هو أنا بدفع تمن بكرة الشيكارتون كلها؟! و بعدين أنا أدفعها ليه و أنا ف الضمان و هي ده من ساعة ما استملتها
والله ما أخدت بالي, تقريبا الفاتورة لسه ف العربية, لما أنزل هشوفها
ايوة ياباشا ، انت دافع ثمنها كلها ^^
13-12-2013, 05:41 PM
S O P H O S
ربنا يبارك يا باشا
05-02-2014, 10:33 PM
أدهم صبري
اقتباس:
المشاركة الأصلية كتبت بواسطة msami2k
السلام عليكم
بشكل عام أنا سعيد بالعربية .... أنا كان معايا ابيزا 2000 وبعتها وجبت الجين 2 ..... كنت خايف أني معرفش أركب غير ألماني زي ما الناس بتقول .... بس الحقيقة محستش بفرق كبير ... وللأسف برضه أن أنا بقول كده لأني لما حولت من عربية موديل 2000 لواحدة 2013 ومحستش بفرق فده معناه تميز العربية اللي موديل 2000
اداء العربية قبل صيانة ال1000 كان أحسن ... ومش عارف ده حقيقي ولا وهم
بس أنا حسيت بعد صيانة 1000 أن العربية بتعوم بسيط من ورا والتسارع وعزم الموتور بقى أقل بس انا لسه مجربتهاش كويس
مشكلة تانية أني مش عارف أركن ... بالرغم من أني كنت بركن بكل سهولة بالإبيزا لكن لسه الأبعاد ملخبطة وبركن على 50 خطوة
الحاجة الغريبة أن التوكيل يوم صيانة الألف عمل بالعربية 16 كيلو متر .... أنا مش عارف ليه .... بس هما أخدوها بره التوكيل مرتين وكل مرة قعدو حوالي ساعة ونص
تقييمي للعربية (ثبات وتسارع ورفاهية ووسع وقيمة) مقابل الفلوس عالية
توكيل وتقفيل ودقة وفخامة التابلوه قليلة
الدهان بيقع لما تبصله جامد والتكييف صوته بصوت 3 مواتير :)
أنت ممكن تعتبر نفسك موفر 20 ألف جنيه علشان تتقرف في التوكيل
مناسبة جدا للشباب والعائلات الصغيرة (لحد 3 أطفال) والناس اللي مبتحملش
مش مناسبة للعواجيز ورجال الأعمال والشركات والستات الكبار في السن والعائلات اللي عندهم 5 أطفال فأكثر