الموضوع: ايه اسعار هيونداى الخزعبلية دى العملية بقت بزيادة اوى

المشاركة الأصلية كتبت بواسطة leitosr

بالنسبة لموضوع قطع الغيار أنا لسه قايل إن الكوري مبقاش زي زمان أه وبقي أحسن عن زمان ممكن أتفق مع أي حد في دي,,
يعني في الأعتمادية بقي أحسن من زمان كتير,, دي مفيش جدال عليها.
لكن لما تلاقي العربيات الكوري في الحوادث بتطلع معجونة,,
والأوروبي في حوادثها مش بتلاقي أي حاحة وصلت للكابينة,,
من هنا بقول أنو لحد دلوقتي الكوري موصلش لدرجة الأمان والتكنولوجيا اللي في العربيات الأوروبي,,

يعني عشان بقي تلاقي عربية زي الالنترا مكنش بينزل فيها أيموبلايزر غير في النسخة ال fully loaded اللي معدية ١٥٠ ألف كلام ميرضيش حد.
ولما تلاقي مثلاً لحد انهارده عربيات بينزل فيها أير باج وحدة بس والتانية أوبشن.!
وعربيات تانية مش بينزل فيها فرامل abs في كل فئاتها إلا في الهاي لاين, وبيكون سعرها قرب من عربية أوروبي محترمة ركوبة وأمان.

عندك كمثال تاني البيجو ٣٠١ مانيوال أول فئة ب ١٠٧ ألف,, عربية أقتصادية
نازل فيها ٢ أيرباج وفرامل abs+ebd وأيموبلايزر,,

بالنسبة للفيات الجديد مش هقدر أفتي فيه عشان مجربتوش ومش مع حد اعرفه,,
والرينو لو أتعملها صيانتها في معادها هتعيش ومهياش غالية زي ما بيتقال عليها.
وأي عربية لو حصل فيها أهمال هتفتح بقها.


نفس الكلام مع باقي العربيات ال

طبعا مسألة الأمان لا يزال الأوربي متفوق وحاطط حدود دنيا محدش يقدر ينزل عنها، ودة تقريبا اللي بيضيع ميزة الـ 10% الخصم الجمركي علي الأوربي ... وكمان لازم تحسب فارق تكلفة النقل من شرق أسيا والتأمين علي الشحنات

كمان تكنولوجيا أعلي تعني عامل ومعدات صيانة مصروف عليهم اكتر في التكاليف الثابتة للتوكيلات ومراكز الصيانة ... صدقني هي محسوبة بالشعرة لو حسبت علي عمر افتراضي 10 سنوات من الإستخدام

وتيجي بقي أخر نقطة وهي ان اصحاب التوكيلات أغلبهم رجال اعمال مرضي عنهم من فوق ... وبلاش ندخل في السياسة والبيزنيس علشان هنفتح موضوع طويل، بس معلومة كدة عالماشي، هل تعلم ان موضوع استيراد عربية مستعملة من الخارج انت مش مالكها الأول اتغير مخصوص علشان وجية أباظة ؟

المشاركة الأصلية كتبت بواسطة leitosr

بالنسبة لموضوع قطع الغيار أنا لسه قايل إن الكوري مبقاش زي زمان أه وبقي أحسن عن زمان ممكن أتفق مع أي حد في دي,,
يعني في الأعتمادية بقي أحسن من زمان كتير,, دي مفيش جدال عليها.
لكن لما تلاقي العربيات الكوري في الحوادث بتطلع معجونة,,
والأوروبي في حوادثها مش بتلاقي أي حاحة وصلت للكابينة,,
من هنا بقول أنو لحد دلوقتي الكوري موصلش لدرجة الأمان والتكنولوجيا اللي في العربيات الأوروبي,,

يعني عشان بقي تلاقي عربية زي الالنترا مكنش بينزل فيها أيموبلايزر غير في النسخة ال fully loaded اللي معدية ١٥٠ ألف كلام ميرضيش حد.
ولما تلاقي مثلاً لحد انهارده عربيات بينزل فيها أير باج وحدة بس والتانية أوبشن.!
وعربيات تانية مش بينزل فيها فرامل abs في كل فئاتها إلا في الهاي لاين,!!!
وبيكون سعرها قرب من عربية أوروبي محترمة ركوبة وأمان.

عندك كمثال تاني البيجو ٣٠١ مانيوال أول فئة ب ١٠٧ ألف,,
عربية أقتصادية بس هتلاقي نازل فيها ٢ أيرباج وفرامل abs+ebd وأيموبلايزر,,
أيه الكلام بقي.؟؟ :-)


بالنسبة للفيات الجديد مش هقدر أفتي فيه عشان مجربتوش ومش مع حد اعرفه,,
والرينو وباقي الاوروبي عموماً لو أتعملها صيانتها في معادها هتعيش ومهياش غالية زي ما بيتقال عليها.
لأن مع أسعار الكوري الجديدة كله بقي محصل بعضه.!!

وأي عربية سواء أوروبي او كوري أو صيني لو حصل فيها أهمال هتفتح بقها.

بس خلى بالك انتا بتقارن الاوربى بالكورى اللى فى مصر وده غلط مع احترامى
الاوربى زى ما بينزل في بلاده بينزل في مصر وان حصل اختلاف بيحصل فى الاوبشنز
على خلاف الكورى بينزل متغير علشان يناسب مصر يعنى الار بى او الالنترا اللى بتزل مصر بتنزل مختلفة فى الموتور ( تخيل بقى ) ومختلفة فى الاوبشنز ووسائل الامان يعنى كانها عربية تانية غير الاصليه كل التشابة بين اللى بتنزل مصر واللى بتنزل بره فى البودى بس

المشاركة الأصلية كتبت بواسطة leitosr

لا معلومة جديدة عليا, ومش فاهمها كويس,
ياريت توضحها لي.

في اواخر السبعينات كان في تجار بينزلوا الـ 504 مستعملة من أوربا تقريبا بنص سعرها في السوق المصري وكسبوا منها كتير خاصة ان كان خلاص انتاجها في أوربا انتهي وبدأت الـ 505، غير ان في دول في أوربا مكانتش بترخص العربيات اكتر من 10 سنين تقريبا، فبعد شكاوي من وجية اباظة تم وضع حد لموضوع الموديل والمالك الأول وقفلوا تماما القصة دية ... المعلومة دية من واحد صديق والدي كان بيجيب البيجو من فرنسا والنمسا وقتها والبيزنيس بتاعة باظ بسبب دة

المشاركة الأصلية كتبت بواسطة ahmed travco

الموضوع ده قتل بحثا بس أحب أقولك ان مفيش فايدة!!! احنا هنفضل نشتري سيراتو والنترا وأكسنت حتى لو بقوا بنص مليون!!!

بس العجيب هنا ان ناس كتير بيهاجموا عربية زي الشارك الفاضية اللي هي أول فئة وبيقولوا ما ندفعش 133000 في عربية بلا أوبشنز... في حين ان حضرتك بتقول ان الأكسنت -حتى مش الالنترا على الأقل- بتبدأ فاضية من 128000!!!! يا للهول... يعني تركب أكسنت عبارة عن كيس هوا متحرك وضيقة جدا ومراجيح مولد سيدي العريان بمجرد ما توصل السرعة لـ100 وفوق كل ده فاضية، وتسيب الشارك اللي هيه فاضية برضه -وانا دايما مش برشح لحد يجيبها علشان كده- بس على الأقل فئة تانية خالص... اوسع واقوى واثبت بفرق خيالي وعفشة مالتي لينك وكل حاجة!!
وتسيب الامبريزا اللي اعلى حاجة فيها بـ185000 علشان تركب سيراتو بـ200000!!! ثم تطلع للفئات الأعلى بنفس الاستهبال وصولا الى الطامة الكبرى في الفئات الفاخرة وتشتري الجينيسس بمليون وربع وتسيبك بقى من الجاجوارxj وتسيبك كمان من المرسيدس s-class ومن البي إم الفئة السابعة!!!! مع احترامي الشديد للجينيسس اللي بعشقها... بس مش كده يعني ده احنا هيجيلنا تخلف يا جماعة!!! الله يخرب بيت دي بلد!!

كلام سليم + التخلف موجود أصلا بس المشكلة أنه بيزيد وبيعدي والناس هتفضل تشتري النترا وسيراتو ولو وصلت ل 300 الف