ياريس ام ريو

**عبد الرحمن اسامه** · 16-09-2008 07:48 AM

يا اخوانا ايه رأيكوا الياريس افضل ام الكيا ريو؟

انا عارف ان البديهي ان الياريس افضل، لكن فى كذا نقطه خلونى افكر في الريو.
١- الياريس مش ثابته اوى زي ما كثير من الاعضاء هنا بيقولوا في مواضيع مختلفه.
٢- الياريس مش يبانى ١٠٠٪ الا ال١٥٠٠ سي سي و دي غاليه جدا.
٣- سمعت كتير عن عيوب فى تقفيل الياريس، زي في الموضوع ده
http://www.nilemotors.net/Nile/showt...ED%C7%D1%ED%D3

لكن الريو كوري ١٠٠٪ و ناس كتير دلوقتي بتشكر فى الكورى و بتفول زى اليباني، انا ركبت الريو دي مره و اعجبت جدا بعفشتها حسيت انها ناعمه جدا، و ناس بتقول ان موتورها قوى جدا.

حد جرب الاوتوماتيك يقولنا تجربته هل في مشاكل في اوتوماتيك الكوري زي مالناس بتقول ولا دي مجرد مخاوف مش تجارب حقيقية، انا ابويه معاه نوبيرا اوتوماتيك اظن من ٢٠٠٢ و الوتوماتيك مافيهوش اي مشاكل ماشاء الله، ايوه الاوتوماتيك بتاعها سئ من حيث التسارع لكن مفيش اعطال حد عنده تجارب فى الموضوع ده.

اي جماعه انا مبتدئ جدا فى خبرتى عن العربيات، و كل المعلومات الفوق دي سواء عن الياريس او الريو مش اكيده، انا بقولها عشان تصححولى معلوماتي.

شكرا.

**حماده المصري** · 16-09-2008 07:53 AM

من الاخر

الريو هتقوم بكل وظائف الياريس مع فرق السعر لصالح الريو

قطع غيار الريو غاليه سنه يعني مثلا تيل فرامل 330 اصلي ومينفعش تركب غيره عشان التجاري تعبان مله

الريو ماتور اقوي وعفشه ناعمه عشان مساعدين زيت على هوا

اليارس اوسع من الخلف واغلى بكتيير بس فيها اوبشن عن الريو

والعمر الافتراضي في نظري لو بهدلت اي وحده فيهم هيبوزا بسرعه عشان الاتنين مش حمل بهدله ومش مصنيعين لكده

الاوتوماتيك في العربيتين كويس ومافيهوش مشاكل
في النهايه القرار بتاعك

**عبد الرحمن اسامه** · 16-09-2008 10:12 AM

ايه الاوبشنز الزياده في الياريس عن الريو؟ و هل الريو اثبت على السرعات العاليه؟

**tnasr1** · 16-09-2008 01:31 PM

المشاركة الأصلية كتبت بواسطة عبد الرحمن اسامه

يا اخوانا ايه رأيكوا الياريس افضل ام الكيا ريو؟

انا عارف ان البديهي ان الياريس افضل، لكن فى كذا نقطه خلونى افكر في الريو.

٢- الياريس مش يبانى ١٠٠٪ الا ال١٥٠٠ سي سي و دي غاليه جدا.
٣- سمعت كتير عن عيوب فى تقفيل الياريس، زي في الموضوع ده
http://www.nilemotors.net/Nile/showt...ED%C7%D1%ED%D3

.

الياريس ياباني 100%

**hazem_khidr** · 16-09-2008 01:33 PM

صباح الخير يا استاذ عبد الرحمن :)
كل سنه و انت طيب.
سؤالك دا يا سيدي محيرني اوي و مش عارف ارد عليه
لاني معايا ياريس زي ما انت عارف
و بفكر ابيع السويفت و اجيب ريو بس لسه متخوف
بس عاوز اتكلم في كام نقطه انت قولتها

- الياريس مش ثابته اوى زي ما كثير من الاعضاء هنا بيقولوا في مواضيع مختلفه.

الكلام دا يتقال لو العربيه علي 80 ولا 90 مش ثابته انما ما شاء الله العربيه لحد 150 و 160 معايا ولا كلمه و لا تحس بحاجه و متهيالي مش مطلوب من عربيه في الحجم دا او اكبر منها اكتر من كده!!
مين اللي حياخد غرزه علي سرعه زي دي؟؟؟

٢- الياريس مش يبانى ١٠٠٪ الا ال١٥٠٠ سي سي و دي غاليه جدا.

الياريس ياباني 100% واتحدي اي حد يقول غير كده

- سمعت كتير عن عيوب فى تقفيل الياريس، زي في الموضوع ده
http://www.nilemotors.net/Nile/showt...ED%C7%D1%ED%D3

يا استاذ عبد الرحمن دا موضوع واحد بس و صوت تافه لاهو صوت في العفشه ولا هو صوت في الموتور
و فيه ناس لا ظهر عندها صوت ولا حاجه يبقي فين بقي عيوب التقفيل الكتير
انا ظهر عندي صوت بس بعد ما الاخوه ركبوا الكاسيت في التوكيل و لما اروح حخليهم يثبتوا فريم لوحه العدادات و بكده ما يبقاش عندي حاجه.
............................................
بس عارف احتمال افكر في التغير السنه الجايه علشان اجيب العربيه كاش مش تقسيط
و ساعتها ممكن اجيب ياريس تاني كسر زيرو بسعر الريو !!!

**أبو عبدالله** · 16-09-2008 01:41 PM

المشاركة الأصلية كتبت بواسطة عبد الرحمن اسامه

يا اخوانا ايه رأيكوا الياريس افضل ام الكيا ريو؟

انا عارف ان البديهي ان الياريس افضل، لكن فى كذا نقطه خلونى افكر في الريو.
١- الياريس مش ثابته اوى زي ما كثير من الاعضاء هنا بيقولوا في مواضيع مختلفه.
٢- الياريس مش يبانى ١٠٠٪ الا ال١٥٠٠ سي سي و دي غاليه جدا.
٣- سمعت كتير عن عيوب فى تقفيل الياريس، زي في الموضوع ده
http://www.nilemotors.net/Nile/showt...ED%C7%D1%ED%D3

لكن الريو كوري ١٠٠٪ و ناس كتير دلوقتي بتشكر فى الكورى و بتفول زى اليباني، انا ركبت الريو دي مره و اعجبت جدا بعفشتها حسيت انها ناعمه جدا، و ناس بتقول ان موتورها قوى جدا.

حد جرب الاوتوماتيك يقولنا تجربته هل في مشاكل في اوتوماتيك الكوري زي مالناس بتقول ولا دي مجرد مخاوف مش تجارب حقيقية، انا ابويه معاه نوبيرا اوتوماتيك اظن من ٢٠٠٢ و الوتوماتيك مافيهوش اي مشاكل ماشاء الله، ايوه الاوتوماتيك بتاعها سئ من حيث التسارع لكن مفيش اعطال حد عنده تجارب فى الموضوع ده.

اي جماعه انا مبتدئ جدا فى خبرتى عن العربيات، و كل المعلومات الفوق دي سواء عن الياريس او الريو مش اكيده، انا بقولها عشان تصححولى معلوماتي.

شكرا.

انت حيرتنا معاك يا عبدالرحمن

يا راجل استخير وتوكل وان شاء الله ترزق الخير بإذن الله

وبعدين انت صرفت نظر ليه عن السيريون ؟؟؟

عالعموم العربيتين حلوين
ولكن ان كنت شخصيا افضل الياريس علشان الماتور واستهلاك البنزين

لأن البنزين في السنوات القادمة هيبقى مشكله كبيرة وربنا يسترنا ان شاء الله

**عبد الرحمن اسامه** · 16-09-2008 03:52 PM

شكرا جدا يا جماعة و شكر خاص لابوعبدالله و حازم و اسف عشان حيرتكو معايه يا جماعه.

انا عاىف ان الياريس اكيد هتبقي احسن لكن احسن بكتير يعني ؟ و احسن في ايه؟
يعني لو ممكن مقارنه كده من الافضل في كل نقطه من النقط
- العفشه
- الاعتماديه
- الامان
- الراحه
- التأفيل الداخلي
- التوكيل
- الثبات

كل التقط دي يعني, انا عملت بحث ة مةجدتش المقارنه دي قبل كده اظن انها هتكون فايده لكل الاعضاء.

شكرا.

**حماده المصري** · 18-09-2008 01:32 PM

ياباشا احنا قولنا الاتنين تعتبرهم زي بعض من ناحيه كل الكلام ده

عفشه الاتنين ناعمين اعتماديه الاتنين كويسين ومحدش اشتكي

امان الاتنين عدوا في اختبارات التصادم

الراحه اعتقد اليارس اوسع من ورا

تافيل الاتنين تحف ومفيهومش غلطه

توكيل الاتنين توكيلاتهم جامدين

الثبات اكيد الريو اعلى بس مش هيبقى فرق جامد