الموضوع: ان شاء الله ناوي اشتري اوكتافيا a4

انا كان معايا واحدة a4 جبتها مستعملة بموتور 1800 وكانت جباااارة ف الجري والسحب ووعربية خدمة شاقة بجد جريت بيها جري لمدة 3 سنين من غير ما احط ايدي فيها ولم تتأثر وبعدين جبت واحدة تانية 2008 زيرو قعدت معايا لحد 2013 العربية تحفة بجد وسواء القديمة او الجديدة لم تظهر بهم اي مشاكل تذكر ولا سخونة ولا اي حاجة وعفشتها انشف من العفشة الياباني طبعا ولكن بصفة عامة كويسة جدا وهي الى بتدي العربية الثبات العالى اللى بتشتهر بيه الاوكتافيا
انا غيرتها الستة دي للفانتازيا وانا واحد من الناس باحب السواقة الرياضية اكتر من الكماليات الزيادة المبالغ فيها ولذلك انا لا زلت مقتنع ان ال a4 احسن من الفانتازيا ف السواقة الممتعة ولكن برستيج وسيارة عائلية مش بتاعة جري وثبات عالي جدا مع نظام فارمل مافيش زيه ف مصر الفانتازيا تكسب
ممكن تزود ل 80 او 85 وتجيب a5 بس سحبها حيبقى اقل
والاتنين بدون مبالغة انضف عربيات تتركب في مصر

ربنا يباركلكم على الردود الجميله دى بس كان عندى سؤال انا معروضه عليه واحده a4 ماشيه 170 الف كم وموديل 2007 بس انا قلقان من الكيلو متر العالى وبعدين صاحبها محافظ عليها بس فيه كلمه service بتطلع لما بتدور العربيه وطالب فيها 75 الف جنيه .. انتو ايه راييكم لانى محتار ؟؟