تويوتا عيون99

**zoro78** · 16-09-2008 04:32 AM

حد ممكن يعرف ايه عيوب الكورولا العيون99 وليه مش منتشرة؟ياريت المساعدة بجد محتاج حد يعرفنى عشان اقرر اشتري ولا لا.

**hazem_khidr** · 16-09-2008 01:14 PM

مالهاش عيوب
مش منتشره علشان شكلها كتير مش بيحبوه.
و لعلمك حتي في الخليج كده برضه
موديل 94 محبوب اكتر و نفس التمن
زي مصر بالضبط

**MoDyBeNz2008** · 16-09-2008 01:29 PM

العربية دي جامدة جدا مافيهاش عيوب من الاخر اتكل على الله

على فكرة العربية دي كان الشغل مسلمها للوالد سنة 2003 وفضلت معاه لغاية 2007 معملتش اي مواقف نص غير مرة واحدة كنا راجعين من اسكندرية و الكوع اللي موصل الريداتير ضرب بس هو كان عايز يتغير قلنا نغيره لما نرجع القاهرة يعني موقف نص في4 سنين حلو

من الاخر عربية جامدة حمالة اسية تكيف حلو عفشة ناعمة ثبات لغاية 150 حلو صوت الموتور مش مسموع الى حد ما عزل جيد

**zoro78** · 16-09-2008 06:34 PM

شكرا يا جماعة وربنايجازيكم خيرعلى المعاونة الرائعة

**MoDyBeNz2008** · 16-09-2008 07:43 PM

شكرا يا جماعة وربنايجازيكم خيرعلى المعاونة الرائعة

لاشكر على واجب كلنا اخوة و لازم نساعد بعض
نسيت اقول ان الباور بتاعها ناعم و حلو و غير كل السيور و الوصلات و خد العبرة من الموقف دة

كنا راجعين من اسكندرية و الكوع اللي موصل الريداتير ضرب بس هو كان عايز يتغير قلنا نغيره لما نرجع القاهرة المهم ضرب عند الاستراحة اللي ادام مدينة سمبل اللي على طريق مصر اسكندرية الصحراوي فاتصلنا بعمي علشان يجي يقطرها بعربيته برايد 99 القاطرة اللي في البرايد اتكسرت بس الحمد لله الخواجة اللي صنعها عامل فيها قطرتين والتانية برضو اتكسرت بس قبل البيت بشوية مش كتير فزقينا العربية لغاية ميكانيكي بتاع فيات جبنا كوع بتاع 132 و كملنا بيه باقي الطريق تاني يوم رحنا غيرناه علطول كان حتة يوم اخ رجعت البيت نمت علطول مقلعتش عالاقل