اتظبط العداد ..العربيه بقت صاروخ

**elandlos** · 14-11-2013 06:54 AM

طبعا العنوان ملفت للنظر ويدعو فضول كل وحد للدخول للموضوع
الحكايه انى رحت لأخصائى تصليح عدادات كم لأن العداد كان واقف مبيعدش كيلومترات
فعلا بفضل الله ودعوات الوالدين مع شوية امير وصيانه اشتغل العداد وعد المسافات بانتظام
لكن الصنايعى لعب فى المؤشر بتاع السرعه عمل له ترحيل خفيف بادعاء انه كان مأخر وده غلط لأنه بيعرض صاحب العربيه للتصوير بالرادار
فاصبحت السرعه اللى كنت بامشى عليها على الرابع زمان 40 كم عند 2000 لفه اصبحت 80 كم عند نفس عدد اللفات للموتور وهكذا ..
بصراحه هى اشتغاله لكنى صدقتها وتعايشت معها
السؤال .. الكلام ده فيه غلط او اى مشاكل

**أحمد جودة** · 14-11-2013 07:45 AM

من الناحية النظرية مفيهوش غلط

بس اكيد كل واحد فينا بيحب يمشي بعربيته مظبوطة
ومؤشر السرعة مهم جدا لو مسافر على طريق فيه رادار مش هتعرف تظبط سرعتك كويس .... وكمان والله اعلم اذا كان دة لية تأثير على عداد الكيلو مترات ولا لاء (( يعني ممكن يعد كيلوهات وهمية )) الله اعلم

**أحمد جودة** · 14-11-2013 10:11 AM

المشاركة الأصلية كتبت بواسطة elandlos

لالا مش هيعد كليوهات وهميه ولا حاجه
وليس له علاقه بكفاءة العربيه ومحركها
كل الحكايه ان العداد بيشتغل سائق العربيه ... او بيريحه نفسيا
الصنايعى عنده موتور كهربى بيعاير بيه كل عدادات السرعه للسيارات التى يصلحها بهذه الطريقه
على اى حال هيبان معايا على الطريق الطوالى

كلام جميل ......... بس أنا شايف اشتغاله مؤشر السرعة مش حاجة بسيطة

وخصوصا لو افترضنا ان اللى بيسوق مبتدأ ومعندوش عداد rpm ومش معتمد على صوت الموتور

ناس كتير بتغير النقلات من الاول للتاني لثالث وهكذا وبتعتمد على مؤشر السرعة

تقبل تحياتي

**Hamroosh** · 15-11-2013 07:32 AM

المشاركة الأصلية كتبت بواسطة أحمد جودة

من الناحية النظرية مفيهوش غلط

بس اكيد كل واحد فينا بيحب يمشي بعربيته مظبوطة
ومؤشر السرعة مهم جدا لو مسافر على طريق فيه رادار مش هتعرف تظبط سرعتك كويس .... وكمان والله اعلم اذا كان دة لية تأثير على عداد الكيلو مترات ولا لاء (( يعني ممكن يعد كيلوهات وهمية )) الله اعلم

كلام سليم

هو طبعا العداد مالهوش تأثير على كفاءة العربية. بس عن تجربه لما السرعة تتقاس غلط أكيد الكيلومترات هتتقاس غلط وده طبعا مش هيظبط معاك مواعيد الصيانة وتغيير الزيت وخلافه.

**elandlos** · 16-11-2013 01:25 PM

المشاركة الأصلية كتبت بواسطة hamroosh

لما السرعة تتقاس غلط أكيد الكيلومترات هتتقاس غلط وده طبعا مش هيظبط معاك مواعيد الصيانة وتغيير الزيت وخلافه.

كلام حضرتك غير دقيق
لاعلاقة بين سرعة السياره وعداد الـ كم
حيث ان الثانى يخضع فى نظرية عمله لمجموعة تروس مرتبطه بالسرعه عبر واير السرعه القادم من صندوق التروس بينها نسبة تخفيض
فاطمئن لاعلاقة بين الاثنين بدليل ان واحد كان عطلان عندى وهو الـ كم والثانى وهو السرعه كان شغال تمام
على اى حال انا مستريح للوضع الجديد لأنه اعطانى هدوء اكثر فى القياده وراحه للعربيه واقتصاد فى استهلاك البنزين حيث اننى قطعت مسافة 220 كم طوالى بكمية بنزين 12 لتر

**المنسي** · 16-11-2013 02:13 PM

المشاركة الأصلية كتبت بواسطة elandlos

كلام حضرتك غير دقيق
لاعلاقة بين سرعة السياره وعداد الـ كم
حيث ان الثانى يخضع فى نظرية عمله لمجموعة تروس مرتبطه بالسرعه عبر واير السرعه القادم من صندوق التروس بينها نسبة تخفيض
فاطمئن لاعلاقة بين الاثنين بدليل ان واحد كان عطلان عندى وهو الـ كم والثانى وهو السرعه كان شغال تمام
على اى حال انا مستريح للوضع الجديد لأنه اعطانى هدوء اكثر فى القياده وراحه للعربيه واقتصاد فى استهلاك البنزين حيث اننى قطعت مسافة 220 كم طوالى بكمية بنزين 12 لتر

يعنى كده لتر البنزين بيعمل 18.33333333 طيب ازااااااااااااااااااااااا اااااااااى

**المنسي** · 19-11-2013 08:24 PM

المشاركة الأصلية كتبت بواسطة elandlos

الاخ الفضل ....
ماوجه الغرابه
البنزينه جنب البيت وانا مسافر بفول وانا راجع من السفر بفول تانى ومسافة السفر معروفه وثابته
متنساش ده موتور انجكشن صغير 1300 cc وانا سواقتى عواجيزى هاديه
هل الارقام كبيره ولا صغيره مش عارف
وكمان داخل البلد حسبت 115 كم عملت معايا 9 لتر بنزين 92

انا اقصد ان اللتر البنزين فالطبيعى فالزحمة يعمل 9 كيلو متر وفى الطوالى 11 كيلو متر انما 18 كيلو متر للتر فده مش طبيعى ولما حضرتك قلت 9لتر لل 115 كيلو متر فده الطبيعى

الموضوع: اتظبط العداد ..العربيه بقت صاروخ

LinkBack

أدوات الموضوع

عرض

-

-

-

-

المواضيع المتشابهه

الحقونى يا جدعان استشاره سريعه قبل ما انزل اتظبط فى الحرفين !!

التكيييييييييييف اتظبط

يا رجالة اخيرا اتظبط استهلاك البنزين للساجا

التكييف اتظبط والحمدلله

الى اصحاب الفرنا1600 موديل 2007 هل موضوع الزوايا اتظبط فيها

الكلمات الدلالية لهذا الموضوع

المفضلات

المفضلات

ضوابط المشاركة