عرض للطباعة
السلام عليكم
حبايبي اعضاء نايل موتورز
عايز رايكو ضروري جدا
انا كنت حجزت i10 ولغيت الحجز غصب عني رغم اقتناعي بالعربية جدااا
سبب الغاء الحجز ان تنسيقي جه علي جامعة بنها فتقريبا مشواري كل يوم رايح جاي 110 كيلو
هل فعلا ال 1100 cc
مش هتستحمل المشوار ده كل يوم؟؟؟
ياريت يا جماعة تدوني رايكم علشان موضوع الغاء الحجز مضايقني جدا
اخوكم
يوسف مصطفي
يعنى ايه مش هاتستحمل ماهو موتور زى اى موتور عادى جدا بس المهم ماتقرص عليه وهايبقى زى الفل معاك و كمان هاتكون موفره معاك فى النزين غلط اللى انت عملته ده
والله يا باشا انا معملتش كده غير لما الناس خنقوني من ال 1100اقتباس:
المشاركة الأصلية كتبت بواسطة ahmedcar
حسسوني انها كتعة
هيه هاتكون كتعه ساعت لما تحمل فيها و تشغل التكييف غير كده عادى ثم باين من كلامك انك هاتركبها لوحدك و كمان مشوارك هايكون مشوار طوالى يعنى العربيه هاتكون مستريحه
طيب ماتزود شويه و تجيب فرنا 1600 هاف اوبشن ب 65 الف
ياريت يا جماعة اللي معاه عربية 1100
يهتم بالموضوع ويرد عليا
عمر المحرك يتناسب مع حجمه, بمعنى أخر, كلما كان المحرك صغيرا, كلما كان عمره الافتراضى أقصر و العكس.
ده الى جانب طبعا انو هيونداى محركاتها غير معمرة بطبيعتها, لكن السيارة غالبا هتقضى أول سنة أو اتنين مش بطال, لكن هتدخل فى حاجات كتيرة بعد كده خصوصا انو هيونداى بتقدم بسرعة.
يا باشا انا كنت حاجز الفول اوبشن ب 68.5اقتباس:
المشاركة الأصلية كتبت بواسطة ahmedcar
ودلوقتي بفكر في الفيفا الفول اوبشن ايه رايك
شوف هو الموتور صغير شوية على السفر اليومي
العربية مش هتقول لأ في السفر بس مش هتكون
مرتاحة خصوصاً ان السفر يومي.
لو عاوز حاجة تستحمل السفر اليومي هات عربية مش
اقل من 1300 سي سي علشان الموتور يكون مستريح
خصوصاً مع تشغيل التكيف.
الفيفا حلوه بس يعبها ان الموتور اللى موجود عليها موجود من زمان يعنى من سنه 2000 بمعنى اخر تكنولوجيه قديمه شويه لكنه ماتور ممتاز اتكل على اللهاقتباس:
المشاركة الأصلية كتبت بواسطة Youssef_Mostafa
الف شكر لكل اللي اهتموا بالموضوع بجد انتوا في قمة الذوق
وفي انتظار باقي الاراء
موتور الفيفا هو نفس موتور الاكسنت الـ1500
الشكل القديم.
طب ده ايه نظامه؟اقتباس:
المشاركة الأصلية كتبت بواسطة Nader
حتى الان المتور كويس مافيهوش مشاكل و كل الناس بتعرف تصلحه لو فيه حاجه
الف شكر يا احمد باشا علي الرد
مش عارف بس حاسس انك مش مستقر على موديل معين
دايما لما بلاقي حد محتار بين موديلين بقوله رأيي ايه الاحسن في الاتنين (حتى لو الاتنين مش عاجبني) لكن هنا في حالتك بتسال عن عربية تستحمل سفر طويل
هقولك رأيي
هات أفيو
اعتقد انها عربية كويسة ومحترمة وادخل اتفرج عليها بردو وفي الرينج الي بتتكلم عنه
بص يا باشا انا مش محتار ولا حاجةاقتباس:
المشاركة الأصلية كتبت بواسطة bee
انا الاول كنت بفكر في العربيات الصغيرة واستقريت علي ال i10
انما بقي لما جه موضوع السفر قلقت من موضوع ال 1100 سي سي
وبدات افكر في فئة اعلي
ولقيت ان الفيفا انسب حاجة ليا
فرق الفين جنية بس بينها وبين الi10
وبعدين 1500 سي سي
ادي كل الحكاية
مفيش عربيه انهارده بتعمل اقل من 50 كيلو في اليوم جوه البلد لو مشاويرك متوسطه.
فيبقي 110 علي الطريق مش كتير
ال 1100 تستحمل معاك كويس اوي لكن تهتم بالصيانات و الزيوت و الفلاتر
و تتغير في مواعيدها بكده العربيه حتعيش معاك كتير .
لما كنا في الكليه كان معانا ناس معاها 128 و اونو و بولو و كلها عربيات
1000 و 1100 سي سي و العربيات كانت كويسه و حالتها حلوه و كل يوم مشوارنا مش اقل من 60 او 70 كم.
اللي يبهدل العربيه الخبطات لا قدر الله و قله الاهتمام.
طبعا كل ما العربيه كبرت كل ما تستحمل اكتر و عمرها الافتراضي اعلي
لكن برضه لو حافظت علي الصيانات و ما حاولتش تهلك العربيه حتبقي كويسه معاك
اقتباس:
المشاركة الأصلية كتبت بواسطة hazem_khidr
شكرا يا باشا علي ردك الوافي
انت دلوقتي رايك ايه؟
افكر في الفيفا ولا في ال i10 (مرتحلها جدا)؟
بص يا يوسف
حقولك حاجه
اركب العربيه اللي انت ترتاح لها و حبك للعربيه و محافظتك عليها حيخليها تعيش معاك.
استخير ربنا و ان شاء الله توصل للاختيار الامثل
الف شكر يا حازم علي ردك واهتمامكاقتباس:
المشاركة الأصلية كتبت بواسطة hazem_khidr
انا مع راى الافيو هتستحمل معاك