ربنا يطمنكم...
أنا عامل 51000 كم و لسه مغيرتش التيل و مفيش تصفير...
بس السؤال , ده ممكن ياكل فى الطنابير ولا لأ؟!!
عرض للطباعة
ربنا يطمنكم...
أنا عامل 51000 كم و لسه مغيرتش التيل و مفيش تصفير...
بس السؤال , ده ممكن ياكل فى الطنابير ولا لأ؟!!
التيل الاصلي مش بيتكرر
بشري لكل عملاء العدوي المنصوره
لسه فاصلين مهندس استقبال من كام يوم كده لسوء سلوكه وانه كان بيستغل العملاء
خبرتي بصراحه مع العدوي زي الزفت
انا في صيانه ال 15 الف كنت بشتكي من صفير مستمر مع الفرامل وفي الصيانه قلتله الفرامل وحشه جدا . شوفلي حل حتي لو الحل اني اغير الكاوتش مفيش مشكله
طلع التقرير زي الفل والتيل ميه ميه ياباشا . يخوانا الفرامل زفت . رحت كشفت عليها بره . قالي ياباشا التيل في الطراوه وبدا يعمل شفه في الطنابير . الكلام ده بعد اسبوعين بالظبط من صيانه العدوي
وفعلا شال التيل وشوفته ضايع خالص وقالي كمان ان زيت الفرامل كان مستواه نزل . المهم غيرت بتيل ريمسا . فرق تاني خالص بصراحه في الفرامل
في صيانه العشرين الف من اسبوعين بقي شافوا التيل طبعا بيقولي وحش وناشف وخلي بالك هياكل الطنابير وهيبوظ الدنيا وعاوزين نغيره . قلت له لاااااااااااااااء طبعا
أزمه ثقه يخوانا
التوكيل بيحب يغير الحاجه بدري عشان يكسب من قطع الغيار و المصنعية.
أنا من 20 ألف كيلو وأنا بعمل الصيانة المهندس كلمني و قال لي العربية عاوزة تيل و طنابير .. قلت له لأ سيبهم .. و ماشي عليهم 20 ألف كيلو من ساعتها ولا ريجة ولا صفارة ولا أي حاجه.
للأسف في ناس بتسمع كلام التوكيل في كل حاجه
ده ميمنعش ان في حاجات لازم تغيرها في ميعادها أو قبل ميعادها (Preventive maintenance).. زي زيت الفتيس و سير الكاتينة .. دول مافيهومش هزار.
انا شايف ان التيل مش بيتغير على الكلم
لا المفروض انه يتغير لما يخلص خالص
لان انا دوستى على الفرامل غير دوستك
وكل واحد مختلف فى سواقته عن التانى
انا مثلا سرعات عالية وفرامل على طول وفى الاغلب بتبقى فرامل شديدة
وغيرت التيل على 40000 وكان على اخره
وفى ناس تانية سواقتها هادية ومش بتحتاج الفرامل كتير
اعتقد دا التيل بيقعد معاه فترة اطول
المهم اننا مانخليش التوكيل ينصب علينا
ويغير التيل وهو يمشيك فترة كمان
لو قالك عايز يتغير تبص عليه الاول وشوف اذا كان خالصان ولا لا
لان هو طبعا مكسبه الاكبر فى قطع الغيار والصيانة
لسه متخانق مع توكيل تويوتا بسبب انهم غيروا التيل وجيت اشوفه لقيت لسه فيه كتير
هبقى اصوره وابعتهلكم
ومن الاخر انا ما بثقش في كلام اي توكيل فيما يخص عمر التيل
والتغيير المفروض لما يوصل سمك معين بس هما شغالين بالفهلوه
60 ولسة مغيرتش التيل فى صيانة ال 55 التوكيل نصحنى بتغيره بس انا طنشت