الهاي لاين فلوانس مفيهاش esp و اقل فئة المانيوال في الكوروﻻ فيها vsc .
الهاي لاين فلوانس مفيهاش esp و اقل فئة المانيوال في الكوروﻻ فيها vsc .
اشكرك علي التعليق ولفت النظر
فعلا الفلونس لايوجد بها esp لانه حينقل العربيه لفئة سعريه تانيه
ولكن ملحوظه صغيره : ال vsc ماهو الا نظام لتوضيح اعطال البطاريه والكهرباء
اما نظام esp هو نظام لثبات السيارات علي الطرق الخطيه او المنحنيات
فما وجه التشابه !!!!!!!!
هل تعلم ان التويوتا ايوجد بها esp
ياباشا لا ESP or VSC هما مسميات مختلفه لنظام واحد وهو نظام الثبات الاكترونى هو بس المسمى بيختلف من شركه لشركه يعنى بعض الشركات اليابانيه زى هوندا وتويوتا بتسميه vsc انما فيه شركات تانيه بتسميه ESP زى جنرال موتورز مثلا واتهيئلى ان ليه اسم تالت لشركات اخرى الخلاصه ان النظام هو هو بس كل شركه بتديله اسم . نرجع بأه لموضوع المقارنه احنا برده لازم نحط فى بالنا ان التويوتا فيه نظام الثبات الاكترونى والفلونس مفيهاش دى ميزه كبيره فى التويوتا ومش مش موجوده فى الفلونس ولا زم تتحط فى الحسبان
حابب بس أوضح للناس أن أنظمة ال esc أو vsc أو dsc أو esp و هم نفس الشئ و بالترتيب
electronic stability control
vechile stability control
dynamic stability control
electronic stability program
كلهم نفس الشئ و هو نظام الثبات الألكترونى و ملهمش أى علاقة بالثبات على السرعات........ده نظام منع أنزلاق السيارة على الطرق الزلقة زى التلج و خلافه......النظام ده شبه جداً ال abs بتاع الفرامل و هو بيركب على نفس المنظومة
بيتحكم فى فرملة كل عجلة على حده لمنع أنزلاق السيارة على الطرق الزلقة زى التلج علشان العربية متعومش منك....
مكون من حساسات و كنترول يونيت
ملهوش أى دعوة بثبات السيارة على السرعات
تمنه كتصنيع ١١٠ دولار و كوحدة منفصلة بعد التصنيع حوالي ٢٥٠ دولار و لكنه غير متوافر للتركيب كقطعة منفصلة بعد تجميع السيارة
مفيد أكتر فى أوروبا و أمريكا و بعض البلدان العربية التى يتساقط فيها التلج و لكنه ليس ذو قيمة كبيرة فى مصر
شكرا يا جماعه للتوضيح
بس فعلا كنت قرأت علي احي المواقع ان نظام vsc يتعلق بنظام الكهرباء للسياره
علي العموم كده واحد صفر للتويوتا :)
نظام الثبات الالكترونى مهم بالطبع لكن فيه عوامل كثير جدا بتاثر على ثبات العربيه كاجمالى اهمهم ( نظام التعليق - توزيع الوزن امامى و خلفى و مركز ثقل السياره - نوع الكاوتش و عرضه و طوله و كام بوصه و هل مناسب للعربيه ولا لا و ضعط الهواء المناسب - ونظام الثبات ) لكن مش معنى ان عربيه فيها نظام ثبات الكترونى تبقى ثابته اكثر من عربيه مفيهاش !! طيب ما لو حد عايز يفرك و يعمل شغل بالعربيه و عنده نظام ثبات الكترونى مش هينفع فبيقفله و يدوس هل معنى كده ان ثبات العربيه قل ؟ لا لكن ممكن تعمل
burn out - power slides - tire smoking ) لانه بيتحكم فى قوه الدفع لكل عجله على حدى لكن نظام الثبات الالكترونى مهم لانه بيحافظ على العربيه من فقد السيطره نتيجه السواق او الطريق
نظام ال ESP أو ال VSC مهم جدا لانه يعمل علي المحافظة علي إستقرار و ثبات السيارة و بقائها تحت سيطرة السائق في حالات المناورات الصعبة و المنحنيات الحادة و المفاجئة و ذلك خصوصا علي السرعات العالية أو في ظروف الطريق المختلفة.... مطر...رمال....ثلج
و ده سيادتك محتاجة جدا لو بتعمل غرزة و خصوصا علي السرعات العالية لانه بيحافظ علي السيارة تحت سيطرة السائق.....أما غير كده فممكن العربية تعرض و تزحف منك بكل سهولة
ال ESP أو ال VSC يعتبروا أحد عوامل اﻷمان الهامة جدا اللي مفيهاش هزار و بتحافظ علي اﻷرواح و علي العربية نفسها من لا قدر الله Total Loss
شوفوا الكام فيديو ده
http://m.youtube.com/watch?v=WmCJtsRYE3c
http://m.youtube.com/watch?v=FIuPS9cTlL8
و ده مقارنة متزامنة في الثلج
http://m.youtube.com/watch?v=NiZjeeM...%3DNiZjeeMExY4
و ده لل BMW الفئة الثالثة الجديدة
http://m.youtube.com/watch?v=8j2dI0cod_s
و ده للتويوتا 2014
http://m.youtube.com/watch?v=5CUkVwZ...%3D5CUkVwZ2dA4
لك منى كل التحيه على هذه المجموعه من الفيديوهات الجميله
انا اختلف مع حضرتك جدا جدا.
ال vsc مش عشان الثلج ولا حاجة و انا بعتبر اهميته اكتر من ال abs في مصر .اهميتة انك علي سرعة عالية تقدر تتفادا اي حاجة قدامك و تدوس فرامل عادى جدا حتي لو علي سرعة عالية و كمان في ملف و رملة، وده حضرتك لو عملتو في اي عربية من غير esp هتتقلب فورا.
بلدنا الجميلة المليئة بالمفاجئات محتاجة النظام ده جدا، كام مرة و انت ماشى طريق سريع لقيت حاجة واقعة و حاولت تتفاداها ، كام مرة و انت في ملف و ماشى بسرعة لقيت عربية في الظلمة راكنة و حاولت تتفاداه، كام مرة و انت ماشي علي الدائرى واحد غبي بيعدى من غير ميبص، و كام مرة حصلت لاقدر الله قدامك حادثة و حاولت تفاديها و ربنا بيستر.
انا عن نفسى حصلت معايا كتير لاني يوميا علي طرق سريعة و ده اللي خلاني مفكرش في الفلوانس و اني ابيع كورولتي ال 2011 و احجز 2014 و انا مغمض لان عوامل الامان اهم من اي حاجة ثانية. خصوصا ان حصل معايا الموقف ده علي الدائرى كنت ماشى علي 100 و فجأة واحد قرر يعدى قدام العربية كان في 2005 و كنت لسة جديد سواقة و فرملت و لفيت الدركسيون اقسم بالله محستش غير اني قاعد في المراجيح و لفيت مرتين لغاية ما وقفت العربية.
خلاصة الموضوع ال esp من وجهة نظرى اهم بكتير من الستاير او الكراسي الكهربا و لون التايلوه لان دي حياتي.
و تقبلو تحياتي
متفق مع حضرتك جداً جداً
بس علشان نوضح الموضوع...الABS هو المسؤول عن السيطرة فى السواقة الطوالى و ال VSC فكرته أتبنت عليه و هو المسؤول عن الملفات...
لو بصيت لنمط سواقة الشخص الطبيعى هتلاقيه بيسرع فى الطوالى و المفروض بيبقى حذر فى السرعة على الملفات...ثبات العربية نفسها و تقلها مهم فى الملف و هو اللى بيديك الثقة تاخد الملف ده ازاى و على كام....مناورتك بعربيتك تعتمد الى حد كبير على ثقتك فيها و فى ثباتها....يعنى مش المفروض لو العربية فى الأساس مش ثابتة أنى أخد مناورات أو ملفات على العاصى...يجب أن أعرف قدر سيارتى
النظام مفيد مفيش كلام ووجوده عامل أمان زيادة و أنا بالنسبة لى الأمان أهم شئ و علشان كده لما أخترت الفلوانس أخترت أعلى فئة علشان حاجتين أساسيتين
٦ أيرباجز لحماية أسرتى و من معى من الخبطات الجانبية لا قدر الله و ما أكثرها
مصابيح زينون لكشف الطريق جيدا فى السواقة الليلية
السؤال الأهم و بناء على تجربتى الرائعة مع الميجان و توكيلها لمدة ٧ سنين و مدى شعورى بالأمان و الرضا التام....هل هغير أختيارى علشان العربية ناقصة ال VSC .....الأجابة القطعية : طبعا لأ
ثم لو تكلمنا على الأمان و فى نفس الفئة السعرية ١٨٥ الف كورولا ١٨٨ الف فلوانس
هل تفضل ال VSC عن الاتى
- ٢ ايرباج جانبى للصدمات الجانبية
-٢ ايرباج خلفى للصدمات الخلفية و حماية الركاب الخلفيين
- مساند رأس متطورة رباعية الضبط لحماية صدمات الرأس whiplash و فعلا بتبقى لزقة فى الرأس مش زى المساند التقليدية اللى بتبقى بعيدة جداً و تفتقر الى الحماية الجيدة
- أنوار bi xenon للقيادة الليلية المريحة
طبعا كل واحد ليه أولوياته و ليه طريقة فى السواقة و طرق معينة بيسوق فيها سواء سفر كثير أو معظمه داخل البلد....و مفيش عربية فيها كل حاجة للأسف
و بالتوفيق للجميع و أولا و أخيرا ربنا هو الحافظ من كل شر
انا شايف ان حضرتك متحامل شوية علي الكوروﻻ.
بس في الاخر ازواق و كل واحد بيبقي مبسوط بحاجته و حاسس انها احسن حاجة و ده حق مشروع عشان الواحد بيبقي دافع دم قلبو فيها :)
1.انا شايف ان مناسب ليا 2 ار باج ﻷني بركبها لوحدى و لو كنت محتاج اكتر كنت اخترت الهاي لاين فيها 7 ايرباج مش 4 .
2.لو حضرتك ركزت في ديزاين مساند الرأس هتلاقيه ممتاز في حالة الحوادث من حيث امتصاص الصدمة و هو ده الهدف منها انها تمتص الصدمة عشان لو مش موجودة ممكن يحصل كسر في الرقبة ، و ليس اهميتها انها تبقي لازقة فيا.
3.الاضائية ممتازة في العربية ومش محتاجة زينون و انا عن نفسي ركبت في الموديل اللي قبلو علي سبيل الدلع في التوكيل زينون ثلجى ممتاز واطى بس لان العالي ممكن يعمي اللي قدامي و يسبب حوادث و كان ب 1200 جنيه بس.
4.نظام الاضاءة النهارية led بيقلل من احتمالية الحوادث نهارا.
تحياتي و شكرا علي تفاعل حضرتك و العربيتين زي الفل احنا هننهب ولا ايه الله يرحم لما كنت بسوق ال127 و كنت طاير بيها السما . شكرا يا باشا
على فكرة أنا مش متحامل و لا حاجة....طبعا أكيد أنا بحب الرينو و كل ما هو أوروبى و لكن بمنتهى الأمانة لو الفولكس مكنش نزل بفتيس DSG أنا كنت أكيد هجيب باسات أو جيتا و لو كان الأوكتافيا برده نزلت من غير نفس الفتيس كنت برده هجيب واحدة بالتأكيد...
أنا بحب جدا أتناقش مع الناس اللى بتفهم و حضرتك واحد منهم و أرجو أنك متكنش مضايق من النقاش...أنا هدفى الأول أنى أقتنع أكثر بقرارى و لو كان غلط أعدله و كمان أستفاد من النقاش الموضوعى مع حضرتك و كل اللى بيقرا هذا النقاش يستفاد أو على الأقل يمكن يطلع بمعلومة جديدة تكون خافية عنه....أرجو أنى مكنش بثقل عليك
أنا هجاوبك على نقطك بس صدقنى للأستفادة و ليس للتعصب للرينو
1-انا شايف ان مناسب ليا 2 ار باج ﻷني بركبها لوحدى و لو كنت محتاج اكتر كنت اخترت الهاي لاين فيها 7 ايرباج مش 4 .
1-أحنا طبعا بنقارن فى نفس الشريحة السعرية لأن فيه فرق حوالى 18 ألف و ده مش قليل لو طلعت للهاى لاين، و بنفس المنطق ممكن نطلب أسبيشيال أوردر فى الفلوانس و ندفع و نجيبها ب ESC لأنها بتنزل بيه بره....و بنفس المنطق برده هأقول أنا مش باخد أبدا ملفات على العاصى و بقدر مقدار ثبات عربيتى و بسوقها طبقا لهذا المنطلق....يعنى حضرتك لو النيسان تيدا و لا الهيونداى ألنترا مع كامل إحترامى و لكنه واقع.. نزلوا ب VSC هل كده الدنيا بقت تمام و تقدر تعيش حياتك على سرعة فوق 100....و تاخد مناورات و ملفات...أبسلوتلى مش ممكن...الألنترا لسه زى ما هيه هتعوم من ورا و التيدا هتبقى مراجيح.....
شوف ملاك الفنتازيا و الجيتا و الباسات و الأوروبى عامة....هل عمر حد منهم فرق معاه و لا طلب زيادة فى الثبات و المناورة على سرعة....إستحالة....حضرتك العربيات دى صخرة على الطريق بفضل الثبات المدروس و ديناميكية الهوا و توزيع مركز الثقل و الأحمال فى الملفات....نزودلها VSC و ماله مش عيب و يبقى أحسن و أحسن و لكن العربية فى حد ذاتها ملهاش حل و بتديك الثقة فى المناورة و هو ده السبب الأساسى اللى بيخلى راكبى هذه السيارات بعد ركوبها مينزلوش منها مهما قلتلهم أن المنافس بقى بيقول بابا و ماما...إستحالة اللى ذاق ثبات الأوروبى يقنع بأى شىء أخر
2.لو حضرتك ركزت في ديزاين مساند الرأس هتلاقيه ممتاز في حالة الحوادث من حيث امتصاص الصدمة و هو ده الهدف منها انها تمتص الصدمة عشان لو مش موجودة ممكن يحصل كسر في الرقبة ، و ليس اهميتها انها تبقي لازقة فيا.
2-هقول زى حضرتك معترض جدا جدا....كل شىء بيتطور....العربيات زمان مكنش فيها مساند راس و بعدين حطينا فيها مساند....طيب لما ترجع ظهر الكرسى....أيه أخبار المسند من رأس حضرتك....بعيد للدرجه أنه مع التصادم الشديد رأسك هتطير لقدام و بعدين ترجع مسافة طويلة للخلف و ده اللى بيسبب ضرر للعمود الفقرى و كسر الرقبة....لاحظ أن أسمه مسند رأس...طيب أزاى و هو مش ساند...و ده سبب تطويره من 2 حركات فقط لفوق و تحت أصبح أربع حركات فوق و تحت و أمام و خلف علشان دايما يبقى أقرب شى للرأس و يقلل مشوار أهتزاز الراس و بالتالى حماية العمود الفقرى و كسر الراس من سرعة الرده للخلف و بعد المسافة....
3.الاضائية ممتازة في العربية ومش محتاجة زينون و انا عن نفسي ركبت في الموديل اللي قبلو علي سبيل الدلع في التوكيل زينون ثلجى ممتاز واطى بس لان العالي ممكن يعمي اللي قدامي و يسبب حوادث و كان ب 1200 جنيه بس.
هرد على حضرتك بنفس ردى المتحامل قبل كده :) :)....طيب مثبات الفلوانس حلو و مش محتاج VSC ;) :).....الزينون طبعا سواقة تانية خالص لو كان الBOsch الأصلى اللى نازل مع العربية و خصوصا لواحد زى حضرتك بيسافر كتير....متعملش زى و تقول الVSC مش مهم :) :)
4.نظام الاضاءة النهارية led بيقلل من احتمالية الحوادث نهارا.
مظبوط تمام و ده برده موجود فى الفلوانس و كل العربيات الجديدة اللى هتنزل أوروبا (طبقا لمواصفات الأمان الأوروبية) و فى أوروبا لازم تشغله بالأمر....بس السؤال هل عدم وجوده يخليك تغير قرار شرائك للعربية....أكيد لأ
أنا مثلا و للأمانة كان نفسى الفلوانس تنزل بزجاج فوميه بدل أو مع الستائر الخلفية و لكن مش دايما بناخد كل اللى عايزينه....
هقول حاجة من عشمى و متزعلش منى و لا ملاك الكورولا يزعلوا من فضلكم....أنا سقت عربيات كتير قوى الفترة اللى فاتت فى مصر و أوروبا، و بمنتهى الصراحة الكورولا طول عمرها كانت من السيارات الغير ثابتة على السرعات و الكلام ده بمنتهى الأمانة ما عدا موديل 2005 يمكن شوية....على عكس الأوروبى....
السؤال أيه أخبار موديل 2014 لسه مش عارف و لكن التاريخ بيقول أن الثبات مكنش من أولويات الكورولا مقارنة بثبات الأوروبى....محتاج أتأكد من الملاك و خصوصا راكبى الأوروبى اللى أشتروا الكرولا الجديدة....ما هى المقارنة؟ بالنسبة لى هو ده القرار الوحيد المؤثر فى الشراء....عربية أصلها ثابت و عفشتها ثابتة و الهوا مش بيلعب بيها على الطريق...النقل لما بيعدى جنبى و أنا بطلع منه العربية مش بترقص....لو المواضيع دى كلها ظبطت....يبقى برافو كورولا تفوقتى على نفسك و قدرتى تتفوقى فى هذا الموديل
مرة أخرى بشكر حضرتك جدا على هذا النقاش و بحترم جدا وجهة نظرك و أرجو أنى مكنش ضايقتك بنقاشى و لكن قلما الواحد بيلاقى حد فاهم يتناقش معه.....ألف مبروك أختيارك الجيد و ربنا يوفقك و يحفظك من شر الطريق...تقبل تحياتى
[QUOTE=zangry;3875238646]+ جنوط 17 ودى بتفرق في الثبات والهاندلينج عن الـ16 لصالح الفوانس[/QUOTE
قي راي مقاس 17 لا يصلح لمصر لئن عن تجربة اي حفرة بيعمل بلونة غير ال 16 اللي بيدى ثبات محترم برضو مبيبظش بسرعة
فعلا جنط ١٧ بيدى ثبات و هاندلنج أعلى و طبعا مش بس بينزل جنط ١٧ لأ ده كمان بتنزل معاه عفشة sport tuning بس للأسف الكلام ده بيوطى العربية و بيبقى صعب قوى فى شوارع المحروسة و بيحسسك بكل النقر و المطبات فى دهرك و دماغك ده غير حك العربية من تحت فى كل مطب....أنا كمان بنصح بجنوط ١٦ لشوارع مصر
لو حضرتك تقصد الفلوانس، أعلى فئة اللى هى ب 188 ألف جنط 16........
كان فيه فئتين واحدة ب 195 ألف و واحدة 199 ألف جنط 17 و عفشة رياضية بس أتغلى الحجز عليهم و أصبحت أعلى فئة اللى ب188 ألف و دى جنطها 16 مع عفشة عادية مناسبة جدا لطرق مصر و رائعة فى أمتصاص المطبات
الكلام كله زي الفل.
انا مش قادر اصدق ان اصلا في مقارنة بعربية مبالغ جدا في سعرها (مقارنة بالاوبشنز اللي فيها) لدرجة انها بقى سعرها زي الاوروبي (اوكتافيا مثلا) ومصاريف صيانتها (زي المرسيدس)؟؟؟؟!!!!!!
هو في كده، :mahf(5):
وهو معقول اني احاول اقنع نفسي وابحث عن حجج ومبررات من هنا وهناك علشان اثبت ان الكورولا تستاهل السعر ده وتكلفة قطع الغيار دي؟؟؟؟
انا أكيد مش بفكر بالطريقة دي، وفي نفس الوقت انا مش ضد الكورولا، بس متهيألي ان كل هذه المجادلة والنقاش سيزول لصالح الكورولا لو ان سعرها نزل 20 او 25 الف وكمان سعر قطع الغيار يبقى في نفس رينج باقي الياباني زي المازدا والهوندا واللانسر..... لكن تقول لي فانوس ب 5225 علشان العربية مش منتشرة ولما تبقى تنتشر ان شاء الله نبقى نراجع اسعار قطع الغيار!!!!!!
ده على اساس اني بشتري توك توك تايواني مثلا من شارع الجمهورية والمستورد لسه بيجرب السوق!!!
للأسف، سوء إدارة وفكر تسويقي سيؤدي حتما لخلل في سوق الكورولا
فلوانس تكسب يا بتوع المدارس يا متعلمين
وشكرا
محتاج اصحح لحضرتك بعض المعلومات الى حضرتك قولتها للمتعلمين بتوع المدارس:
1.انا عاوز حضرتك تصدق ان فعلا فيه مقارنة لأن العربية مش مبالغ في سعرها زى ما بتقول بالنسبة للاوبشنز
http://www.nilemotors.net/Nile/380276-2014.html
2.سعرها مش زى الاوروبي خالص و جبت مثال بالاوكتافيا فحبيت اقولك سعر الهاي لاين كورولا 210 و سعر هاي لاين اوكتافيا 275 يعني فرق 65 الف تشتري بيهم عربيةفيرنا كسر زيرو ولو هنتكلم بلغة حضرتك (مقارنة بالاوبشنز) الكورولا كمالياتها اعلي وممكن تتأكد بنفسك في اللنك ده
http://www.nilemotors.net/Nile/380381-2014-2014-a.html
http://www.nilemotors.net/Nile/374651-2014.html
3.حضرتك قلت مصاريف صيانتها زي المرسيدس و الله لوهي زى المرسيدس في مصاريف الصيانة انا يزيد اقتناعي لان المرسيدس معروفة ان مصاريف صيانتها قليلة جدا و اللي يعرف الكلام ده الناس اللي راكبينها.
علي العموم جدول الصيانة و اسعار قطع الغيار معايا و مقارنة بالكورى مش هقولك الهوندا مثلا لا الهيونداي و الشفروليه ارخص.
4. اه الكورولا تستاهل السعر ده مقارنة بسعر العربيات دلوقتي و اديك شوية امثلة يمكن تكون مش متابع الاسعار الجديدة:
شيفروليه كروز 160
فورد فوكس 210
جولف 255
جيتا 245
سيفيك 215
النترا 180
كارينز 220
سيراتو 199
5. انا مش عارف سعر الفانوس ده جبتو منين بصراحة؟؟ انا رحت ابورواش و سئلتهم قالولي لسة معندناش ستوك هنقولك السعر ازاي !!!
وقالي ان الدفعة اللي هتوصل قبل العيد هيجي فيها الستوك الاول و هنبقي نحدد السعر .
وقالي كمان مستحيل السعر اللي بتقولو ده لانه مبالغ فيه.
انا برضو مسكتش و كلمت فرع العباسية و كام موزع معتمد كلهم اكدولي ان لسة مجاش هنحدد سعره علي اساس ايييه؟؟
وبعدين انا معايا موديل 2011 و اسعار قطع الغيار بدون مبالغة ارخص من الشيفروليه و من الهيونداي و لو حايب اكتبلك سعر كام قطعة ممكن اكتبهم لحضرتك و للسادة الافاضل المتعلمين بتوع المدارس اللي حضرتك نوهت عنهم.
تقبلو تحياتي
والله انا ماكانش قصدي استفزك ب إفييه "بتوع المدارس المتعلمين" أنا مش عارف انت خدت الموضوع على صدرك أكنه شتيمه لا سمح الله... فين حس الفكاهة يا سيد؟ :)
انا بالفعل متابع اغلب اللينكات اللي انت اشرت ليها، والغريبة انها بتأكد وجهة نظري واللي هي واضح انها عكس وجهة نظرك!!!!
الموضوع مطروح للناس لتعم الفائدة للقرار المناسب لاحتياجات كل شخص مقارنة بالماديات مش لإثبات مين البريمو.
الخلاصة بعد مراجعة كل اللينكات....
الكورولا سعرها مبالغ فيه... اوكتافيا A7 ب220 الف
ق. الغيار: الاسعار المذكورة في الينكات (اللي انت اشرت ليها) اسعار التوكيل والواضح انها فعلا أغلى من المرسيدس (مش تريقة) ,, على فكرة ق. الغيار دي اسعارها من التوكيل في التجمع. اكيد ما هياش افتكاسات يعني
وسيبك من جدول الصيانات، ركز في اسعار ق. الغيار (يعني مثلا برابريز، فانوس، رفرف، تيل... ) مش زيت وفلتر وبس
على فكرة يا رجالة... انا خلصت في آخر حتة فلوانس (موكا) من محمد زكي. تسليم فوري.
ومبدئيا لغاية لما التقرير يجهز....
انا اكتشفت ان فيها Xenon Auto Adjust اول لما بتدور العربية تروح مظبطة ارتفاع وزوايا الزينون اوتوماتيك (زي بالظبط الرسيدس C 240 )
الف مبروك يا باشا علي العربية و ربنا يكفيك شرها.
بس انا مخدتش الموضوع علي صدرى خالص انا بوضح ان السعر مش غالي مقارنة بالاوكتافيا الفئة الاولي اوتوماتك ب 230 الف و الهاي لاين 290 الف اما الكورولا الفئة الاولي الفرش 175 و الهاي لاين 210 يبقي ازاى مبالغ فية.
بخصوص قطع الغيار انا كلمت كل الفروع و قالو لي ان الاسعار دى مش حقيقية و مفيش اي تسعير حتي الان و حضرتك ممكن تكلمهم بنفسك لان هو ده اكتر مصدر موثوق منه.
أنا كان نفسي الفلونس تنزل ب ESP... كان ساعتها حتبقي فعلا سيارة تحفة و كاملة متكاملة....أنا مش عارف الوكيل ليه تنازل عن حاجة زي دي.... ....طالما هي عربية أوروبي يبقي لازم تنزل بال ESP إلا لو الوكيل إسترخص
و أدي رابط جميع إختبارات السيارات بما فيها الفلونس و الكورولا
http://www.euroncap.com/results/escperf.aspx
الفلونس واخدة 4 نجوم ....رغم وجود ESP فيها
http://www.euroncap.com/results/rena...1-b37f9369f2f7
و الكورولا 2014 واخدة 5 نجوم
http://www.euroncap.com/results/toyo...sedan/526.aspx
طالما بنمدح في مميزات اﻷوروبي.... باب تقيل...صاج محمل....ثبات و أمان عالي.... و أجي في اﻷخر أتنازل عن واحد من أهم أنظمة اﻷمان و الثبات في الحالات الحرجة
و ما أكثر الحالات الحرجة في الشارع المصري. ....تاكسيات....ميكروباصات....تك اتك....و كل ده تلاقيه وقف قدامك مرة واحدة.....أو إترمي قدامك مرة واحدة.....هنا يظهر دور ال ESP و يحافظ عليك و علي عربيتك اللي كلها أوبشن و دافع فيها دم قلبك.
ما ينفعش أدور علي كماليات و أسيب اﻷساسيات اللي مفيهاش هزار....
صحيح حتتمتع بالكماليات.....بس لو اﻷساسيات قصرت معاك لا قدر الله حتزعل جامد و الكماليات حتروح قبل اﻷساسيات.
القصد هو إيضاح جميع النقاط و أهميتها و خطورتها علشان الواحد لما يأخذ قرار الشراء يبقي علي نور.
و الله المستعان و عليه التوكل في موضوع الشراء.
تحياتي
لو حضرتك تعمقت فى أختبار الأمان هتلاقى أن الفلوانس نقصت علشان واحد من الأيرباج أتأخر ثوانى على ما فتح و مش علشان هى أقل أمانا و كانوا المفروض يعيدوا الأختبار بس مش هى دى النقطة لأنى أثق فى الأوروبي ككل و الرينو خصوصا
كلام حضرتك مظبوط و الESP مهم و جميل و لو أن غالبيتنا هنا مسمعوش عنه غير من قريب....كام مالك للأوكتافيا و لا الباسات و لا الجيتا و لا الميجان و لا الأوروبي عامة سمعته مقلق من عربيته قبل كده.....الأجابة لا يوجد
فرامل أربع ديسكات مهواه أقطار كبيرة مع abs و ebd و ba الكلام ده نازل فى الميجان من ٢٠٠٥ أيام ما كانت عربيات أسيوى كتيره بتزحف كذا متر علشان تفرمل !!!!!!
عايز ثبات أركب أوروبى....كلمة طول عمرنا بنسمعها فى السوق مفهمتهاش إلا لما ركبت جيتا و أوكتافيا و ميجان
هل معنى كده أن ال ESC مش مهم و لا مش مطلوب....طبعا لأ مطلوب و مهم و كل حاجه و كلما زاد الأمان كلما كان أفضل
لكن و ألف لكن: هل ممكن أسيب عربية أوروبى متروسة كماليات ثابتة نفسها من ٤ سنين فى الأمان و الرفاهية و الثبات و الأعتمادية و أروح لمدرسة تانية فى التصنيع الاسيوى مكنش الثبات من ضمن أولوياتها طول تاريخها و موديلاتهم خير شاهد على ذلك أضافوا فى الموديل الجديد VSC ....أقوم أنا سايب كل شىء و أغير رأى علشان ال VSC ....أنا شخصيا مش شايف كده...يمكن غيرى طبعا يشوفه تمام
بس دعونا نسأل سؤال بزاوية تانية: لو عرفنا أن موديل الألنترا الحالى نزل ب Esc ....هل هننسي أن الألنترا طول عمرها بتعوم من ورا علشان المساعدين الطرية و نسيب عربية أوروبى و نشترى ألنترا مع كامل الأحترام.....
أنا لا أعيب أبدا فى الكورولا...بالعكس شايف تطور كبير للأحسن و كماليات أول مره تنافس بيها الأوروبي و هى اللى طول عمرها شحيحة فى كمالياتها و لا تميل إلى تغيير الشكل...و لكن كثبات مقارنة بالأوروبى هتكون عاملة أيه؟؟؟؟؟؟
ده مربط الفرس....لو حد من ملاكها قدر يجزم أن ثباتها على السرعات و فى المناورات قدر ينافس الأوروبي و كمان نازله بVSC ....فأن ثبت هذا هكون أول واحد يقول تبا للفلوانس اللى منغير esc و مرحباً بالكورولا اللى ب VSC
تحياتي ليك يا باشا.
انا حبيت جدا طريقة عرض حضرتك انك جبت امثلة من ال euroncap انا بصراحة دورت في ال iihs بس ملقتش الرينوه عشان اقدر اقارن، بس بما ان حضرتك جبت المقارنة فحبيت اوضح نقطتين
1. الفلوانس واخدة 84% في اختبار سافتي اسيست بمجموع 6 نقات من اصلهم 3 نقاط عشان فيها esp و ده مش متواجد في النسخة المصرية و نفس الكلام الكوروﻻ في نفس النقظة مش واخدة اى تقييم عشان مفيهاش سبيد اسيستانس سيستم لكن في النسخة المصرية فيها اللي هو السبيد ليميت او مثبت السرعة و كده كمان الكوروﻻ تكون قالة نقطة.
2.اختبار التصادم rear impact )whiplash( حصل علي marginal رغم انه مخصص للحركة في 4 اتجاهات لامتص2اص الصدمات
اما في الكورولا حصل علي تقييم اعلي درجتين good في نفس الاختبار و بالمناسبة الكوروﻻ فيها تحكم في 4 اتجاهات لامتصاص الصدمات برضو و لكنه نجح عن اللى موجود في الفلوانس.
تحياتي و احنا برضو بنتناقش بمنتهي الحيادية و الاحترام عشان كلنا نستفيد وتقبلو تحياتي
يا جماعه انا ملاحظ ان الكل بيتكلم عن الفئات العليه سواء عن الفلوانس او الكرولا طب انا نويت ان شاء الله اشتري الفلوانس اول فئاه وانا تقريبا قد قرات كل منتيات الفلوانس لدرجه اني ادمنتها ولكن حتي الان لا علم الكثير عن اول فئاه لان الكلام عنهاقليل فمن فضلكو لو عندكو معلومات عنها من حيث (السعر والامكانيات من الداخل والفتيس من حيث نقلاته وما هو الفارق بين الفئات الثلاث الاولا )لان الفرق في السعر ميش شويه بين الفئات وهل تنصحوني باول فئاه هذه ولكم جزيل الشكر
اول فئه مانيوال للاسف الوكيل مبينزلهاش في مصر . تاني فئه اللي هيه اول فئه اتوماتيك ناقصه كماليات كتير جدا عن تاني فئه وفرق السعر بينهم مش كبير وعشان كده الناس بتختار تاني فئه اتوماتيك e3 وتقدر تدخل رينو مصر وتشوف المقارنه بينهم وتقرر بعدها علي حسب احتياجك ومبروك مقدما . موقع المقارنه Renault - equipment
متابع