مساعدة في زيوت الشاهين

**kimoroad** · 13-11-2013 09:47 PM

انا الحمد لله من اللحظة دي معايا الشاهين 95 و الحمد لله خلصتها بعد محاولات شهر و نص و الحمد لله ربنا وفقني
بس انا بكرة ان شاء الله هغير زيت ...
مش عارف أغير زيت ايه للكارونة و زيت ايه للموتور و يت ايه للفتيس
و الصراحة اهم حاجة عندي الكارونة و الموتور
و الموتور 1300 و الصراحة معرفش بياخد بردو كام لتر او كام كيلو
اسف علي الاطاله بس فعلا دي بالنسبالي مشكلة

**hugan** · 13-11-2013 09:50 PM

الماتور
بحط زيت موبيل xhp
الفتيس والكارونه نزلهم وغير ليهم زيت في شيل او موبيل
الكميه 4لتر

**hugan** · 13-11-2013 10:03 PM

المشاركة الأصلية كتبت بواسطة kimoroad

شكرا علي ردك يا فندم
بس زيت الموتور موبيل xhp ال هو كام كيلو تقصد حضرتك ال 3000
و بالنسبة للكارونة و الفتيس في نوع محدد و يكون الافضل ولا هو كلو نوع واحد و مفيش فرق

بالضبط كده
3000 كيلو
الفتيس والكارونه في منه نوعين لكن مش متذكر الرقم
النوع الاول الزيت الخفيف
وده المستخدم في كل العربيات
قديم وجديد
الثاني تقيل
بيكون للكارونه والفتيس الخفيف

**hugan** · 14-11-2013 12:52 AM

المشاركة الأصلية كتبت بواسطة kimoroad

بعد اذن حضرتك
الكاوتش ال في العربية الاتنين ال قدام 175/70 و ال ورا 165
والحمد لله الاتنين ال قدام جداد ال ورا ممكن نقول 70 %
فحضرتك تنصحني اني اجيب اتنين 175/70 للورا و ايه السبب
ولو مشيت علي الوضع ده في مشلكة ولا لا
و شكرا ...

انسب مقاس للشاهين والافضل 185/70 /13
بيدي ثبات افضل من المقاسات الصغيره
المفترض ان اختلاف المقاسات بيلغبط زوايا العربيه لاختلاف الارتفاع
لكن في حاله الشاهين اظن تمشي طالما الاثنين الخلفي نفس المقاس لاءن الشاهين مالهاش زوايا خلفي
لو هاتغير هاتضطر اسقا انك تجيب نفس مقاس العجل الامامي
لكن لو هاتغير الا4 فرد يفضل المقاس اللي قولت عليه

**hugan** · 15-11-2013 01:51 AM

المشاركة الأصلية كتبت بواسطة kimoroad

الحمد لله غيرت زيت الموتور و الفتيس و الكارونة و كلهم موبيل
الموتور . موبيل الابيض 1500 و ان شاء الله بعد ال 1500 لقيته نزل تمام و مفيش اي مشاكل يبقي بعد كدة ال 3000
الفتيس . موبيل 90 و تقريبا كان 85w 90
الكارونة . موبيل 140 و كان 85w140
و الصراحة قالي 140 افضل للكارونة عشان لو في خشونة او حاجة يقدر يساعد
و الفتيس أخد 1.5 و الكارونة خدت 1.5 و الموتور أخد 3.5
كدة مقبول ولا في افضل من كدة ؟

تمام الله ينور
العربيه اخدت 3/5 لانك اكيد ماغيرتش فلتر
لو غيرت الفلتر مع الزيت بتاخد 4 لتر
موضوع زيت الكارونه
لو الكارونه فيها خشونه او ونه خفيفه بتحط الزيت التقيل
لو سليمه بتحط الزيت الخفيف

**hugan** · 15-11-2013 02:14 AM

المشاركة الأصلية كتبت بواسطة kimoroad

هي الحمد لله مفهاش اي حاجو ولا حتي تعريق ... هو كدة ال 140 يعمل ضرر
و احنا بنغير الزيت فوولت العربية و بعديت لقيته بيقولي ألحق العربية عمالة تنزل بنزين من الشنطة روحت فتحت الشنطة لقيت العوامة عمالة تنزل في بنزين و تقريبا الكوعة النحاس ال فيها خرطوم البنزين الكوعة نفسها اتخرمت ف انا ان شاء الله هجيب عوامة كاملة يوم السبت ان شاء الله
بعد ما نزل زيت الفتيس قالي كلمة بحاول افتكرها اول مرة اسمها الصراحة وقالي بص و قعد يحرك فيه بعد ما نزل الزيت القديم تقريبا قالي ده فاتر او كلمة كدة مش فاكرها و بردو معرفش كان يقصد ايه بس مش مهم لأنه اتغير
انا طوولت عليك أوي اسف علي الاطاله

ماتاخدش في بالك
حافظ علي تغير زيت الكارونه والفتييس من 25000 الي 30000 كيلو
طبيعي ان زيت الكارونه والفتيس بفقد خواصه مع الاستخدام لفترات طويله
اللي اعرفه ان الزيت التقيل بيكون حمل زياده علي التروس بتاعت الكارونه لو سليمه
لو حصل ضعف في قوه التروس بيتغير بالزيت التقيل علشان يعوض الفاقد في تاكل التروس
عموما الواجب تاخد العربيه لميكانكيي
لو هاتغير فلاتر وبوجيهات
وتشوف سير الكاتينه وسير الدينامو لو محتاجيين تغيررخصوصا سير الكاتينه شيء في غايه الاهميه
وما ينفعش تسيبه او تهمل في تغييره كل 40000
لاءن لاقدر الله لو اتقطع اضراره كبيره علي العربيه
وهايدخلك في شغلانه انت في غني عنها

الموضوع: مساعدة في زيوت الشاهين

LinkBack

أدوات الموضوع

عرض

-

-

-

-

-

المواضيع المتشابهه

مساعدة فى الشاهين

مساعدة في الشاهين

مساعدة عاجلة بخصوص الشاهين

ممكن مساعدة من ملاك الشاهين(:(:

محتاج مساعدة.... عايز أسعر الشاهين دى .....

الكلمات الدلالية لهذا الموضوع

المفضلات

المفضلات

ضوابط المشاركة