أخى العزيز عمرو
صعب جدا ان حد من الادارة يبقى متفرغ لقراءة كل المواضيع الجديدة أول بأول لكثرة المواضيع و كثرة الأعضاء و كمان كل طقم الادارة متطوع بالمجهود و مفيش حد متفرغ للمنتدى.
الأسهل و الأكثر عملية هو اللى حصل، اعضاء كتير ايجابيين، لقوا موضوع مايصحش و أكيد كتير منهم كلم او بلغ حد من الادارة.
اللى كتب الموضوع اللى بتعلق عليه هو العضو hahahahah و هو كان اتوقف علشان ارسل شتيمة فى رسالة خاصة الى اخونا وليد، فدخل باسم At7atman و عمل الموضوع الشائن ده، انا اتصلت بيه على الموبايل علشان افهمه ان اللى بيعمله ده غلط كبير و ممكن يؤدى لمشاكل كبيرة، ردت عليا والدته، بصراحة كانت زوق جدا و شرحتلها الموضوع و اللى ممكن يحصل لأبنها من مشاكل، و هى قالتلى انها بتعانى معاه لصغر سنه -16 سنة - وعلشان والده متوفى، فهى مش قادرة تسيطر عليه، ووعدت انها هتاخد موقف حازم معاه، بصراحة الله يكون فى عونها.
المفضلات