يا جماعة انا نويت احجز 301 المانيوال و كنت عايز اعرف هل استلامها اسرع من الهيلاين يعني لو عايز استلم اول السنة احجز امتى كمان كنت عايز اعرف ايه احسن لون في الفئة المانيوال
عرض للطباعة
يا جماعة انا نويت احجز 301 المانيوال و كنت عايز اعرف هل استلامها اسرع من الهيلاين يعني لو عايز استلم اول السنة احجز امتى كمان كنت عايز اعرف ايه احسن لون في الفئة المانيوال
اعتقد اه لان الموضوع ده اتكرر معايا شخصيا ومع كذا حد هنا ، انا استلمت في خلال 15 يوم بس
بالنسبة للالوان اللون الفضى جميل في المانيوال
انت تتوكل على الله بعد الاستخاره طبعا
و تروح تحجز زي عمرو فى فرع المهندسين
و ان شاء الله هتستلم بدرى
ربنا يوفقك اختيار جميل انا معايا المانوال عامله 400 كم وبصراحه زي الفل بس والدي مش عارف يسوقها وبيقولي بيعها وهات الاوتوماتك وانا بصراحه بحب المانوال
متشكر على الردود انا اتعرفت على الاستاذ كريم سلامة في فرع وادي النيل و بصراحة انسان محترم و هحجز عنده انشالله
اختيارات جميلة جدا
الشامبين اساسا كان رغبتى الاولى والتانية هى اللى فضى ، بس بعد ما استلمت الفضى حبيته ولقيته جميل
الفيرانى جامد جدا على الهايلاين خصوصا مع النيكل عامل شغل عالى ، لو هايلاين اصلا كنت هقولك فيرانى ، انما مع المانيوال مش عارف هيبقى حلو اوى برضو ولا لا ، بس هو لون جميل
بلاش الفضى، العربية مبتسلمش :wink10:
ههههههه والله ياعم اكرم جنني معاه هو طول عمره بيسوق مانوال بس ياباني كان بيسوق تويوتا كامري ولما جبت ال بيجو العربيه كل مطب بتطفي منه وحاسس انها تقيله وبيقولي تصدق الاوتوماتك كان اريح :d
يالا ابويا ولازم استحمله :d
والله المانوال روعه انا غلبت بيها الكروز والرينو الفلونس
ولسه :d
بقولك ايه ياعم اكرم انا عاوز اركب وحدات الرفع بيتعملوا في التوكيل وبيظبهم ع الريموت الاصلي ولا ايه ؟
العربية موتورها جامد بس انا عندى مشكلة غريبة الخنقة والكتمة والتنتيش في الزحمة لما اكون ماشى اول وتانى لفترة طويلة ( النهاردة الدائري والزراعى كانوا واقفين وقفة الله لا يوريكم 13 كيلو خدتهم في ساعتين ! )
المهم اللى كنت بلاحظه ان الخنقة والتقطيع ده بيحصل والتنك مليان واكتر من النص وخصوصا لما يكون 3/4 ..!
ولما التنك يبقى اقل من النص تقريبا المشكلة مش موجودة ..
النهاردة لان الزحمة كانت طويلة جدا العربية فضلت واقفة كتير وطبعا حاسس انها مش ناعمة في الزحمة كالعادة لحد ما شرطة النص نزلت ، لقيت العربية اتظبطت وبقت ناعمة وجامدة جدا جدا بعدها على طول ! يعنى تقريبا كدة اتأكدت من ملاحظتى الاولانية ....
حد يقوللى ايه السبب ومش عايز حد يقوللى وزن البنزين بيتقل العربية لانى كنت ماشى لوحدى وهى مخنوقة ولما الشرطة دي نزلت ركبت صاحبى معايا و العربية اتعدلت ، يعنى اكيد البنزين مكنش اتقل من صاحبى اللى ركب !
انا رديت عليك ياباشا
http://www.nilemotors.net/Nile/36921...post3875284707
ماهو انا مش بفول من بنزينة واحدة ، فمش عارف ايه المشكلة واشمعنى لما التنك بيبقى ع النص المشكلة بتخف او بتختفى تماما !
انا بمون من محطة عندنا في المنوفية و في القاهرة غالبا محطات شل كلها ودى بيتهيألى انضف محطات ولا ايه ؟
شيل احمد عرابى اغلب الوقت
ومرة شيل اللى في شارع دمشق ( بيتهيألى دى كانت احسن تفويلة للعربية والعربية كانت ناعمة جدا بمجرد ما مونت )
واخر مرة شل اللى جنب توكيل غمرة قبل ما ادخل التوكيل على طول
لما العربية كانت زيرو كانت فايقة بدرجة غريبة كأن البنزين اللى فيها كان 95 او نضيف اوى ، مجرد ما بدأت احط البنزين اللوكال بتاعتنا ده حسيت بالفرق
انا بمون 92 طبعا ( اللى المفروض انه 92 )
بس انا حاسس ان البنزين اللى كان جاي مع العربية ( اانا مستلم العربية مليانة نص التنك ) كان نضيف جدا جدا جدا بدرجة غير عادية فعشان كدة بقول على الـ 92 بتاعنا لوكال