بصراحه أشك فى صحة الأسعار دى لانها مش منطقيه خالص لأسباب كتير
أولا الشكل القديم كان بيبدأ من 70 الف ريال , فمش منطقى خالص ان الجديده بالتكنولوجى اللى فيها تنزل أعلى فئه ب 75 الف
ثانيا مقارنة بباقى أسعار الماركات التانيه , برضه السعر مستحيل , حضرتك السيراتو أعلى فئه النهارده فى الخليج معديه ال 70 الف , ولو بصينا لعربيه زى الجولف الجديده مثلا سعرها بيبدأ من 80 الف بالموتور 1200 سى سى , وال 1400 الكامله معديه ال 100 الف
ثالثا والأهم انى مسمعتش أى اخبار عن نزول الأوكتافيا فى الخليج لحد دلوقتى ولا حس ولا خبر ولا صوره ولا اسعار , حتى ماشوفتهاش فى معرض دبى اللى كان معمول من اسبوع واتعرض فيه كذا موديل جديد هاينزل السوق الخليجى الفتره الجايه
مع كامل احترامى لحضرتك وصديق حضرتك
* ملحوظه : كل اللى فات دا مش معناه انى موافق على سعر الأوكتافيا الجديده فى مصر
المفضلات