نيسان صنى ولا بروتون جين 2,"جديد فى علام السيارات"

**AhmedHS** · 16-11-2013 01:23 AM

أنا هاجيب أول عربية ليا ان شاء الله, و مش عارف اجيب ايه, الموضوع رسى على الصنى 2013 العادية وهى مش عاجبانى الصراحة بس هيا أحسن حاجة فى السعر ده, انا عاجبانى أوى الجين 2, بس فى ناس كتير بتلعن فى التوكيل و سؤالى هنا بقى , هو فى كام توكيل ؟ و ينفع اعمل الصيانة دى فى أى حتة تانية غبر عز العرب ديه ؟ ياريت حد يساعدنى عشان انا لسه جديد على العربيات و كده, و يا ترى فى عربية فى مستوى الصنى و الجين 2 و بنفس السعر (110 الف جنيه) ؟ و بيقولو الجين 2 فيها نظام الركن الذكى بحثت عنه لاقيت علربيات بتركن لوحدها و بتطير اوحدها و حاجات كده .... أى مساعدة ؟!

**eng.m7md.ali** · 16-11-2013 02:49 AM

طبعا الفتي لا دين له

نظام ركن زكي ازاي في عربية ب 110؟

بالنسبة للمراكز بتاعت الصيانة في اوتو ماجد وعصام صفا وامير وجوزيف .. دي مراكز معتمدة

**AhmedHS** · 16-11-2013 04:38 AM

انا مش جايب كلام من عندى
http://www........cars.com/newcars_p...3341#specs_tab
ده لينك ل مواصفات السيارة....بخصوص المراكز, المراكز ديه نضيفه ولا فيها مشاكل زى عز العرب ؟ و ايه الفرق بين المركز و التوكيل اساسا ؟!

**Al-Farooq** · 16-11-2013 06:15 AM

المشاركة الأصلية كتبت بواسطة ahmedhs

انا مش جايب كلام من عندى
http://www........cars.com/newcars_p...3341#specs_tab
ده لينك ل مواصفات السيارة....بخصوص المراكز, المراكز ديه نضيفه ولا فيها مشاكل زى عز العرب ؟ و ايه الفرق بين المركز و التوكيل اساسا ؟!

مفيش ركن ذكي ، وهما كاتبين ان مفيهاش usb وهي فيها
كمبيوتر رحلات قالوا مفيش وهو فيها خواص معينة زيت بيطلع لك فاضل كام كيلو على التفويل و استهلاك بنزين فى 100 وشوية خصائص كدة - هي مش دقيقة على العموم - بس فيها.

وكاتبين مفيش حامل أكواب خلفي وهي فيها فى ظهر الكونسول
وكاتبين مفيش مخرج كهرباء وهي فيها
دة نظرة سريعة على المواصفات بتاعتهم
فى معلومات غلط كثير فى كونتكت كارز

**Amr Riad** · 16-11-2013 06:58 AM

نظام الركن الذكى اكيد مقصود بيه ال parking sensors

**AhmedHS** · 16-11-2013 10:44 AM

طب يا جماعة كده محدش جاوب عن سؤالى الاساسى ... لو جبت gen 2 هاتعب فيها و صيانتها ؟ ولا مشاكل الصيانة ديه فى عز العرب بس و باقى المراكز نضيفه ؟

**eng.m7md.ali** · 16-11-2013 12:18 PM

مش قصدي ان انت اللي بتفتي !

احسن مركز فيهم هو عصام صفا

بس انا اكتشفت حاجة بخصوص قطع الغيار انها رخيصة عن عربيات كتير .. بس مش زي الفيرنا طبعاً واللانوس

وحاجة كمان بالنسبة لقطع الغيار اللي بتتغير في الضمان هيا اللي بتقعد فترة طويلة عشان تيجي .. لكن قطعة الغيار اللي هتشتريها هتلاقيها جاتلك علطول .. سياسة وسخة طبعاً

**bondok20002002** · 17-11-2013 12:12 PM

وكاتبين مفيش مخرج كهرباء وهي فيها
يعنى إيه مخرج كهرباء وهو فين بالظبط

**Al-Farooq** · 17-11-2013 08:16 PM

المشاركة الأصلية كتبت بواسطة bondok20002002

وكاتبين مفيش مخرج كهرباء وهي فيها
يعنى إيه مخرج كهرباء وهو فين بالظبط

المخرج اللى تقدر تشحن بيه الموبايل بتاعك - مكانه قدام الكونسول و وراء الفتيس وبجانب فرامل اليد.

**bondok20002002** · 18-11-2013 02:09 PM

المشاركة الأصلية كتبت بواسطة al-farooq

المخرج اللى تقدر تشحن بيه الموبايل بتاعك - مكانه قدام الكونسول و وراء الفتيس وبجانب فرامل اليد.

هو ده اسمه مخرج كهرباء طب ما موجود ف كل عريية

الموضوع: نيسان صنى ولا بروتون جين 2,"جديد فى علام السيارات"

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

عضو جديد (لافادتك) " اهم موضوعات "سبعاوى" عن نيسان صنى

ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

"نيسان" تنسحب من مشروع مشترك مع "رينو" لتصنيع السيارات بالمغرب

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة