الموضوع: متلازمة اقمار الدم اليهوديه

السلسلة الوثائقية الاقتصادية "حب المال" والتي تتحدث عن الانهيار الاقتصادي الكبير عام 2008 وأدى إلى إفلاس مراكز مالية كبيرة في الغرب، وأظهر حجم الارتباط المالي بين مصارف العالم التي تأثرت كثيرا بسبب هذا الانهيار الذي ابتدأ من انهيار الأسواق العقارية. الحلقة الأولى بعنوان: المصرف الذي أفلس العالم. ترجمة أحمد الزعبي.


The Love Of Money is a BBC ........ary series explains why the collapse of one bank had such disastrous consequences for the world's economy heralding the global recession. The first episode is: The Bank That Bust The World.



منقول من منتدى الدى فى دى العربى
مشاهدة طيبة

[youtube]http://www.youtube.com/watch?v=S2mjPDq3v-U[/youtube]

المشاركة الأصلية كتبت بواسطة mgheam

اذن مفيش اي دولة من وجه نظر حضرتك بتطبق الاقتصاد الاسلامي
يعني فكره نظرية مجرد كلام لم يتم اختبارها .. ممكن تكون صح وممكن تكون خطأ

لأن الاقتصاد الاسلامي (وانا قرأت فيه) مجرد تجميع حديث لااراء فقهاء قدماء وهم لم يقدموا أي شئ من عند انفسهم .. فقط كان مجرد اقرار للواقع الاقتصادي قبل 1000 سنه

يعني الاسلام لم يخترع التعامل بالذهب والفضة (اساس النظام الاسلامي) .. ده كان شائع لدى كل الامم وقتها (المسلمين اخذوا الدينار والدرهم) من الفرس والروم ... ولو وجدوا حولهم الشائع التعامل بأي شئ اخر لكانوا استعاروه من الامم الاخرى ولكان هو اعتبرتوه الان انه (الاقتصاد الاسلامي)

انما النظام الاقتصادي الغربي مش مجرد كلام .. ده انتج كل الحضارة الحديثة اللى عايشها العالم بكل انجازاتها ومنتجاتها

وبالتالي مينفعش نقارن نظرية لم تجرب (مجرد كلام لم يختبر) بواقع اثبت نفسه
ولو كان النظام الاقتصادي الغربي هناك من هو افضل منه لكان يوجد مئات الدول تركت النظام الغربي وتحولت لنظام اقتصادي اسلامي

فالمال لايرتبط بايدولوجية او دين وانما يعمل لمصالحه فقط .. بدليل وجود غربيين يمتلكون ويشاركون في بنوك اسلامية .. فطالما شئ مقتنع به المسلمين ويجلب من جيوبهم المال .. يبقى شئ مرحب به

انما كنظام اقتصادي كامل مفيش حالياً نظام مطبق الا الاقتصاد الرأسمالي الغربي باشكاله المتعدده
اللى كل دول العالم تقريباً حتى الصين (تركت الشيوعية) واتجهت له وقريباً الصيينيين سيفوقون اعتي دول الغرب الرأسمالية

لأن الصينيين بيشتغلوا وعمليين
احنا فاشليين وبنقعد نبرر فشلنا بأشياء ونظريات زي (الاقتصاد الاسلامي) احسن .. طيب مش بتطبقوا ليه ؟
الاعجاز العلمي في القرءان سبق الغرب .. طيب ان كانت الحقائق موجوده عندنا اولاً .. لماذا كل مره هم من يكتشفوها ويعلنوا عنها وليس نحن ؟

هتقول مش بنطبق بسبب التبعية للغرب
هي اصلاً التبعية لم تأتي الا بتفوق الغرب علينا في كل المجاالات وبالتالي التبعية مش سبب فشلنا .. دي حدثت نتيجة فشلنا

انا قلت ان مفيش دولة بتطبق الشريعة الاسلامية فى زمننا الحاضر لكن مقلتش ان مفيش حد طبق الاقتصاد الاسلامى على الاطلاق ! والا بم تفسر ازدهار الدولة العمرية حتى ان المال كان بيوزع على الناس مرة بعد مرة من كثرة الفائض (اقتصاد) ؟ وبم تفسر ارسال ملوك أوربا لأبنائهم للتعلم فى الأندلس على يد علماء العرب (علم وتقدم)؟
ارجو انك متخلطش ما بين تراجع العرب والمسلمين فى الوقت الحاضر بسبب تركهم لدينهم وتشبثهم بحضارة الغرب وانك يكون فى نفسك شئ تجاه الحضارة الاسلامية اللى وصلت لما وصلت اليه نتاج العمل بالمنظومة الاسلامية المتكاملة اللى انا اتكلمت عليها فى الرد السابق.
بخصوص الحضارة الغربية. انا معاك تماما انهم وصلوا الى ما وصلوا اليه نتيجة العمل والجهد والأخذ بالعمل واننا غرقانين فى التخلف نتيجة انا اعتمدنا على اننا مسلمين وهم كفار وبس على كدة !. لكن انا شايف انك تمجد الحضارة الغربية وبتقول انهم جربوا ونجحوا بناءا على تصورهم وبالتالى هم الأصح؟ اذا كان تصورى ده صح فاسمح اختلف معك. الحضارة الغربية المبنية على الاجتهاد البشرى فى قوانينها ونظم حياتها اذا كانت نجحت فى امور العلم والتطورى فهى أخفقت فى أمور تانية زى الجانب الايمانى والجانب الروحانى. حضارة مادية بحتة تقدر المادة وفقط. شوف معدل حالات الانتحار نتيجة خمول الروح وتشبعها من المادة وبس بدون غذاء الروح الحقيقى زائد العلاقات المحرمة تحت مسمى الصداقة وغير كدة كثير من الآفات الأخلاقية فى مجتمعاتهم. ارجع للتشبيه بتاع التروس اللى انا اتكلمت عليه وحضرتك تفهم المراد من كلامى

بصراحة انا مندهش

المشاركة الأصلية كتبت بواسطة mgheam

كتبت قبل كده ليه وفره المال في الدولة الاسلامية الاولى
وهو بسبب قله عدد العرب الفاتحيين بالنسبة للبلاد التى فتحوها والجزية الهائلة التى كانوا يجمعوها
وبالتالي لازم يؤدي لثراء مش نتيجة اي عمل نتيجة فقط توزيع هذا المال

بالنسبة للاندلس والغرب .. الغرب لما كان متخلف لم يستنكر التعليم على يد اعدائة المسلمين
ولم يقل لدينا (اقتصاد مسيحي) احسن من اللى لديهم .. ولم يجلس فارغ عن العمل وكلما المسلمين اكتشفوا شئ قال ده موجود في (الانجيل) بتاعنا اصلاً
فيما قام المسلميين تدريجياً بتكفير كل عالم ظهر بداية من ابن رشد حتى ابن سينا كلهم كفار او زنادقة في وجهه نظر الفقهاء

بالنسبة لاسطورة ان اتباع الغرب سبب التخلف
دي اساطير بيقولها المشايخ وخلافة لكن التخلف في العرب قديم قبل ظهور قوه الغرب بكثير
وماكان يمنع ظهور عورات التخلف الا التغلب السيف اللى بيؤدي الى جزية وخراج هائل .. مثلما يمنع اموال البترول حالياً ظهور تخلف دول الخليج

انما عمل وشغل ده مش شغل العرب من زمان وطول عمرهم متخلفيين

شوف كلام ابن خلدون من قبل ماتظهر قوه الغرب

باب في أن العرب ابعد الناس عن الصنائع
((نجد أوطان العرب وما ملكوه في السلام قليل الصنائع بالجملة حتى تجلب إليه من قطر آخر وانظر بلاد العجم من الصين والهند والترك وأمم النصرانية كيف استكثرت فيهم الصنائع ))

حضرتك عايز تقول ان مال الغنائم كان بيوزع على المحاربين بس؟! معلومة خطأ طبعا. المال كان بيذهب لبيت مال المسلمين (وزارة المالية ) للانفاق على الدولة كاملة. وبعدين كأنك عايز تقول ان مصدر دخل الدولة الاسلامية هو الغنائم نتيجة الفتوحات؟! برضه تصورخطأ. الدولة الاسلامية لم تكن لتتقدم خطوة واحدة من غير صناعة وزراعة متطورة والدليل اهو ادامك دول العالم المتقدم ليها كفايتها الصناعية والزراعية.
الكلام على ان العرب مش اهل صناعة وعلم واستدلالك بكلام ابن خلدون ( معرفش مدى صحته واذا فرضنا جدلا انه صحيح ) فمهواش اجابة على كلامى فى الرد السابق لأن حضرتك اخدت اقتباس من ردى ورديت على جزئية وسبت الباقى. فى انتظار اجابة عن الرد السابق مجملا.