لكل عمالقة الابيزا افيدوووونى :(( "ابيزا 2000"

المشكلة بدأت بان سلك فيشة الكويل بتاع الضفيرة كان بيتهز فكان بيعمل مشاكل فى سحب العربية "بس كانت بتشتغل" ف اتقالى تتغير ,, جبت واحدة استعمال نضيفة و متجربة روحت ركبتها و جيت ادور العربية مبيتدورش ,, اتعمل مليون تست كانت كل حاجة سليمة بس الموبينة كانت متهالكة فغيرتها بواحدة المانى اصلى و مع ذلك ما داريتش ,, و من هنا بدأت حيرة كل اللى شغالين عليها "ميكانيكا و كهرباء" ,, اخر حاجة هيجربوها هى حساس الكرنك بس ماظونيش فيه مشكلة ,,, ايه افكاركوووو العربية بقالها 3 ايام مش معايا :(( فيه لمبة عربية فيها مفتاح فى التابلوه بتظهر كل ما افتح كونتاكت

ممكن تفسير اكتر .... يعني العربية موتورها الاستوك ال 1000 سيسي ولا متغير ؟

ايه فيشة الكويل دي ؟؟؟ هل تقصد فيشة الموبينة اللي بتخرج الكهرباء للبوجيهات ؟ و ازاي متجربة ؟

يعني ايه الموبينه متهالكه ؟؟ هل لأن شكلها وحش ؟ ماهي كانت شغاله قبل كده ؟؟؟

ممكن صورة للمبة اللي بتظهر لحضرتك في التابلوه و اللي سبب عدم الدوارة ؟
هل جربت تحط العربية علي الكمبيوتر اللي بيفحصها ؟؟؟ دي اهم نقطه

و اخيرا مرحبا بك في نايل موتورز و نتمني نساعدك بس عايزين نفهم اكتر و ربنا يوفقك و يعينك علي حل مشكلتك

طبعل لابد من أجابات للأسئلة الى عرضها الباشمهدس إيهاب قبل الرد

اقتباس:

---

المشاركة الأصلية كتبت بواسطة mostafa yasser

:(( فيه لمبة عربية فيها مفتاح فى التابلوه بتظهر كل ما افتح كونتاكت

---

الى فهمته من العباره ديه أن المفتاح الى بيدور العربيه الإيموبليزر مش متعرف عليه او ان الكابسوله الى جواه فيها مشكله أو غير متواجده او ان الإيموبليزر نفسه فى مشكله أو فشته مش شغالة مش ركبه ولو كان كده يبقى العربيه مش هدور أكيد
ولو المشكله ديه مكتشفهاش الكهربائى او حتى الميكانيكى يبقى دول غير متخصصين وتغيرهم على طول

هجبلك صور للمبه تقولى هيا ولا لأ

http://i44.tinypic.com/34hz4pl.jpg

السلام عليكم

شوف حساس الكرانك واعتقد هيكون هو المشكلة

انا عربية واحد صاحبى (رينو )كان فيها مشكلة انها مش عايزة تدور ولف بيها عند كل الصنيعية ومحدش فادة بحاجة غيير تكاليف وخلاص لحد ما واحد غيرلة حساس الكرانك العربية دارت على طول
ربنا يوفقك

ايموبلاييزر
هل بتدور وتطفي خلال 3 ثواني ؟؟؟
ولا بتدي مارش ومش بتدور ؟؟؟
ولا مش بتدي مارش وقاطعة خالص ؟؟؟

رجاء وصف مشكلتك بدقة اكتر

اسف ازعجتكو معايا ,, اولا العربية اه بموتورها 1000 stock العربية دارت الحمد لله اتقالى انه حساس الكرانك اه بس انا مش مقتنع الصراحة لانهم مغيرهوش ,, المهم فى حاجة كانت فى الكونتاكت و الكهربائى بيقفل و يدور ما دارتش فطلع الطبلة و كان عليها بلاستيكة صغيرة "على ما اعتقد زى الفحمة اللى بتبقى فى المفتاح المشفر " قالى دى الشفرة و انت مفتاحك مش مشفر ,, ف لما زحزحها شوية و ركب و دور اشتغلت ,, انا كنت حاسس من البداية ان المشكلة مشكلة شفرة و عشان كده لمبة التابلوه نورت ,, المهم انها اشتغلت بس مدايقنى ان العربية مخنوقة على rpm 1.5 غير كده هى تمام ,, حبيت اقول ده للافادة و ياريت لو فى اراء على اللى اتقال ده و ايه حل الخنقة دى

اقتباس:

---

المشاركة الأصلية كتبت بواسطة ehab_mansour

ممكن تفسير اكتر .... يعني العربية موتورها الاستوك ال 1000 سيسي ولا متغير ؟
ايوه هوه

ايه فيشة الكويل دي ؟؟؟ هل تقصد فيشة الموبينة اللي بتخرج الكهرباء للبوجيهات ؟ و ازاي متجربة ؟
ايوه بردو :d

يعني ايه الموبينه متهالكه ؟؟ هل لأن شكلها وحش ؟ ماهي كانت شغاله قبل كده ؟؟؟
يعنى السنون بتاعتها اللى سلوك البوجيهات بتركب فيها كان فى واحد مش فاضل فيه حاجة و واحد متاكل نصو و اتنين تمام و هتقولى كانت شغاله اه كانت زى الفل و معرفش ازاى :d

ممكن صورة للمبة اللي بتظهر لحضرتك في التابلوه و اللي سبب عدم الدوارة ؟
هل جربت تحط العربية علي الكمبيوتر اللي بيفحصها ؟؟؟ دي اهم نقطه

و اخيرا مرحبا بك في نايل موتورز و نتمني نساعدك بس عايزين نفهم اكتر و ربنا يوفقك و يعينك علي حل مشكلتك

---

اولا شكرا عالرد و انا اساسا متابع من 4 سنين الموقع هنا و صراحة حاجة تفرح :d
ثانيا انا عامل رد بكل الجديد النهاردة :)

اقتباس:

---

المشاركة الأصلية كتبت بواسطة hossamalsadik

طبعل لابد من أجابات للأسئلة الى عرضها الباشمهدس إيهاب قبل الرد



الى فهمته من العباره ديه أن المفتاح الى بيدور العربيه الإيموبليزر مش متعرف عليه او ان الكابسوله الى جواه فيها مشكله أو غير متواجده او ان الإيموبليزر نفسه فى مشكله أو فشته مش شغالة مش ركبه ولو كان كده يبقى العربيه مش هدور أكيد
ولو المشكله ديه مكتشفهاش الكهربائى او حتى الميكانيكى يبقى دول غير متخصصين وتغيرهم على طول

هجبلك صور للمبه تقولى هيا ولا لأ

---

ايوه هو اللى فى الصورة ,,, و حاليا خلاص اشتغلت بس عاوز افهم ايه ده و ليه ,, عشان هما دخلو فى حوار حساس و مش حساس و انا شايف ان المشكلة هنا من الاول مع العلم ان العربية بمفتاح عادى و ريموت انذار و لو متفتحتش بالريموت ده متدورش ,, ايه الاحتمالات و الاستنتاجات من ده

اقتباس:

---

المشاركة الأصلية كتبت بواسطة Mostafa yasser

ايوه هو اللى فى الصورة ,,, و حاليا خلاص اشتغلت بس عاوز افهم ايه ده و ليه ,, عشان هما دخلو فى حوار حساس و مش حساس و انا شايف ان المشكلة هنا من الاول مع العلم ان العربية بمفتاح عادى و ريموت انذار و لو متفتحتش بالريموت ده متدورش ,, ايه الاحتمالات و الاستنتاجات من ده

---

يا مصطفى بيه المفتاح الى معاك مشفر هوا ممكن يكون مايكونش فيه او راكب عليه ريموت والريموت منفصل عنه ولاكنه مفتاح مشفر زى الى فى الصوره وداخله كبسولة الشفره المسماه chip
ولازم ECU يتعرف عليه من خلال الإيموبليزر الى كان فيه مشكله بسبب تقفيل الكهربائى ممكن مش موصله الفيشه كويس ا مش راكبه أساسا ( نسيها )

لاحظ كبسولة اchip لشفرة فى اليمين
http://nileup.com/up/uploads/nilemotors_13843279691.jpg

مكان chip داخل المفتاح
http://nileup.com/up/uploads/nilemotors_13843279692.jpg

جزء وحدة الأيموبليزر الى ركبه على الكونتاكت
http://nileup.com/up/uploads/nilemotors_13843279693.jpg