جبت لوجان من أسبوع

**eng_samoura** · 16-09-2008 09:42 AM

صباح ااخير على أحلى منتدى فى العالم،، أولا دى أول مرة أبعت فيها post بس بقالى أكتر من 3 شهور متابع المنتدى كلمة كلمة، علشان كنت عايز أجيب عربية ومحتار.... وقريت كل كلمة أتكتبت على العربية رينو لوجان الوهمية وطبعا أحب اشكر كل اللى شاركوا فى كتابة كلام عن العربية دى المفروض يكون ليكوا عمولة من ثمن البيع...

الأسبوع اللى فات أستلمت اللوجان الفول أوبشن بناء على كلامكم وأنا أصلا كنت معجب بيها أوى أوى وبعد ما جبتها أقتنعت بيها أكتر بس عندى سؤالين للجماعة الخبرة فى هذه السيارة:
1- مكتوب فى الكتالوج ان السنتر ممكن يقفل لما العربية تبتدى تتحرك وان الاوبشن ده ممكن يشتغل أو يتوقف بس أنا مش عارف ازاى بالضبط (مكتوب أدوس على زرار اللوك 5 ثوان !!!)
2- مش عارف اجيب فى كمبيوتر الرحلات استهلاك البنزين الحالى ( بس بجيب المتوسط اللى بييجى مع علامة التصفير)
3- هو الانذار بيشتغل ازااااااااااااااااااااااا اااااااااااااااااى

أخيرا احب اشكر كل واحد بالمنتدى بأسمه خصوصا اللى كتب كلمة او نقد ساعدتنى اجيب العربية بتاعتى

**amr123** · 16-09-2008 02:40 PM

الف مبروووووووووووووك عليك و علينا انضمامك لينا

بص يا باشا :-
1- موضوع الاوتو لوك بتاع السنتر انا عندى بردو مش عايز يشتغل مع اني عملت زي ما الكتالوج بيقول بالظبط ...ممكن يكون مش موجود في العربية الي بتيجي مصر
2-كمبيوتر الرحلات بيحسب استهلاك البنزين لتر/100 كم لكن مش بيحسب الاستهلاك اللحظي
3- انا اول مرة اسمع ان لوجان فيها انذار ؟؟؟؟؟ حضرتك جبت المعلومة دي منين ؟؟:)

**itsonlyme** · 16-09-2008 03:08 PM

الف مبروك يا سمورة.
عايزين بقى تقرير مستفيض عشان اللي عايز يشتريها ولسة بيشاور عقله.

**Eslam_A** · 16-09-2008 05:11 PM

الف مبروك ربنا يباركلك فيها

**eng_samoura** · 16-09-2008 06:22 PM

اولا احب اشكر الاستاذ عمرو علي الرد السريع وعلي انه اصلا اللي خلاني اجيب العربيه دي بعد التردد بس احب اوضح نقتطين:
* انا كان قصدي بالانذار الامبولايزر اللي في صفحه ١.٧ في الكتالوج مش فاهم منه اي حاجه
* استهلاك البنزين اللحظي موجود في الكتالوج في صفحه ١.٣٩ نمره e كود ٢٤٤٤٤ وهو ده اللي مش بيتطلع عندي

اما بالنسبه للاخ itonlyme فانا شايف ان الاستاذ عمرو والاستاذ هشام عملوا تقييم متعرفش رينو انها تعمل زيه وده راجع للامانه الشديده بتاعتهم في تقييم السياره.. والله كنت حاسس اني راكب العربيه معاهم قبل ما اشتريها... بس لو عاوز تسآل عن اي حاجه انا تحت امرك

شكرا ليك تاني استاذ عمرو من هنا لبكره الصبح وكل سنه وحضرتك طيب..

**eng_samoura** · 16-09-2008 06:28 PM

itsonlyme لو عايز تاخد قرار ومش عارف انا قعدت زيك شهور وممكن اساعدك ولو تحب تيجي تسوق العربيه انا برضه تحت امرك انت او اي واحد في المنتدي دي برضه ٧٥ الف والافيو مش وحشه

**itsonlyme** · 16-09-2008 07:44 PM

مش عارف أقولك ايه على العرض الكريم ده.
عموما أنا هصبر لغاية اكتوبر لغاية ما يبان موقف اللوجان المغربي.

ولو نويت أكيد مش هتردد في استخدام العرض الكريم ده :)

**amr123** · 17-09-2008 02:33 AM

يا اساذ سمورا ...ده كتير عليا قوى ...اشكرك بشده ...و احنا كلنا هنا اخوات و المفروض نساعد بعض ...
ربنا يبارك فيها ..و انا هفتح تاني الكتالوج و اراجع النقاط الي انت اثرتها

وشكراااااااااا

**semihuman** · 17-09-2008 12:41 PM

طيب يا جماعه بردو في سؤال كبير في دماغي
اللوجان الفول ابوشن ب 75 الف
و النيو اكسنت ب 81الف الفرق مش كبير؟
حد ركب الاتنين يقول رايه؟؟
حد شاف الموقع ده؟؟؟
http://www.autogaleria.pl/auto_test/test.php?id=162

**amr123** · 17-09-2008 01:11 PM

انا رأي النيو اكسنت احلى طبعا
موتور اقوى
اشيك بكتير

بس اللوجان اعتمادية اكتر و ممكن تكون كماليتها اكتر

لو عندك استعداد تتعامل مع غبور و مش فارق معاك الفرق توكل على الله