شرح رائع فعلا شكرا على مجهودك عشان انا كان عندى نفس المشكلة من مانويل الى اتوماتيك لما استلم بيجو 301
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
أنا كنت كاتب رد عن الموضوع دا قبل كدا في القسم دا وهما الأتنين نفس العربية ونفس الفتيس, هنسخهولك هنا,,
http://www.nilemotors.net/Nile/374131-a.html
أولاً بالنسبة للفتيس, هوا أوتوماتيك تيب ترونيك - أربع سرعات,
وبما أنك بتقول أنك سوقت مانيوال بس, هقولك عال أوتو بتاعها بالتفصيل,
ال P هوا الباركنج, تحطها عليه لما تيجي تركنها وهتخرج بره العربية وتمشي منها بس, وغير كدا خليها علي ال N.
وال N هوا الموور زي المانيوال بتبقي مش واخدة غيار, ودا الوضع اللي بتحطة عليها لما بتقف في بنزينه تفول, أو تقف تتكلم مع واحد صاحبك, متحطش P في الأوقات دي..
عشان ال P ليه حساس خاص بيه, وأنا بحب أحافظ عليه عشان ساعات بيحصل فيه مشاكل علي المدي الطويل,, والتكة بتاعتة بتزعجني,, ولو عطلت علي P مش هتعرف تحركها.
والعربية لما بتكون علي P مش هتعرف تحرك العصاية من عليه عشان تنزل لل R و ال D من غير تدوس فرامل, فتدوس فرامل قبل ما تنزل من علي ال P لأي غيار.
ولما تيجي تحط العربية علي ال P ممكن تطلع من غير فرامل عادي,, دا لو أخدت العصاية خطف كدا من الN لل P ودا الطبيعي ومفهوش ضرر علي الفتيس او العصاية,
بس لو حركة أيديك مش سريعة يفضل تدوس فرامل,,, عشان لو أيديك بطيئة العربية هتاخد R منك وأنت طالع بالعصاية لل P وهترجع بضهرها منك فخد بالك كويس..
ال D هوا ال Drive أو وضع الحركة اللي بيمشي العربية,
يفضل قبل ما تجيبه تدوس فرامل بس مش شرط,, عشان العربية هتبدأ تتحرك ولو في مكان ضيق أو جراش أو قدامك عربية ممكن تخبط فيها.
طبعا هتخبطها علي سرعة بطئية مش هتنط بيك, بس عود نفسك من دلوقتي أنك قبل ما تجيب D أو R تكون دايس فرامل تحسبها لظروف المكان اللي حواليك.
ال R هوا اللي بيرجع العربية ورا, مفيش كلام كتير يتقالي عليه,
قبل ما تنقل لل R يفضل أن العربية تكون واقف علي الأرض خالص, مع العلم إن الفتيس فيه خاصية أمان بتمنع العربية تاخد R وهيا ماشية عشان مفيش فاصل ما بينهم زي العربيات الاوتوماتيك العادية اللي بتبقي بزرار, بس أنا محبتش أجرب, وبقف خالص قبل ما أجيب R.
ال M
لما تكون جايب D وماشي بالعربية أو واقف,
في حارة في الجنب الشمال من ال D في الفتيس مكتوب جمبها M
M أختصار لمانيوال ودي اللي بتخليك تتحكم في نقل الغيارات, وتثبت العربية علي غيار معين, وتحرق علي الغيار وتنقل متأخر أو بدري وتسقط غيارات زي الفتيس المانيوال بالظبط.
ولما بتحرك العصاية ناحيتك للشمال بيظهر لك في الطابلوة الغيار اللي أنت عليه, لو كنت واقف مش بتتحرك هتلاقيها كاتبة 1 بدل D يعني الغيار الأول,,
ولما تمشي بالعربية مش هتنقل طبعاً وهتزق عصاية الفتيس لقدام ناحية الطابلوة واللي مرسوم عندك في الفتيس + عشان تنقل للتاني, ولما توصل للرابع وعايز تجري في منطقة مثلاً هتزق العصاية لتحت عشان تجيب التالت وهكذا.
ملحوظة : ممكن في اي وقت تنقل ما بين D لل M وانت ماشي أو واقف, والعكس صحيح,
لو كنت علي ال M وحارق علي غيار ونقلت لل D العربية هتاخد أفضل غيار مناسب للسرعة اللي أنت ماشي بيها وهتكتب لك D علي الشاشة وتنقل الغيارات لوحدها تاني أكنك طلعت عليه من البداية.
أخر حاجة بقي وضع ال D العادي, ليه وضعين تابعين ليه,,
وليهم زرارين منفصلين اللي هما S و النجمة * فوق علي الشمال في الفتيس,
ال S دا الوضع الرياضي Sport : لما بتضغط عليه, بيتكب علي الشاشة قدام في الطابلوة Ds
بيخلي العربية سحبها أسرع وتنقل الغيار متأخر عشان تديك تجميع أعلي في الغيارات, وطبعاً دا بينعكس علي استهلاك البنزين بيزيد بشكل ملحوظ.
ال * دا وضع الجليد Snow: لما بتضغط عليه, بيتكب علي الشاشة قدام في الطابلوة *D
دا في الأساس مصمم للدول اللي فيها جليد وطرق زلقة كتير, لما بتغط عليه العربية بتطلع علي التاني دايماً وتاخد تالت ورابع بس, والحكمة من أنها متاخدش الأول دا عشان تقلل ال Wheel Spin والكاوتش
ميفركش علي الأرض ويفضل محافظ علي تماسكة بالأرض,
يعني في العادي أنت لو علي D أو Ds في شوارعنا ومن غير مية ولا جليد, ودوست سنة بنزين زيادة وأنت طالع, الكاوتش الامامي هيفرك علي الأرض ويطلع أمريكاني زي ما بيقولو, وهيعمل نفس الكلام معاك لو بتاخد شارع علي سرعة,
أما علي وضع ال *D لو وقفت علي دواسة البنزين مش هتفرك ولا هتخمس.
وهيخلي تماسك العربية بالأسفلت أعلي, وهنا في مصر لو أخترتة هيخلي العربية تقف معاك في وقت أقل لو قدامك مطب وأنت ماشي علي سرعة, لأنه بيعمل Engine Brake مع الفرامل العادية وبيسقط غيارات بدري عشان يوقف العربية في وقت ومسافة أقل.
وطبعا في حالة ال D وال Ds مش بيعملو كدا,
ال *D بس هوا اللي بيعمل كدا عشان يزود تماسك الكاوتش في الأرض
وعشان تلغي أي وضع بتضغط علي نفس الزرار اللي أنت ضغطت عليه من ال S أو ال *
وممكن تنقل ما بينهم عادي أو واقف بالعربية أو سايق,
وممكن تشغلهم أو تفصلهم عادي وأنت واقف أو سايق,
ولما تستلم العربية إن شاء الله,
العربية تقبل بنزين 92 عادي ودا الأفضل ليها عن ال 95
والعجل أظبطة علي 32 وأول ما تستلمها روح علي أي فرع لبريدجستون وخليهم يفضو الكاوتشات الأربعه من الهواء بالجهاز ويملوها نيتروجين, هيفرق معاك كتير في الراحة وهيريح العفشة.
ويفضل أول 1000 كيلو تمشي علي سرعة متوسطة متعديش ال 100, والأهم من أنك متعديش 100 كم في الساعة, أنك متحرقش علي الموتور وتدوس علي دواسة البنزين جامد,
وخلي كل نقلاتك هادية ما بين 2 ل 2.5 rpm عدد لفات الموتو,, طبعاً دا يفضل بس مش شرط,, وأنا عن نفسي بعمل دا في أي عربية زيرو...
رقم العضوية : 145532
تاريخ التسجيل : 22Jun2013
المشاركات : 63
النوع : ذكر
الاقامة : giza
السيارة: لا يوجد
السيارة[2]: هيونداى i10
الحالة :
شرح رائع فعلا شكرا على مجهودك عشان انا كان عندى نفس المشكلة من مانويل الى اتوماتيك لما استلم بيجو 301
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
الشكر لله,
والفتيس سهل جدا في الأستخدام فوق ما تتخيل,, فا متقلقش منه.
ولو أحتجت أي حاجة أسئلنا هنا,
رقم العضوية : 148399
تاريخ التسجيل : 09Sep2013
المشاركات : 64
النوع : ذكر
الاقامة : cairo
السيارة: alfaromeo 164
السيارة[2]: fiat128
الحالة :
شكرا جزيلا علي هذا الشرح الوافي وجازاك الله خيرا علي المعلومة والمجهود الرائع
رقم العضوية : 33358
تاريخ التسجيل : 18Feb2009
المشاركات : 41
النوع : ذكر
الاقامة : البحر الاحمر
السيارة: فولكس جولف 1
السيارة[2]: داتسون
دراجة بخارية: no
الحالة :
اخبار عزل العربية ايه يا جماعه...
يعنى صوت الهواء وصوت الموتور ...
لان معايا اوبترا وللاسف ندمت انى جبنها علشان الحاجتين دول ...فبفكر جديا ابيعها واجيب ال 301
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
العربية عزلها جيد جداً, وصوت الموتور مش عالي سواء ماشي جوا البلد أو علي السريع وطبيعي جداً,,
ومفيش صوت هواء مع المشي جوا البلد أو حتي علي السريع علي السرعات العادية,
أما بعد ال 140 أو 150 ممكن تبدأ تحس بعلو طفيف في صوت الموتور مع أرتفاع عدد لفات الموتور وصوت الهواء برضه ودا بيحصل في أي عربية في الدنيا في نفس رينج السعر دا.
رقم العضوية : 148399
تاريخ التسجيل : 09Sep2013
المشاركات : 64
النوع : ذكر
الاقامة : cairo
السيارة: alfaromeo 164
السيارة[2]: fiat128
الحالة :
الاعضاء الاعزاء هل لديكم فكرة عن امكانية تركيب جهاز GPS Tracker بالسيارة 301 وهل هذا الجهاز متوفر لدي بيجو ولو كان متوفر بكام وان لم يكن متوفر فهل يمكن ان نشترية ويقوم التوكيل بتركيبة
رقم العضوية : 148399
تاريخ التسجيل : 09Sep2013
المشاركات : 64
النوع : ذكر
الاقامة : cairo
السيارة: alfaromeo 164
السيارة[2]: fiat128
الحالة :
الف مبروك علي العربية ............. وبرجاء الاستمرار والمحافظة علي رابطة الملاك
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
انا حجزت العربيه allure بس قالولي التسليم بعد شهرين. :( و ربنا يسهل و يكون قبل كده ..
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
المفضلات