بياناتى مع بلطجى !!!!!!

**khaled_sabry** · 17-11-2013 11:11 AM

الف شكر يا رجاله على كل اللى تعب نفسه فى الموضوع معايا

المشاركة الأصلية كتبت بواسطة moustafa_ertu

الحمد لله وبفضل الله رغم بشاعه مرور السلام بس بخلص كل مصالحى من غير اى رشاوى ولا اى مصلحتيه وفى زمن كويس واحب اقولك على حاجه امشى عدل ويوم ما حد من الموظفين يقولك كلمه كده او كده خد بعضك واطلع على العقيد / عمرو عبد المنعم رئيس وحده مرور السلام وا\قوله وشوف هيكون رد فعله ايه ؟ ده راجل محترم جدا وخدوم الى اقصى حد وانا شخصيا عمل معايا واجب اكتر من مره ..
ومش لازم عشان تدخله تقولك فلان بيسلم عليك والشغل ده هو كويس مع اى حد

و الله العظيم انا كنت طوال ال5 سنين اللى فاتو زيك كده - بإثتثناء انى مابحبش اشتكى موظف حتى لو قل ادبه معايا - لأنى بقول فى نفسى حرام الراجل يتأذى فى لحظه غباوه - ده لو الظابط اهتم اصلا

و هل العقيد / عمرو عبد المنعم ده راجل اصلع و بشنب ؟؟؟
لأن الظابط ده كان قاعد ورا الموظفين و كان ماسك موظف و بيزعقله و الموظف التانى اللى زعقلى كان مخنوق علشان الموقف ده و كان قاعد يقول للموظف اللى جنبه (اشتغل براحتك و اللى مش عاجبه يخبط دماغه فى الحيط)

المشاركة الأصلية كتبت بواسطة saddam

صديقي المواطن
لا تقلق لا يمكن تتنقل عربيتك وإنت مش ماضي على حاجه وو إتنقلت يتشال فيها كل طقم ظباط مرور السلام فقولا واحدا لا تقلق مفيش إمكانية يعمل لوحات ويطلع تصريح بإسمك وبإسم شخص ثاني وخفف على نفسك وبطل تفكير ﻷني أراك ستتحول إلى شخص موسوس وحتتعب في حياتك كده فخفف عن نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لا خلاص - انا اصلى اتخضيت لما لاقيت الاخ ده مسجل نمرتى بعد اسبوع كامل
و من الحكايات اللى كان بيحكيها هو العربجيه بتوعه ادركت انى مش قدهم و انا مش بتاع مشاكل و مش عاوز لبش مع واحد سوابق زى الاخ ده
فعلشان كده خوفت و بدأت ادرس كل الاحتملات

**eng.m7md.ali** · 17-11-2013 11:20 AM

شكلي هعمل زيك

رحت امبارح لقيت ضرب نااار روحت ماشي :)

**khaled_sabry** · 17-11-2013 11:50 AM

المشاركة الأصلية كتبت بواسطة eng f3lix

شكلي هعمل زيك

رحت امبارح لقيت ضرب نااار روحت ماشي :)

بلاش احسن
هناك زحمه و قلة ادب - و حتى المخلصاتيه دول فيه منهم كتير نصابيين و ياخد منك فلوس و برضه تقف فى طابور و بهدله
و انا لغايه دلوقتى مش متأكد بنسبه 100% ان الموضوع بتاعى تم صح و مافيهوش خدعه او اشتغال
و لو رجع بيا الزمن كنت استحملت البهدله و قلة الادب بدل ماتعمل حاجه و تبقى شاكك فيها و تقل قيمتك لما تقعد مع بلطجيه

**eng.m7md.ali** · 17-11-2013 12:03 PM

لا ماهو في موظفة هناك معرفة هخليها تخلص الموضوع واديها اللي فيه النصيب

يا أما استحمل وده حالياً صعب عليا

**khaled_sabry** · 17-11-2013 01:14 PM

المشاركة الأصلية كتبت بواسطة eng f3lix

لا ماهو في موظفة هناك معرفة هخليها تخلص الموضوع واديها اللي فيه النصيب

يا أما استحمل وده حالياً صعب عليا

مادام موظف يبقى تمام
و شكلى حتعرف عليك بعد 6 اشهر لما التصريح بتاعى يخلص علشان تظبطنى فى المرور

و تبقى انتا بقى متعهد مرور السلام للمنتدى كله

**mOuStaFa_ERTU** · 17-11-2013 06:32 PM

المشاركة الأصلية كتبت بواسطة khaled_sabry

الف شكر يا رجاله على كل اللى تعب نفسه فى الموضوع معايا

و الله العظيم انا كنت طوال ال5 سنين اللى فاتو زيك كده - بإثتثناء انى مابحبش اشتكى موظف حتى لو قل ادبه معايا - لأنى بقول فى نفسى حرام الراجل يتأذى فى لحظه غباوه - ده لو الظابط اهتم اصلا

و هل العقيد / عمرو عبد المنعم ده راجل اصلع و بشنب ؟؟؟
لأن الظابط ده كان قاعد ورا الموظفين و كان ماسك موظف و بيزعقله و الموظف التانى اللى زعقلى كان مخنوق علشان الموقف ده و كان قاعد يقول للموظف اللى جنبه (اشتغل براحتك و اللى مش عاجبه يخبط دماغه فى الحيط)

هو يا فندم ... وبدعيله كل ما تيجى سيرته ونفسى كل المسئولين يكونوا زيه كده

**mOuStaFa_ERTU** · 17-11-2013 06:40 PM

انا عايز احكى موقف حصل امامى ..
كان عندى مشكله فى التجديد لاقيت مخالفه على عربيتى القديمه ومش راضيين يرخصوا الجديده غير لما ادفع المخالفه اللى معرفش عنها حاجه اصلا المهم وانا واقف دخل راجل كبير فى السن تقريبا 60 سنه او ازيد شويه وبيشتكى ان فى واحد من ( الهـلـيـبـه ) لهف منه 2300ج لزوم التجديد 3 سنوات لعربيته وفص ملح وداب ..
المهم الموظف اللى قاعد جنب رئيس القلم قاله وعملت كده ليه يا حاج ؟؟ ما احنا كاتبين فى كل مكان ( لا تتعامل الا مع الموظف المختص ) قاله اللى حصل بقه .. قاله طيب اسمه ايه وحاول توصفهولى قاله على اوصافه وقال ان اسمه سمسمه .
قام الموظف نادى على واحد كده بسم الله ما شاء الله طول بعرض ( ضلفه ) ده تقريبا كان من الهليبه بس ربنا تاب عليه وراح مطلع تليفونه وكلم واحد وقاله هاتوهولى من تحت الارض وقال للراجل ماتقلقش يا حاج فلوسه هترجعلك .. وفضلت واقف فعلا لحد ما الراجل جالته فلوسه تانى بس اللى ايقنى بقه بجد انه مقالش حتى ( شكرا ) ..
وده حصل امامى والله على ما اقول شهيد ..
لسه فى ناس كويسه بجد وربنا يتقبل منه

**hugan** · 17-11-2013 08:18 PM

انا تعبت من الكلام علي مرور السلام
مش قايل حاجه تاني

**mahmoud_ali** · 19-11-2013 02:55 AM

ياجماعه الموضوع بمنتهى البساطه العيال دى بتخلص المصلحه من هنا واخر اليوم بيقسموا الفلوس بينهم وبين موظفين واداريين المرور واللى يقولك غير كده كداب.. وانا للاسف بتعامل معاهم علشان بخلص تجديد وفحص للعربيه فى نص ساعه وليا واحد صاحبى حب يعمل بطل قعد 6 ساعات وبعد لما وصل الموظفه بتقوله هات 20 جنيه ضريبه ترفيهيه..اه والله ضريبه ترفيهيه. بس انا سمعت انى ممكن اتعامل مع مرور الدراسه واخلص كل الاجراءات منه هل ده حقيقى؟؟؟؟