نيسان صنى ولا بروتون جين 2,"جديد فى علام السيارات"

أنا هاجيب أول عربية ليا ان شاء الله, و مش عارف اجيب ايه, الموضوع رسى على الصنى 2013 العادية وهى مش عاجبانى الصراحة بس هيا أحسن حاجة فى السعر ده, انا عاجبانى أوى الجين 2, بس فى ناس كتير بتلعن فى التوكيل و سؤالى هنا بقى , هو فى كام توكيل ؟ و ينفع اعمل الصيانة دى فى أى حتة تانية غبر عز العرب ديه ؟ ياريت حد يساعدنى عشان انا لسه جديد على العربيات و كده, و يا ترى فى عربية فى مستوى الصنى و الجين 2 و بنفس السعر (110 الف جنيه) ؟ و بيقولو الجين 2 فيها نظام الركن الذكى بحثت عنه لاقيت علربيات بتركن لوحدها و بتطير اوحدها و حاجات كده .... أى مساعدة ؟!

طبعا الفتي لا دين له

نظام ركن زكي ازاي في عربية ب 110؟

بالنسبة للمراكز بتاعت الصيانة في اوتو ماجد وعصام صفا وامير وجوزيف .. دي مراكز معتمدة

انا مش جايب كلام من عندى
http://www........cars.com/newcars_p...3341#specs_tab
ده لينك ل مواصفات السيارة....بخصوص المراكز, المراكز ديه نضيفه ولا فيها مشاكل زى عز العرب ؟ و ايه الفرق بين المركز و التوكيل اساسا ؟!

اقتباس:

---

المشاركة الأصلية كتبت بواسطة ahmedhs

انا مش جايب كلام من عندى
http://www........cars.com/newcars_p...3341#specs_tab
ده لينك ل مواصفات السيارة....بخصوص المراكز, المراكز ديه نضيفه ولا فيها مشاكل زى عز العرب ؟ و ايه الفرق بين المركز و التوكيل اساسا ؟!

---

مفيش ركن ذكي ، وهما كاتبين ان مفيهاش usb وهي فيها
كمبيوتر رحلات قالوا مفيش وهو فيها خواص معينة زيت بيطلع لك فاضل كام كيلو على التفويل و استهلاك بنزين فى 100 وشوية خصائص كدة - هي مش دقيقة على العموم - بس فيها.

وكاتبين مفيش حامل أكواب خلفي وهي فيها فى ظهر الكونسول
وكاتبين مفيش مخرج كهرباء وهي فيها
دة نظرة سريعة على المواصفات بتاعتهم
فى معلومات غلط كثير فى كونتكت كارز

نظام الركن الذكى اكيد مقصود بيه ال parking sensors

طب يا جماعة كده محدش جاوب عن سؤالى الاساسى ... لو جبت gen 2 هاتعب فيها و صيانتها ؟ ولا مشاكل الصيانة ديه فى عز العرب بس و باقى المراكز نضيفه ؟ :11:

مش قصدي ان انت اللي بتفتي !

احسن مركز فيهم هو عصام صفا

بس انا اكتشفت حاجة بخصوص قطع الغيار انها رخيصة عن عربيات كتير .. بس مش زي الفيرنا طبعاً واللانوس

وحاجة كمان بالنسبة لقطع الغيار اللي بتتغير في الضمان هيا اللي بتقعد فترة طويلة عشان تيجي .. لكن قطعة الغيار اللي هتشتريها هتلاقيها جاتلك علطول .. سياسة وسخة طبعاً

وكاتبين مفيش مخرج كهرباء وهي فيها
يعنى إيه مخرج كهرباء وهو فين بالظبط

اقتباس:

---

المشاركة الأصلية كتبت بواسطة bondok20002002

وكاتبين مفيش مخرج كهرباء وهي فيها
يعنى إيه مخرج كهرباء وهو فين بالظبط

---

المخرج اللى تقدر تشحن بيه الموبايل بتاعك - مكانه قدام الكونسول و وراء الفتيس وبجانب فرامل اليد.

اقتباس:

---

المشاركة الأصلية كتبت بواسطة al-farooq

المخرج اللى تقدر تشحن بيه الموبايل بتاعك - مكانه قدام الكونسول و وراء الفتيس وبجانب فرامل اليد.

---

هو ده اسمه مخرج كهرباء طب ما موجود ف كل عريية

متابع
====

و يا ريت إفاده على السؤال الأصلى صنى ولا جين

اقتباس:

---

المشاركة الأصلية كتبت بواسطة bondok20002002

هو ده اسمه مخرج كهرباء طب ما موجود ف كل عريية

---

وانا قولت حاجة ؟ مكتوب في الموقع انه مفيش بس.

انا بعد تفكير عميق اخترت الجين 2 ولسه مستلمها من يومين
والمخرج ده مقصود باور حاجه شبه فتحه الولاعه انت تشترى شاحن بقه اوله فتحتها واخره يو اس بى للموبايل

كاسيت 2013 نازل بفتحه يو اس بى
ومفيش مثبت سرعه
ولو محتاج اى معلومه او صور اسألنى مع انى لسه مستجد

أدخل على قسم نيسان حتلاقى فيه مشاكل كتير فى الصنى الجديدة 2013 أنا معايا 2008 الشكل القديم بصراحة بحترمها جدا أكتر من الشكل الجديد وعربية ثابتة وجميلة والمشاكل اللى فيها من التجميع المحلى يمكن التغاضى عنها لأن أساسيات العربية يابانى 100%

وبرضه بحترم أوى الجين2 بس معرفش معلومات كافيه عنها أسال خبراء البروتون وأكيد حتلاقى مرادك