الموضوع: المقارنة الصعبة

المشاركة الأصلية كتبت بواسطة shshtawy

قطع الغيار فى الميجان موجود ومعمرة جدا ورخيصة جدا استيراد ماعدا بعض الاشياء الى تفقع فيها زى موضوع الكويلات الى هى مكان البويجهات عندنا
كمان الكارت بتاعها غالى جدا
بس هى عربية عافشة ممتازة وافضل من الجين 2
سحب ممتاز زى الجين
فرامل اسطورة وامان 100 مرة عن الجين 2
وانا لو يعود بيا الزمن كنت جبت ميجان هاتش باك يوسد حتى لو ب80 الف بس بصراحة عربية ممتازة
وتتفوق على الجين تو فى كذا حاجة واهمها الفرامل بالنسبالى

بالنسبة لنقطة الكارت فهو سعره زي سعر اي مفتاح مشفر بتاع عربية جديدة , الف و شوية في التوكيل و اظن اقل من الالف برة
بالنسبة للمقارنة فانا عملتها مع نفسي لما كنت باشتري

عفشة : الميجان احسن , الجين بيقولوا عفشتها ناشفة
رفاهية : الميجان احسن
شياكة : الاتنين احلى من بعض
تسارع : الجين احسن , الميجان مش مشهورة بتسارعها خالص
ثبات : الميجان كويسة و الجين مشهورة بثباتها
الفرامل : الميجان احسن , و الجين بيقولوا فراملها مش قد كده
الاتساع : الميجان احسن
التوكيل : الميجان احسن , عز العرب مشهور انه مش كويس
اسعار قطع الغيار : على حد علمي الاتنين قريبين من بعض , و الاتنين ارخص شوية من الكوري الجديد
توافر قطع الغيار : الميجان متوفرة في التوكيل و متوفرة برة في اماكن معينة و متوفرة استيراد في صقر قريش المعادي , الجين مش عارف بالظبط
الكماليات : الاتنين ما شاء الله
اعادة البيع : الاتنين بيقعوا بس الميجان مسكت مؤخرا و الجين مش عارف مسكت ولا لأ
اشهر المشاكل : الميجان : الفتيس و الفيوزات و ترس الديفيزور في 2005 و 2006 (مش عارف الترس في الكل ولا 2005-2006 بس) , عموما الميجان اعتمادية اجزائها الكهربائية سمعتها وحشة و ان كانت الحقيقة مش بالسوء اللي ناس كتير فاكرينه
الارتفاع عن الارض : الميجان احسن

المهم في الميجان انها تتجاب حالتها كويسة و يتكشف عليها في التوكيل الاول و كل ما كان الموديل احدث كل ما كان احسن , و تتعامل كعربية ب150 الف مش ب60 الف