الموضوع: استهلاك بنزين البيرسونا

من خبرتى قبل كدة فى سوزوكى ( كان معايا سوزوكى التو ) , عربيات سوزوكى تستحق كل مليم يدفع فيها ...
فهى عربيات بها دقة وجودة تصنيع تقريبا مفيهاش مشاكل أو أعطال .. عربية اعتمادية بالدرجة الاولى وموفرة جدا فى البنزين بالنسبة لنفس الفئة فى العربيات الاخرى الغير يابانية ..

أما بروتون فهى عربيات قوية وثقيلة فى السرعات العالية لكن استهلاك بنزينها عالى جدا وقطع غيارها مش متوفرة فى محلات كتير وعانيت فيها من بعض عيوب الصناعة وطبعا توكيل حدث ولا حرج ( بصراحة مش عايز اتكلم عن التوكيل اكتر من كدة لحسن الواحد ضغطه يرتفع ... )

المشاركة الأصلية كتبت بواسطة carrier

اختلف معك الى ابعد الحدود ....

انت ممكن تكون السبب فى الاستهلاك العالى من اهمال الصيانه الدورية للانجكشن او بتعامل الموتور بعنف

والمعروف ان البروتون كله بلا مشاكل الا دلع فقط

وفى محلات شغالة بروتون فقط وفى تزايد بشكل ملحوظ للانتشار اللافت للبروتون

بص يا بشمهندس , صدقنى انا مش بذم فى حاجة لمجرد النقد وخلاص
تعرف ان سوزوكى اللى كانت معايا بعتها بعد أربع سنين بنفس البطارية الفابريكة .. لكن البطارية فى الساجا ودعت بعد اول خمس شهور بدون اهمال فيها .. المساعد الخلفى فى الساجا جاب زيت بعد اول 2000 كيلو متر فقط وهذا لم يحدث فى العربية سوزوكى مع انه نفس السواق ونفس طريقة المشى والبعد عن المطبات والتهور ... المراية عندى اتكسرت وروحت التوكيل قاللى احجز وعيش بقى مع نفسك وبعدها روحت لكل المحلات تقريبا ملقتش المراية الاصلية وجبت واحدة تقليد صدق او لا تصدق ( طلعت بتاعة دريكسيون يمين ) ... مرات كتير بيحصل رجرجة فى العربية وانا بسخنها والتوكيل لم يستطيع تصليحها وهذا لم يحدث فى السوزوكى ... استهلاك البنزين تقريبا 120 كيلو فى الصفيحة بدون تكييف فى وسط البلد وبالتكييف 90 كيلو بدون حرق او قرص على الموتور لانى حريص جدا فى الالتو كانت بتاخد 260 كيلو ....

فى النهاية انا بقول اللى حصل معايا بامانة بدون تحيز ...

المشاركة الأصلية كتبت بواسطة mhkorayem

شكراً للجميع
بس واضح ان صاحبي معجب اوي بالسويفت ومش مقتنع بغيرها
ربنا بقى يوفقه للاصلح

اختيار موفق ان شاء الله ........ اليابانى يابانى