ليا كام سؤال
1-ايه ثبات الاودى الغريب دا؟
2-ايه التجميع العالى فوق ال200 من موتور n/a دا؟
3- ايه الطرق الرهيبه دى ؟
[youtube]http://www.youtube.com/watch?v=Y2HKBQMQmbw[/youtube]
ليا كام سؤال
1-ايه ثبات الاودى الغريب دا؟
2-ايه التجميع العالى فوق ال200 من موتور n/a دا؟
3- ايه الطرق الرهيبه دى ؟
[youtube]http://www.youtube.com/watch?v=Y2HKBQMQmbw[/youtube]
شيء مرعب لراكب الموتوسيكل
اوعدنا يا رب :)
حضرتك ده مش اى kawasaki ده نينجا zx10 ,و السوزوكى gsr 1000 يعنى دمار شامل بجد :049:
حلوه السواقه المصرى ديه فى الشوارع النضيفه برده.
اجمل حاجه عجبتنى هى الجمله ديه:
the bikers are far behind me because of the bumps
و انى اشوف bump واحده من اللى قال عليها مش لاقى, ييجى يشوفوا صلاح بيه سالم ولا الاوتوستراد و احنا بنركب الامواج فى الشارع.
انا مش عايز غير طريق زي دا
اللى عاجبنى الصراحه فى الشدايه احترام الاتنين لبعض رغم انهم ميعرفوش بعض وبعد الطريق ما خلص الاتنين حيو بعض .....................بس ليه سؤال بقى خاص للبيكرس بس هما اللى يردو عليه....كام واحد فيكم قبل كده مشى 240 ومال بالبيك وخد غرز على السرعه دى زى ما هو باين فى الفيديو
شكرا والى الامام
احلى حاجه انهم ملتزمين مفيش غرز خطره عليهم او على العربيات التانيه
حتى العربيات اللى على الطريق كله ملتزم بحارته
بيجرو جامد بس بيحافظو على حياتهم وحياه اللى حواليهم
مش الاشكال اللى بنشوفها حتموتنا على الطريق بدون ذنب
بس ثبات الاودى وتجميعها خرافه هو جمع على الموتوسكل جامد بس خاف عليه مش زنقه عشان يوسعله واخر حاجه بيحيو بعض هى دى الروح الرياضيه بجد
اللي عجبني إنهم هزروا مع بعض بشكل راقي، بسياراتهم وموتوسيكلاتهم الراقية، في طرقهم الراقية، في بلدهم الراقية، وميعرفوش الملايين اللي هتتفرج عليهم، وميعرفوش إن هزارهم الراقي ده هيؤدي إلى كوارث في البلدان النامية، من كم الناس "النامية" اللي بتتفرج عليهم وبتسخن وبتحاول تنفذ الكلام ده بسياراتهم وموتوسيكلاتهم "النامية"، في طرقنا "النامية" :)
الاتنين مجانين ومعاتيه وميفرقوش خالص عن اى واحد هنا حاول انه يعمل الكلام دة على اى طريق حتى لو حرير وحواليه عربيات فيها بنى ادمين عايزين يروحوا او يقضوا مشاويرهم فى امان الله
تخيل كدة لو البيكر دة وقع !!! مجرد تخيل ؟ كنا حنقول بردة راقى ونامى وحمصى وشامى ؟
السرعه فى طرق فيها مدنين وغير مخصصة للسباقات تهور وقله ادب سواء كان عربى او عجمى :)
خلص الكلام
ههههههه الاودي v10 و 600 حصان ههههههههههههههههههه كل الي اقدر اقوله من حقه يعمل اكتر من كده ما هو ما اتلطعش قدام بنذينه بالنص يوم علشان يلحق له تفويله
الرد العصبي المشحون ده بيتكلم عن حاجة مختلفة تمامًا غير اللي موجودة في الفيديو. سيبك انتا من الفيديو خالص، انتا في فكرة معينة عايز ترزعها وخلاص بغض النظر عن أي حاجة، بغض النظر عن اللي احنا شفناه واللي حكمنا عليه بإنه شيء راقي. ألفاظ مثل "مجانين ومعاتيه وقلة أدب وتهور وحمصي وشامي" متركبش خالص على الفيديو.
سيادتك ممكن تجيب فيديو تاني في ناس مجانين مش بتحترم بعضها وبتزنق على بعض ومش بتحي بعض بشكل راقي، ولازم يعملوا حادثة في الفيديو عشان تقول للناس شوفوا أخرة التهور؟ ولازم الناس اللي بتعلق على الفيديو ده تكون ساذجة وشايفها حاجة راقية، ساعتها ممكن تعرض فكرتك بشكل "راقي" بعيد عن الألفاظ اللي استخدمتها.
بخصوص العربي والعجمي، انتا بتلمح لعقدة الخواجة، ودي حاجة لا تنطبق هنا إطلاقًا، المفترض في الناس اللي عندها عقدة الخواجة اللي بتمجد الأجنبي تمجيد أعمى أن يكون عندك تطابق بين الحالتين في جميع النواحي، مع عامل واحد متغير، اللي هو عامل الجنسية، ده عربي وده أجنبي، ساعتها لو الناس فضلت العجمي تبقى عقدة خواجة فعلاً.
سيبك انتا من تخيل إن البايك وقع وحصلت حوادث، تخيل انتا لا قدر الله إن فيه اتنين اتسابقوا مع بعض في طريق فيه مدنيين، ولا قدر الله كل واحد فيهم راعى الطريق وراعى المدنيين وراعى المتسابق الآخر واحترمه، وتخيل إن محدش فيهم زنق على التاني، وتخيل لا قدر الله إن الطرق كانت وهمية، والمركبات اللي سايقينها كانت وهمية، وتخيل لو انتا حطيت فيديو عن اللي حصل واتنين مليون واحد شافوه و7 آلاف واحد أبدوا إعجابهم، وتخيل إن فيها واحد بس على الأقل من الناس دي مش ساذج ومش معجب بالتهور وقلة الأدب وبيقول عليه "رقي". طبعًا أنا بتكلم عن حاجة افتراضية غير الواقع اللي انتا اتكلمت عنه.
بغض النظر عن اى احقاد دفينه جوانه صنعتها طرقنا الحريريه وسياراتنا الخرافيه
كل واحد يجرى يجيب جركن جاز ويكبه على عربيته وهو جواها ويولع فى نفسه وفى العربيه وفى البلد المعفنه اللى احنا عايشين فيها دى
دا الواحد اتعقد يا جدعان
جااااااااااااااامد .........امتى حيبقى عندنا طرق زى البرازيل كده .....وناس ماشيه فى الحاره بتاعتها
باشا أنا الأدرنالين بتاعي علي من الفرجة ...امال اللي راكب الموتوسيكل داه قلبه معمول من إيه ،....
طبعا الأودي 8 series دي مش عربيات دي طيارات ...
بغض النظر عن موضوع الاحقاد و الكلام ده بس هي الناس دي معندهاش رادارات وللا ايه؟
وللا الراجل عنده فلوس كتير فا مش فارقه معاه المخالفات؟
فيديو من الفيديوهات اللي كان لازم اشوفها اكتر من مره
شفتوا الغرز اللي علي 200+
ما شاء الله
هي دي الطرق و هي دي العربيات
خدو ده بقي كمان
و خصوصا عشاق المرسيدس
[youtube]http://www.youtube.com/watch?v=74uVOQ8dxaw[/youtube]
الكلام اللي انتا قولته كله بخصوص "سيبك من تعليقي وقول رأيك وانت مالك بتعليقي" ياريت تقول الكلام ده لنفسك، حاجة غريبة جدًا! انتا مش عارف اللي كتبته؟ ولا معندكش إدراك لمعنى كلامك؟ شوف انتا كاتب ايه:
"كنا حنقول بردة راقى ونامى وحمصى وشامى"
هسألك سؤال في حد غيري اتكلم عن: "راقي ونامي"؟ الجواب طبعًا: لا، طيب، ده كده مش استخفاف دم حضرتك وتريقة غير مبررة وغير مقبولة على ردي؟ انتا تعرفني عشان تتريق على كلامي؟ ولا انتا أساسًا مش مدرك إنك بتتريق على حد؟ انتا مالك يا أخي بتعليقي، "كن هنقول راقي ونامي وحمصي وشامي؟" يا أخي أنا أقول راقي ونامي زي منا عايز، انتا ايه اللي دخلك؟ ايه اللي حشرك؟ أوعى تفتكر إن التريقة على رأيك المخالف هتخلي حجتك قوية ورأيك مسموع، بالعكس. انتا ضريت فكرتك بأسلوبك وخفك دمك غير المبررة، "السباق يكون في الحلبة مش في طرق مدنية" فكرة راقية جدًا، ياريتك كنت عرضتها بأسلوب أفضل من غير تريقة على حد.
نت عضو جديد زى ماهو واضح يعنى ملكش اى مشاركات تذكر علشان اركز معاك
يا سعادة العضو القديم، العبرة بالمضمون حتى لو المشاركات قليلة.
سؤال هما مش كانوا بيقولو إلمواتير الألماني مقفولة إلكترونيا علي ٢٥٠ ولا خلاص زهقوا ....
انت بردة مقتنع ان تعليقى كان تريقه على تعليقك اللى انا قريته من ضمن كل التعليقات اللى فى الموضوع !!!!
وهوه انا علشان قلت راقى ونامى يبقى اقصدك انت ؟؟
على فكرة المشكلة دى مشكلتك مش مشكلتى
بس لو ركزت فى سياق الموضوع والتعليقات حتلاقى ان فى اكتر من تعليق متفق على المحتوى والمضمون
تعليقى كان مخالف
واوعدك مش حجيب كلمه راقى ونامى تانى فى تعليقاتى لان واضح انك معاك صكوك ملكيتهم
- على جنب كدة
لما اكون بوجهلك كلام او بوجه لاى حد كلام
حاخد تعليقك اقتباس وارد عليه زى مانت عملت كدة وبالتالى انا رديت عليك
غير كدة انا فعلا مبعلقش على كلامك ولا ركزت فى انت كاتب ايه اصلا (دى حاجة علشان انت بس جديد لسة متعرفهاش لما تاخد الخبرة بتاعه المكان حتعرف مين بيوجهلك كلام ومين بيتكلم فى العموم)
مجموع التعليقات ومئات الكلمات اللى كانت فيها هى اللى كونت التعليق بتاعى
وكون اية حشرنى والكلام الفاضى اللى انت قلتة دة مش حرد عليه لان انا وضحت انها مشكلتك انك اخدت الكلام على نفسك مش مشكلتى متحطنيش ف جمله مفيدة معاك
عشان كدة ...أصلي العربيات دي والمرسيدس دة يمكن عدي ٣٣٠ ...بس أنا مش فاهم إد إيه عزم الموتور اللي يخلي عربيات بالأوزان دي تجمع كدا وتخلي الموتوسيكل بيعيط ...
يعني حسب ما فهمت من كلامك، إنك قريت كل الردود واتريقت بوجه عام، مشكلتي أنا إني خدت التريقة على نفسي لمجرد إنك اتريقت على "راقي ونامي" اللي أنا قولتهم، طيب احنا هنخرج "راقي ونامي" من الموضوع، وهعتبر نفسي مجرد واحد من الناس اللي أعجبت بالفيديو واللي سعاتاك اتريقت عليهم إجمالاً، وفي الحالة دي برضه من حقي إني أرد عليك. ولو لاحظت إني رديت عليك رد عام انتقدت فيه أسلوبك وطريقة عرضك للفكرة ساخرًا من زملائك اللي رأيهم مخالف، ومقولتش انتا مالك برأيي، بتكلمني ليه، زي منتا عملت، وللأسف سعاتك جريت الموضوع لخلاف شخصي عشان تداري خطأك واستخفافك بزملائك.اقتباس:
انت بردة مقتنع ان تعليقى كان تريقه على تعليقك اللى انا قريته من ضمن كل التعليقات اللى فى الموضوع !!!!
وهوه انا علشان قلت راقى ونامى يبقى اقصدك انت ؟؟
على فكرة المشكلة دى مشكلتك مش مشكلتى
بس لو ركزت فى سياق الموضوع والتعليقات حتلاقى ان فى اكتر من تعليق متفق على المحتوى والمضمون
تعليقى كان مخالف
واوعدك مش حجيب كلمه راقى ونامى تانى فى تعليقاتى لان واضح انك معاك صكوك ملكيتهم
اسمح لي، بس ده منطق عيل في ابتدائي. التريقة واضحة زي الشمس، مش عارف إزاي "عقلك" متصور إنك لو اتريقت على ناس مخالفاك في الرأي، بس محطيتش كلام حد فيهم في اقتباس يبقى مفيش حد ليه دعوة بيك ومحدش يكلمك؟! سيبوني أتريق زي منا عايز ما دام من غير اقتباس!اقتباس:
لما اكون بوجهلك كلام او بوجه لاى حد كلام
حاخد تعليقك اقتباس وارد عليه زى مانت عملت كدة وبالتالى انا رديت عليك
غير كدة انا فعلا مبعلقش على كلامك ولا ركزت فى انت كاتب ايه اصلا (دى حاجة علشان انت بس جديد لسة متعرفهاش لما تاخد الخبرة بتاعه المكان حتعرف مين بيوجهلك كلام ومين بيتكلم فى العموم)
برضه نفس النقطة الأولانية، قصدك إنك قريت كل الردود واتريقت بوجه عام على المعجبين بالفيديو وأنا اللي خدت الكلام على نفسي، اقرى نفس الرد في الفقرة الأولى.اقتباس:
مجموع التعليقات ومئات الكلمات اللى كانت فيها هى اللى كونت التعليق بتاعى
وكون اية حشرنى والكلام الفاضى اللى انت قلتة دة مش حرد عليه لان انا وضحت انها مشكلتك انك اخدت الكلام على نفسك مش مشكلتى
يا أخي والله أنا حزين إني بكلمك وبتناقش معاك، بس والله أنا مضطر أرد عليك اضطرارًا، لأن الكثيرين مثلك بيفتكروا التريقة على الرأي المخالف قوة، ولو أنا سمحت لك تتريق عليا (كفرد من مجموعة) عمرك ما هتحس إنك غلطان وهتعد تتريق على خلق الله كل ما تخش موضوع ويبقى ليك رأي مخالف. السخرية عندك وزنها أكبر من أدب الخلاف.اقتباس:
متحطنيش ف جمله مفيدة معاك
يعني انا كمان اتريقت علي كلام الاعضاء وسخرت منهم !!! وكلهم شافوا تريقتي دي ومحدش رد عليا غيرك انت !!!
ربنا يعافينا
لا حول ولا قوه الا بالله
اهدو شوية يا جماعه انتو اكبر من كده
مينفعش تقولو الكلام ده لبعض
و ياريت لو الادارة تمسح المشاركات اللى بتجرحو بعض فيها
هما ليه مشتموش بعض او كلكسو لبعض واشارات يمين فشمال ( شتايم بقي وكدة ) بعد ماخلصو.
عالم غريبة اوي بجد.
هي حركة الإشارة يمين وبعدين شمال دي معناها إيه ....
انا مش هتكلم غير على سواقه البنى ادمين بتوع بره
كل واحد ملتزم بالحاره بتاعته ولما واحد كان واخد الحاره الشمال ولقى بتاع الاودى جاى وراه بسرعه وسعله الطريق
وواحد تانى بعربيه عاليه شويه كان هيغير الحاره بتاعته شافه جاى بسرعه مرضيش يعدى
مش عندنا احنا ربنا يتولانا :)
واخر حاجه شفته نظام البوابات عندهم عامل ازاى ؟ :)
انا معرفش معناها ايه بالظبط. بس تلاقي كتير لما ناس بتشد مع بعض ويكونو ميعرفوش بعض تلاقي اللي عدي يعمل اشارات يمين فشمال للي الورا. اكيد يعني مش بيحييه عالريس الجامد ده زي ماعمل بتاع البايك لبتاع العربية فالفيديو ده.
احنا في مصر يافندم. يعني متستبعدش انه يكون بيجيب سيرة الامهات والابهات بالحركة ده هههههههههههههه. وغيرها حركة المساحة اللي ورا للعربيات الهاتشباك بحسها بيطلعله لسانه او بيغيظه وكدة يعني. غير طلعا سيمفونية الكلاكسات اللي متعارف عليها.
اتنين يمين واتنين شمال وبعديها انتظار.............معناها خادتك يمين وشمال على الطريق ووقفتك فى النص
ودا طبعا فى عرف الشد والغرز والمبارزه على الطريق عيب كبير لان مينفعش واحد يزحفك وراه يمين وشمال ومتطلعش منه .........لان الطريق عامتا خريطه او مشروع وكل واحد بينفذه من واقع خبرته ومهارته واللى يقلد التانى بدون ابتكار يبقى فاشل وغشاش ومش دوووووووووووووووواس