بدورعلى سيفيك 93 برجاء المساعدة

**ooosha_14** · 15-11-2013 03:24 PM

اولا انا ليا كلمتين عارف انكم سمعتوهاكتير ودا لانكم تستهلوها فعلا انا عارف قد ايه انتوا خبرتكم فى العربيات كبيره اوى وانكم شويه ناس فى منتهى وقمة الاحترام وانا محتاج مساعدتكم بجد يمكن تكون عاديه بنسبالكم بس هي بنسبالى كان واحد شاف ابنه بعد ما كان مش موجود
انا بصراحه بدور على سيفيك 93 من زمان جدا والله اعلم بالى انا عامله فى نفسى علشان اجيب حاجه كويسه حوشت فلوس وبعت موبيل واستلفت من ناس وخدت من مصروف البيت وكله عشان اعرف اركب سيفك
انا لسه بايع عربيتي وقاعد من غير عربيه وشايف العذاب والله بس انا كنت هخلص فى واحده امبا ح بليل 93 si العربيه حالتها توهم انا سوقتها ورفعتها فى بنزينه وقبل ما ادفع الفلوس فى واحد بتاع غيار زيت قلت ادخلها جوه المحل عشان ابص عليها من تحت قبل ما اوديها البنزينه .. المهم ببص لاقيت العربيه مرشحه زيت كتير من تحت
الفار لعب فى دماغى وهلوسه غير طبيعيه قلت بس انا اوديها بنزينه وتترفع ويتكشف عليها
وبعد ما روحت العربيه طلع فيها علبه بور والسيه بيجيب زيت وقاعدت فتيس وطبه زيت عايزه تتغير وكام حاجه مش فاكره المهم
اكتشفت كمان انا معفره فى جناب الشنطه من جوه يعني تقريبا واخده خبطه بس هو مش عايز يقول وعايز فيها 54 الف وانا زي العبيط عايز اركبها وخلاص وفى لحظه واحده انا افتكرت نايل موتورز وافتكرت ا سامح وا احمد ايهاب وناس كتير هنا بجد فاهمها فى عربيتها
نا عارف ان الموضوع مش جي عليكم بحاجه بس انا نفسى اقول حاجه انا تعبت من انى ادور ع عربيه وانا مش فاهم فيها حاجه .. الهوندا عالم كبير اوى وشغلها واسع وناس كتير تعرف تخلى العربيه تحفه قدامك بس هي ماتسواش جنيه عشان كده خت قرار انى اكتب الموضوع دا يمكن ربنا يوفقنى هنا وانتوا الى تشوفولى حاجه نا اكيد ماكنتش هحلم بيها لان انتوا اهل الخبره وانا عارف انى كده تقيل عليكم بس انا مش عايز اركب كورى تانى او حتى المانى وانا الى معايا ومحوشهم بجد وجاهزين 50 او 51 بالكتير اوى وهما دول الى عرفت احتكم عليهم دلوقتي ونفسى اركب العربيه دي ومش عايز اركب لانسر كرستاله واحد ونفسه بقى انا ع العموم صدعتكم معايا بس انا قلت الى نفسى فيه عشان انا بقالى كتير اوى بدور ومش عارف اعمل ايه

**SAMEH_FOUAD** · 15-11-2013 04:40 PM

ياباشا اهلا بيك ونورتنا فى عالم هوندا

شوف ياباشا فية حاجات فى اى عربية ممكن ماتديهاش اهتمامك , وفية حاجات لازم تديها اهتمام

يعنى لو تفرض انك قدامك عربية هوندا اول حاجة هتبص عليها ودة الاهم

الشاسية , ويكون سليم حوض وقوائم وحتة واحدة مش نصين , ومش رشة اى دواخل جوة العربية

لكن مثلا خبطة فى الرفرف الخلفى مافيش اى مشكلة , 90% من العربيات اللى فى البلد ماشية كدة وكلة مش هوندا بس

عربية مثلا واخدة خبطة فى الداير بتاع الرفرف الخلفى بردة مافيش مشكلة كل دة لا يعيب السيارة اطلاقا , اللى يعيبها فقط اللى انا كاتبة فوق

تانى اهتمام بالسيارة , هو الصالون ومش اقصد فرش المقاعد , لأ اقصد الصالون نفسة ( ابواب - تابلوة بالاكسسوارات بتاعتة , كنسول , سماعات خلفية بالبوردة بتاعتها ) دة تركز علية ولازم يكون نظيف عشان كل حاجة فية بمبلغ

- المحرك : لازم المحرك يكون كويس وكبسة لا يقل عن ال 78% دة اقل حاجة , ومايكونش فية سبيكة او بياكل مياة او سخونية , لان الحاجات دية تكلفتها عالية

لكن ترشيح زيوت والكلام دة , حاجة بسيطة جدااا وبتحصل وبتتحل بأقل التكاليف

- الفنيس لازم يكون نظيف وكويس وسلس فى نقلاتة ومايزودش فى عدد لفات المحرك عشان يجيب النقلة اللى بعدها ( لو اتوماتيك طبعا )

لان سعر الفتيس بيوصل ل2000 جنية

- اتأكد ان كهرباء السيارة والحساسات كلها مظبوطة ومافيش فيها شغل عك
- اخيرا العفشة , ودية امرها سهل جداااااااا , بس لازم تكون الاسكاتر سليمة و75% من العفشة كدة العفشة تتعمل باقل التكاليف

لما تيجى تدور على العربية , تدور عليها بناء على الاساس دة

واى خدمة ياباشا احنا موجودين ورقم تليفونى 01003088605 , لو احتاجت اى حاجة

وخلى بالك سعر الهوندا محتاجة شوية مصاريف من 47 الف الى 49 الف جنية على حسب اللى مطلوب

و اخر سعر ليها 52 لو العربية مش ناقصها حاجة