احسن مساعدين للشاهين؟!

**celine_back** · 16-09-2008 04:00 PM

انا عندى شاهين مو 2003 وعايز اشترى مساعدين ليها ...بس كنت عايز نوع ناعم يريح العريبة بدل ما هى ناشفه اوى كدا ....يا ترى اشترى ايه وبكام ومنين؟!
وهما المساعدين اللى قدام بيبقى تقال يعنى لازم تكون العربية معايا ولا ممكن اجيبهم مواصلات ؟
معلش ان كترت عليكم ....
مستنى ردودكم

**mrghost** · 17-09-2008 02:24 PM

السلام عليكم ورحمة الله
بص احسن نوعين انا جربتهم myle ودى المانى ومنرو بس مش فاكر صناعتها ايه بس انا مجرب الامانى وكويسه والامامى الاثنين عاملين 460 جنيه والخلفى حوالى 280 جنيه وهم تقال طبعا مش هينفع تجيبهم مواصلات وشكرا

**celine_back** · 17-09-2008 02:57 PM

الف شكر يا باشا....بس انت جايبهم منين ؟وجايبهم قريب ولا الاسعار دى بتاعت الايام ديه؟

**mrghost** · 17-09-2008 07:39 PM

انا جايبهم من التوفيقيه من حل اسمه الدقاق اسعارة كويسه جدا وكان الكلام ده من حوالى شهر والمحل ده فى الشارع اللى قدام سنترال رمسيس علطول اسأل على محل الدقاق واى استفسار انا فى الخدمه

**hazem_khidr** · 18-09-2008 02:32 AM

المونرو حيديك ثبات ممتاز برضه و بتبقي صناعتهم اسباني علي ما اتذكر
مساعيدن ناشفه و بتدي اداء رياضي
اسعارهم في حدود الاسعار اللي محمد قال عليها
بس شوف الكاوتش بتاعك لو نسر غيره لانه برضه بينشف العفشه جامد

**mrghost** · 18-09-2008 08:46 AM

المشاركة الأصلية كتبت بواسطة hazem_khidr

المونرو حيديك ثبات ممتاز برضه و بتبقي صناعتهم اسباني علي ما اتذكر
مساعيدن ناشفه و بتدي اداء رياضي
اسعارهم في حدود الاسعار اللي محمد قال عليها
بس شوف الكاوتش بتاعك لو نسر غيره لانه برضه بينشف العفشه جامد

+10000000000000000

**celine_back** · 19-09-2008 11:14 AM

شكر جامد ليكم على الافادة دى ...بالنسبة للكاوتش انا لسه مغيره ...جيبت طقم بريللى كامل...اعتقد انه احسن من النسر بمراحل ....طيب انتو بتقولوا ان المساعدين ناشفين ! طيب مافيش اى نوع تانى طرى ....انتو عارفين الشاهين مش نافصة نشوفيه.......

**sab3aawy** · 19-09-2008 12:12 PM

المايلى انعم من المونرو بس المونور بيدى ثبات احسن،
مشكلة المايلى ان المضروب منه كتير جدا، لكن المونرو اللى فى السوق اصلى وبتاخد معاه ضمان

فيه نوع تانى اسبانى اسمة Lip ممتاز برضه بس هتدوخ على ما تلاقيه

وفيه نوع ايطالى اسمة بوما ، طرى جدا وبيخليك تحس انك سايق مرتبة طبية، بس آخره 60-70 ألف كيلومتر

بصراحة انا بفضل المونور اعن اى حاجة تانية لأنه اصلى وطويل العمر

**celine_back** · 19-09-2008 02:06 PM

شكرا سبعاوى باشا ...طيب فى طريقة اعرف بيها المايلى المضروب من الاصلى ...او حد يبقى عنده الاصلى ....اصل انا اساسا كاره نفسى بسبب الشاهين فمش ناقص اجيب مساعدين وكمان تبقى انشف من كدا ....