إستلام فلوينس فيس ليفت 2014

**mostafa magdy** · 12-11-2013 10:56 PM

بسم الله
الحمد لله استلمت النهارده العربيه الجميله ( جميله الجميلات كمان ) رينو فلوينس فيس ليفت
بعد معاناه شديده مع ( تويوتا كورولا 2013) أشفق عليكم من سماعها

العربيه من " المصريه للسيارات " المهندسين
الفئه ال e3s فتحه سقف و سينسور
اللون oyster grey ( للأمانه اللون ذوق طبعا بس العربيه أجمل في الموكا و ال off white او الكريمي يعني )

178 زي سعرها الرسمي و إستلام فوري
50 جنيه رسوم الورق بتاع العربيه
و الحاجه اللي بتراضي بيها الناس هناك

الناس اللي هناك محترمين جدا و علي أدب و خلق و بيحاولوا يخدموك بجد " أو هكذا شعرت "
هو العيب الوحيد انهم ادوني العربيه مفيهاش نقطه بنزين بمعني الكلمه

أنطباعي عن العربيه بقا
بسم الله ما شاء الله ولا حول ولا قوه الا بالله " بجد كنت خايف إني أحسدها "
هو مبدأيا مصرنا الغاليه بقت في زحام شديد ليل و نهار أنا أخدت من المهندسين للبحر الأعظم خطوه خطوه مستمتعتش بالسواقه أوي الحقيقه
بس ما شاء الله العربيه فخمه و تشرفك و ناعمه و التغيرات باينه فيها اوي لأني سوقت ال 2013 قبل كده
في المطبات تحفه
انا طبعا لم أتمكن من أستعمال ربع امكانيات أو الأوبشن اللي في العربيه بس بجد فعلا
Best value for money و مع أنها أنتشرت شويه لكن مازالت عليها العين حتي في الطريق ( و ربنا يستر من الموضوع ده )

اللي عاجبني أوي برده في العربيه أنها مش تقليديه خاااااااااالص بالعكس
الحمد لله قبلها كان في الاوكتافيا A5 2010 و الكورولا 2013 بس بجد كل حاجه فيها جديده و مش تقليديه
حتي صوت الانتظار و الاشارات صوت مختلف

أنا تحت أمركم في أي استفسار ... و أتمني جميعكم تدعولي ربنا يباركلي فيها لأني مريت فعلا بتجربه في غايه القسوه هعمل موضوع منفصل عنها بخصوص السياره " تويوتا كورولا "

و سأوافيكم بكل ما هو جديد
دمتم بخير و ربنا يبارك لكم في عربياتكم جميعا و أشوفكم جميعا راكبين البورش

**mostafa magdy** · 12-11-2013 10:59 PM

يا ريت اللي الناس المحترمه اللي عملت موضوعات ساعدتني أجيب العربيه دي
يفيدوني بقا أجيب كود الكاسيت إزاي و النبي نفسي اسمع صوته :d

**J A G U A R** · 12-11-2013 11:06 PM

الف مبرووك .. وربنا يباركلك فيها ويكفيك شرها

**Hany Saad** · 12-11-2013 11:09 PM

المشاركة الأصلية كتبت بواسطة mostafa magdy

يا ريت اللي الناس المحترمه اللي عملت موضوعات ساعدتني أجيب العربيه دي
يفيدوني بقا أجيب كود الكاسيت إزاي و النبي نفسي اسمع صوته :d

أولا ألف ألف مبروك العربية الجديدة و ربنا يديك خيرها و يكفيك شرها
بالنسبةً لكود الكاسيت كلم ١٦٢٠٢ خدمة عملاء رينو و خلى معاك رقم شاسيه العربية أو ال VIN number و ده الرقم اللى هتلاقيه على الزجاج الأمامى من تحت....هتمليهم الرقم هيدولك كود الكاسيت.....مبروك مرة تانية و متنسوناش فى التقارير

**ahmedelfeky** · 12-11-2013 11:35 PM

الف مبروك ربنا يباركلك فيها اما الكاسيت فصوته حكايه بس ظبط السيتنج بتاعه اول ما تجيب الكود

**M I D O** · 12-11-2013 11:38 PM

الف مبروووووووووووك وربنا يحفظهالك و اختيار موفق ان شاء الله

**Hany Saad** · 12-11-2013 11:42 PM

المشاركة الأصلية كتبت بواسطة mostafa magdy

ربنا يباركم فيكم
و متشكر علي طريقه أني أجيب الكود إزاي و ربنا يكرمك و تجيب عربيتك و تتمتع بيها و ما شاء الله الفئه ال e3sr هتبقي تحفه

أشكرك جدا على شعورك الطيب
نصيحة منى، روح عند واحد بتاع كاوتش يكون كويس و خليه يفضى الكاوتش على الاخر و يملالك الكاوتش نيتروجين و يظبطلك الضغط زى الكتالوج ٣٢ فى العجل الأمامى و ٢٩ فى العجل الخلفى و أستمتع بأحلى عفشة عربية فيكى يا مصر

**Hany Saad** · 12-11-2013 11:57 PM

المشاركة الأصلية كتبت بواسطة mostafa magdy

ربنا يبارك فيكم يا جماعه
والله أنا شاكر لردودكم التي ألتمس فيها الفرحه الحقيقيه
انا أتفدت منكم جميعا بلا أستثناء من أول أستاذ احمد الفقي اللي أقنع أستاذ رامي بالعربيه اللي في الاخر موضوعاته أقنعتني
ألي meggiboy اللي ما شاء الله دارس العربيه حته حته ... ربنا يباركلكم جميعا
والله انا أتشرفت بيكم جدا

يا فندم ده حضرتك اللى كلك ذوق و أحنا اللى أتشرفنا بيك....أحنا كلنا هنا موجودين علشان نساعد بعض و دايما تحت أمرك فى أى أستفسار

سؤال لحضرتك بما أن عندك باركينج سينسور....ممكن تأكد لنا مرة أخرى موضوع العربية اللى بتظهر فى شاشة العدادات و بتبين مسافة العائق و يا ريت بالتفصيل الممل و لو صوره كمان يبقى كتر الف خيرك علشان هتبسط قوى لو طلع انه شاشة و صوت...و مشكور مقدما

الموضوع: إستلام فلوينس فيس ليفت 2014

LinkBack

أدوات الموضوع

عرض

-

-

-

-

-

المواضيع المتشابهه

كماليات فلوينس فيس ليفت بالتفصيل

رينو فلوينس فيس ليفت أرجو المساعده

أستر كوزمو أم فلوينس فيس ليفت

هل اشترى الرينو فلوينس الفيس ليفت ولا اة

فلوينس الفيس ليفت الجديده أخر ابديت من اتوماك

الكلمات الدلالية لهذا الموضوع

المفضلات

المفضلات

ضوابط المشاركة