشاء الله تحفه وغير شكل العربيه
وركبت كمان سينسور بارك Spy ووحدتين رفع تايوانى كل وحده ترفع 2 زجاج كهرباء
تمن السينسور 155 جنيه
ووحدتين الرفع 110 جنيه
ومصنعيه الكهربائى 300 جنيه مش عارف اذا كان كده كتير ولا لا ... بس الحمد لله راضى جدا عن النتيجه النهائيه
ويارب التقرير التعبان بتاعى يعجبكم :_Alshmokh22[1]:
