مشكلة في راديو النوبيرا

**ahmedsehimy** · 14-11-2013 08:45 AM

السلام عليكم

انا عندي مشكلة ظهرت فجاة من حوالي كذا شهر ان لما اشغل سخان الزجاج الخلفي الراديو بيعمل بيوش (بيعمل وشة) و صوت الراديو بيروح.

انا مغير الكاسيت بواحد jvc من اكتر من 4 سنين و المشكلة دي مكنتش موجودة خالص و ظهرت دلوقتي و كل كهربائي يقول كلام غير الاخر واحد يقولي محتاك تركب مكثف مش عارف فين وواحد يقولي المشكلة في ضفيرة معينة و انا مش مقتنع الصراحة بالعك ده ....علشان كدة قولت اتاكد منكم

ودمتم

**a7medsh3rawi** · 20-11-2013 01:53 AM

وعليكم السلام ورحمة الله
1- لو شغلت الكاسيت على حاجه غير الراديو صوت السماعات بيكون كويس؟
2- اذا كانت الاجابه ان الصوت كويس يبقى مشكلتك اما ان زرار السخان تعبان فبيعمل شرز اثناء التوصيل او فى السلك اللى رايح للسخانات قديم وحصله تآكل مع جسم العربيه فبيأثر على استقبال الراديو وبيكون جسم العربيه مصدر تشويش حاول تشوف الاماكن اللى بيتلامس فيها مع البودى وتعملها عزل .
3- اذا كانت الاجابه ان الصوت برضه بيشوش يبقى فى تلامس مع سلك من اسلاك السماعات وخصوصا ورا الكاسيت .
4- اذا كانت كل التوصيلات سليمه ومفيش اى مشاكل فى الاسلاك يبقى الحل تغيير الكاسيت بواحد جديد ويفضل الصناعه اليابانى او الالمانى.

**د محمد** · 20-11-2013 02:02 AM

شيك على السلوك ممكن سلك ملمس وان شاء الله بسيطه :b4_611:

**ahmedsehimy** · 21-11-2013 08:39 AM

المشاركة الأصلية كتبت بواسطة engonear

وعليكم السلام ورحمة الله
1- لو شغلت الكاسيت على حاجه غير الراديو صوت السماعات بيكون كويس؟
2- اذا كانت الاجابه ان الصوت كويس يبقى مشكلتك اما ان زرار السخان تعبان فبيعمل شرز اثناء التوصيل او فى السلك اللى رايح للسخانات قديم وحصله تآكل مع جسم العربيه فبيأثر على استقبال الراديو وبيكون جسم العربيه مصدر تشويش حاول تشوف الاماكن اللى بيتلامس فيها مع البودى وتعملها عزل .
3- اذا كانت الاجابه ان الصوت برضه بيشوش يبقى فى تلامس مع سلك من اسلاك السماعات وخصوصا ورا الكاسيت .
4- اذا كانت كل التوصيلات سليمه ومفيش اى مشاكل فى الاسلاك يبقى الحل تغيير الكاسيت بواحد جديد ويفضل الصناعه اليابانى او الالمانى.

شكرا يا باشا على التحليل الجميل ده هوة فعلا مش بيوش غير مع الراديو و هعمل اللي انت قولت عليه