جميل الشغل ده
رقم العضوية : 64095
تاريخ التسجيل : 04Mar2010
المشاركات : 546
النوع : ذكر
الاقامة : TaNTa
السيارة: LaNCeR EX 08 GLS
السيارة[2]: LaNCeR 2006 GLX
دراجة بخارية: مش بحبهم
الحالة :
بسم الله الرحمن الرحيم
وبه نستعين
ده تانى تقرير ليا وبرضه عن تعديل فوجات اللانسر
الاول كان
http://www.nilemotors.net/Nile/327635-a5.html
ان شاء الله التانى برضه يفيد الاعضاء زى التقرير الاول بأذن الله
التقرير النهارده عن
تركيب فوجات الفانتازيا للعربيه لانسر شارك
انا بصراحه كان راكب عندى فوجات العربيه الاصليه اللى هى المدورة الصغيرة وكنت مش بشوف منها حاجه على الطريق السريع مع انها فيليبس المانى واللمبات اللى كانت فيها كانت فيليبس برضه
ففكرت انى اعدل الفوجات الى فوجات اكبر زى ما عملتها فى البومه بس موضوع البومه كان سهل شويه علشان كان مطروح هنا فى المنتدى شويه مواضيع عن التعديل بس كان كل عضو ليه رأى زى فوج الالنترا وفوج الاسبيرانزا
انما بقى القرش ملقيتلهاش اى موضوع تعديل الفوجات خالص
اخدت لفه فى سوق قطع الغيار والكماليات وقعدت اتفرج على فوجات عربيات كتير والحمد لله ربنا هدانى الى فوج الفانتازيا طلع اقرب واحد لمكان فتحه الفوج بتاع الشارك
لاقيت الاسعار
1- فوج صناعه تشيكى الواحد ب 215 جنيه يعنى الاتنين ب 430 اللى هو 2 لمبه
2- فوج تبع مستورد اسمه ناجى الواحد ب 250 يعنى الاتنين ب 500 بس ده كان بلمبه واحده
3- فوج صينى الواحد ب 150 جنيه يعنى الاتنين ب 300 جنيه وبرضه 2 لمبه
ولما مسكت التلاته لاقيت ان مفيش اى فرق فى الخامه خالص
توكلت على الله واشتريت الجوز الصينى اللى ب 300 جنيه
واشتريتلهم طقم زينون H8 علشان يركب عليهم
وطبعا كالعاده طلعت على الكهربائى بتاعى اللى فى المحله وابتدا تركيب
1- نزل الاكصدام
2- خلع الفوجات القديمه
3- خلع قطعه الفيبر اللى موجوده حول الفوج القديم
4- كان موجود قايم بلاستيك وراء الفيبره السودا اللى كان بيتثبت فيه مسامير من الفوج القديم شيلناه بالسكينه علشان الفوج الجديد يركب
5- ركب الفوج الجديد بس بصراحه مجاش على المكان بالظبط كان فى فرق 1 او 2 سم هوضحهم فى الصور
6- ركب طقم الزينون اللى اشتريته
7- ركب لمبه ليدات كبيرة جنب لمبه الزينون فى فتحه الفانوس التانيه وظبطها تشتغل مع نور الطابلوة
8- ركب الاكصدام تانى وظبطه
9- خلاص مفيش حاجه تانى جربت وشغلت وكله طلع تمام والحمد لله زى الفل
صدعتكم انا صح ؟؟ كفايه رغى بقى
نتابع مع الصور
الصور الليليه
صورة اماميه بالفلاش بدون اضاءه زينون
( اللى ظاهر فى الصورة ده نور اللمبه الليدات )
صوره اماميه بدون فلاش وبدون اضاءه الزينون
صورة للفانوس من قريب بأضاءه اللمبه الليدات ( بفلاش )
صورة للفانوس من قريب بأضاءه اللمبه الليدات ( بدون فلاش )
صورة اضاءه الزينون من الجنب
صورة اضاءه الزينون من الامام
صورة للرؤيا من داخل العربيه
الصور النهاريه
صورة للفوج الشمال وظاهر فيها اللمبه الليدات اللى بتنور مع نور الطابلوة
صورة للجانب الشمال كامل
صورة للفوج اليمين
صورة للجانب اليمين كامل
صورة توضيح السيليكون اللى ظبط الفرق ما بين الفانوس والاكصدام مسافه 1 سم
النتيجه بقى
نور الفوج بقى قوى جدا جدا ومش بحتاج انى اشغل النور الواطى خااااالص وبسافر دلوقتى على نور الشبورة فقط بجد والله بس الله ماشاء الله تحفه وغير شكل العربيه
وركبت كمان سينسور بارك Spy ووحدتين رفع تايوانى كل وحده ترفع 2 زجاج كهرباء
تمن السينسور 155 جنيه
ووحدتين الرفع 110 جنيه
ومصنعيه الكهربائى 300 جنيه مش عارف اذا كان كده كتير ولا لا ... بس الحمد لله راضى جدا عن النتيجه النهائيه
ويارب التقرير التعبان بتاعى يعجبكم
رقم العضوية : 144444
تاريخ التسجيل : 26May2013
المشاركات : 267
النوع : ذكر
الاقامة : مصر
السيارة: مازدا 3
السيارة[2]: لانسر 98
الحالة :
جميل الشغل ده
رقم العضوية : 63536
تاريخ التسجيل : 27Feb2010
المشاركات : 790
النوع : ذكر
الاقامة : 6th of October
السيارة: 2014 Kia Cerato
السيارة[2]: Mazda 6 Ultra
دراجة بخارية: No
الحالة :
برافو عليك و مبروك
شكلها جميل ما شاء الله
"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"
رقم العضوية : 50334
تاريخ التسجيل : 18Oct2009
المشاركات : 148
النوع : ذكر
الاقامة : maadi
السيارة: لانسر شارك
السيارة[2]: رينو فلوانس
دراجة بخارية: no
الحالة :
حلو على فكره ... بفكر اعملها ... بس المهم الكهربائي
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
شغل جميل تسلم ايديك
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 144641
تاريخ التسجيل : 31May2013
المشاركات : 814
النوع : ذكر
الاقامة : Tanta & Marsa Alam
السيارة: None
السيارة[2]: Lancer EX 2013 HL
الحالة :
شغل ممتاز ومبروك عليك... بس متهيألي الفوجات المدورة كان هيبقى شكلها متحدد اكتر لو ركبتلها الزينون بدل تعديلها بالكامل... يعني بشوف ان شكلها مرعب بصراحة مع اللمبة الصغيرة اللي بتتور مع التابلوه...
بس برضه شغل حلو جدا جدا وربنا يباركلك فيها...
Ahmed Fawzy
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
مبروك على الاضائه الجديده
رقم العضوية : 96064
تاريخ التسجيل : 23Apr2011
المشاركات : 3,658
النوع : ذكر
الاقامة : nasr city
السيارة: more than 300 cars سابقا
السيارة[2]: now I have 11 cars
دراجة بخارية: من زمان
الحالة :
صديقي المواطن
جهود مباركة وكريمة وجميلة وأنا أشجع التدوير واﻹفتكاس وأنا كل يوم تلاقيني بلف وأنخانق مع أصحاب المحلات نفسهم يعرفوا ليه بشتري وبسأل عن فوانيس لعربيات تختلف عن أنواع عربياتي
طبعا أنا أشد على إديك وأشجعك ولكن الصح في الموضوع ده تجيب الفوجات ثم تطلع على بتاع الفيبر وتثبت بطريقة راقيه ثم تفك تاني وتروح الفرن تمعجن وترش اﻷكصدام كمبيوتر ثم ترجع تركب الفوج ثم تروح للكهربائي بعد كده تعيش اللحظه غير كده من قريب لما تبص عليها لن تسر الناظرين وصدقني أهم حاجه في التعديل هو الفنش النهائي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
رقم العضوية : 15810
تاريخ التسجيل : 05Aug2008
المشاركات : 468
النوع : ذكر
الاقامة : Mansoura city
السيارة: Lancer ex
السيارة[2]: opel corsa
دراجة بخارية: no
الحالة :
مجهود رائع وشكلهم حلو هعملهم عندى ان شاء الله بس هركب زينون على الفوجات الاصليه لانى حابب شكلهم ومع الزينون هتبقى جامده بس برافو عليك فعلا
رقم العضوية : 64095
تاريخ التسجيل : 04Mar2010
المشاركات : 546
النوع : ذكر
الاقامة : TaNTa
السيارة: LaNCeR EX 08 GLS
السيارة[2]: LaNCeR 2006 GLX
دراجة بخارية: مش بحبهم
الحالة :
الله يبارك فيكم ياجماعه ... والف شكر لاهتمامكم بالموضوع والرد على التقرير
الله يبارك فيك يا ابو حمييييد
بس بصراحه انا بحب الفوج الكبير وبحب شكله على العربيه حتى من ايام البومه كنت غيرت برضه الفوج الصغير المدور بتاعها وركبت مكانه فوج اوكتافيا A5
المفضلات