عاوز رائيكوا فالعروسة ديه

**hugan** · 19-11-2013 01:28 AM

المشاركة الأصلية كتبت بواسطة moudy88

بغض النظر عن العروسه اللي بيتكلم عنها الاخ الفاضل

الناس للاسف بتفهم غلط

مش معنى انها مقفله وخام تبقى متدينه !!!

بالعكس دي مش حاجه كويسه

فيه ناس كتير ولاد وبنات عرفتهم كانوا مقفلين وخام لكن ملوش علاقه بالتدين ولما فتحوا الدنيا باظت معاهم

انا كنت هرتبط بواحده مقفله وشكلها خام وكنت فاكر انها كده متدينه ومحترمه وكانت تتكسف تبص في وش ولد في الكليه ...وطلع انها بسبب انها كانت قطه مغمضه

ولما فتحت مسبتش ولد الا وكانت مكلماه وجرت معاه كلام !!!

برضه بكرر ان الكلام ده بغض النظر عن العروسه اللي اتكلم عنها الاخ الفاضل

انا بحاول اشرح الفكره ذات نفسها ...مش شرط انك مقفل تبقى متدين

فيه بنات متدينات وحافظات كتاب ربنا ومنتقبات ومحتشمات وبميت راجل في شجاعتهم وقوتهم وحسن ادارتهم للامور واعتمادهم على نفسهم

كلام سليم

**mohamedbook** · 19-11-2013 09:10 AM

بص ياباشا انا معاك في موضوع السن ده لازم تكون هي اقل منك في السن بس لو بالموصفات دي البت ممتازة بس ميكنش تمثيل وسهوكة وحورات ازهرية والكلام ده عموما لا يعلم ما في القلوب الا الله عشان كده انت بتصلي استخارة وربنا بيقدرك الخير حيث كان
بس انت شكلك مش مقتنع بيها عشان كده فكك منها وشوف غرها
التدين حاجة اساسية في الاختيار لكن القبول والطبع مهم جدا جدا يعني متكنش متدينة وانا مش قابلها واقول الدين يشفعلها لا خالص الرسول صلي الله عليه وسلم امر ان الوحد ينظر الي خطبته عشان عملية القبول
وربنا يوفقق للي فيه الصالح

**ALshahba** · 19-11-2013 10:35 AM

المشاركة الأصلية كتبت بواسطة midooo_119

يا اخى اتقى الله و متشكر عالردك

اعثذر ليك جدا
ماتزعلش من كلامي ......... مش الغرض الهجوم عليك نهائي
اعتبرها كلمة عابره
صدقني الموضوع متشعب جدا ومش حقدر اعرضه علي حضرتك هنا كده

بس صدقني المتدين فى هذا الزمان يعتبر :
- متزمت
- متشدد
- خام مش فاهم الدنيا
- غلبان وممكن ينضحك عليه

الدنيا مش كده

ومن ناحية تانيه موضوع الابراج مش هو ده الحاجه اللي تحكم عليها علي دين شخص او قوة ايمانه ..... يعني ممكن تعتبرها غلطه
فى حاجات اقوي من كده ممكن تعرف بيها ايمان البنت ومقداره

واحب اقول لحضرتك ..... اصدق انت النية لله تعالي وارتفع في درجات الايمان .... وربنا سبحانه حيعطيك افضل مما تتصور بل افضل مما تستحق

ومره تانيه ماتزعلش مني

**smartchoice** · 19-11-2013 12:15 PM

أنا بس حبيت أوضح نقطة مهمة الأبراج نوعين
نوع بتاع الجرايد اللى هو بيقلك حاجات شعوذة عن المستقبل و ده حرام و شرك إذا أمنت به لأنه لا يعلم الغيب إلا الله وحده فقط
النوع التانى اللى هى الأبراج اللى عبارة عن دراسات إجتماعية عن مواليد فترة معينة زى مثلاً يقولك برج السرطان حريص على الفلوس أو برج الجدى برج مسيطر أو........إلخ و دى مفيهاش حاجة تخليها حرام دى مجدر صفات شخصية

و فى إعتقادى من كلامك إنها بتتكلم على النوع التانى و ده عادى

**husseinsalah** · 19-11-2013 02:29 PM

المشاركة الأصلية كتبت بواسطة ahmed metwaly

دا انا مطلعتش لوحدي الي قاعد بتابع فتكات

خد بالك ليهم جواسيس هنا ولو شموا خبر ان فى رجالة بتدخل (الحرملك) قصدى المنتدى بتاعهم هتلاقى اتعمل علية موضوع وعشرتلاف واحدة داخلة تعلق علية من اول( ياختى مش عارفة الرجالة مالة جرالها اية ) لحد (يالهوى رااااجل)

**ALshahba** · 19-11-2013 07:45 PM

الي الاخ صاحب الموضوع
ادعوك لسماع سلسلة "فن احسان الظم بالله" للشيخ "اياد القنيبي"
حتلاقيها علي اليوتيوب بكثره....وكلها فيديوهات لا تتعدي الدقائق القليله (5-10 دقائق)

ممكن تقولي .... احنا بنتكلم عن الجواز واختيار البنت المناسبة ..ده ماله ومال احسان الظن بالله
حقولك لو تبعت الموضوع ده حتعرف ازاي تختار كل شئ جيد في حياتك حتي الزوجه

وده الرابط لو تحب تشوفه

‫مقدمة فن حسن الظن بالله 1 الدكتور اياد القنيبي‬&lrm; - YouTube

دمت فى امان الله

**midooo_119** · 19-11-2013 08:15 PM

المشاركة الأصلية كتبت بواسطة alshahba

الي الاخ صاحب الموضوع
ادعوك لسماع سلسلة "فن احسان الظم بالله" للشيخ "اياد القنيبي"
حتلاقيها علي اليوتيوب بكثره....وكلها فيديوهات لا تتعدي الدقائق القليله (5-10 دقائق)

ممكن تقولي .... احنا بنتكلم عن الجواز واختيار البنت المناسبة ..ده ماله ومال احسان الظن بالله
حقولك لو تبعت الموضوع ده حتعرف ازاي تختار كل شئ جيد في حياتك حتي الزوجه

وده الرابط لو تحب تشوفه

‫مقدمة فن حسن الظن بالله 1 الدكتور اياد القنيبي‬&lrm; - youtube

دمت فى امان الله

متشكر لحضرتك جدا عالذوقك و اهتمامك واكيد ان مش زعلان منك .. انا فعلا لسه بفكر فالموضوع و الى فيه الخير يقدمه ربنا و هى فعلا مش مسهوكه او بتمثل هى عالطبيعتها جدا المشكله فيا انا حاسس انى ماستهلهاش لكن من ناحيه القبول هى ماشاء الله امورة وهستخير ربنا وان شاء الله خير... شكرا لكل واحد ادانى رايه بجد انا مبسوط بمشاركتكوا و حاسس انكوا فعلا اهلى

**Ahmed_Adham** · 20-11-2013 12:21 AM

المشاركة الأصلية كتبت بواسطة zangry

عندي ملاحظة صغيرة في بعض التعليقات لاقيت ان من عيب البنت انها تكون خام ! هي البنت لو مكنتش خبره متعجبش؟

اية يعني خام !! الاخلاق بقت عيب في الزمن ده !!

بالنسبه لي الخام يعني اللي ملهاش خبره في الحياه ومتعرفش تتعامل مع الناس ولا مع مواقف الحياه اليوميه يعني لخمه وده ملوش أي دعوه بالاخلاق بأي شكل من الاشكال ومش شرط البنت تبقى عديمه الخبره عشان تبقى متدينه.

وطبعا النوع اللخمه ده انا مش بحبه عشان بيبقى عبء مش شريك حياه.

-

الموضوع: عاوز رائيكوا فالعروسة ديه

LinkBack

أدوات الموضوع

عرض

-

-

-

-

-

-

المواضيع المتشابهه

ايه رائيكوا فى اللاب دا؟؟؟؟

ايه رائيكوا ......اجيب ايه

اية رائيكوا فى التليفون دا

اية رائيكوا فى العرض دا

عاوز اشتري ماتريكس ايه رائيكوا؟

الكلمات الدلالية لهذا الموضوع

المفضلات

المفضلات

ضوابط المشاركة