عرض للطباعة
اولا بالنيابه عن نفسي وعن كل اعضاء المنتدي اقدم لك الشكر للاستفاده من موضوع اصلاح سربنتينه السخن موضوع شيق وجديد ربنا يؤجرك كل خير والي موضوعات جديده ان شاء الله
اطلب من حضرتك تعمل موضوع خاص بكيفيه تغيير زيت الباور لدايو لانوس ونوع الزيت ايه وكيفيه تفريغ الهواء من الدوره انا عارف انك تحب المغامره نتمني نعرفها منك طريقه تغيير الزيت بعد اذن حضرتك ولك جزيل الشكر
والله يا باشا انت بتحرجنى لما تعمل موضوع لشكرى
واحنا كلنا اخوات واللى بيعرف معلومة بيقدمها لغيرة والثواب عند الله
وربنا يسهل قريب فى موضوع زيت الباور
بس خلى بالك هوة سهل قوى
بس الفكرة لما الموضوع بالصور وعملى هيبقى اسهل للناس من الشرح النظرى
الف شكر لتقديرك وردك الجميل
الكل في انتظار موضوع تغيير زيت الباور
ربنا يوفقك في تركيب سربنتينه السخن بس لي اقتراح بدل موضوع اللحام بالارجون ممكن تنظف المواسير الالومنيوم كويس وتركب ماسورتين بلاستيك وتحط سيليكون حراري للتقفيل ده مجرد اقتراح لانني اعرف ان مواسير السباكه الخضراء gmبتتحمل الحراره الشديده
قوللي ايه رأيك في الكلام ده
بسم الله الرحمن الرحيم
الف الف شكر يا استاذ / مصطفى
بالنيابة عن جميع الاعضاء الكرام
على جميع مواضيعك الجميلة
و فى انتظار المزيد باذن الله
اقتباس:
المشاركة الأصلية كتبت بواسطة atpo56a
للاسف مينفعش عشان هيبقى جسم معدن وجسم بلاستيك او ارتيلون على ما اعتقد وحتى لو لحمتهم بالمادتين هتبقى مش مضمونة لان خروج ودخول السربنتينة قصة مش بالسهل عشان نجرب كذا مرة
انا خلاص لحمتهم بالارجون وتم التركيب ولسة فاضل انى اوصلهم خراطيم المية
وبالنسبة لموضوع تغيير زيت الباور هو سهل زى ما قلت لك مش قصة وربنا يسهل فية
ومتشكر جدا على كلامك الجميل وردودك الاجمل
اقتباس:
المشاركة الأصلية كتبت بواسطة ahmedzizo131
العفو يا استاذ احمد احنا كلنا اخوات وبنساعد بعض
وبالنسبة للمواضيع الجديدة فية كام موضوع انا شغال عليهم
1- اصلاح كل مشاكل كلاكس الانوس ب 4 ج بالفيديو
2 - عمل اضاءة لحوض الانوس
3 - حل جذرى لكل اللى بيعانى من مشكلة نقص المية سواء كانت مشكلة عادية او مزمنة
4 - طريقة تجديد واصلاح غطا القربة وفلتر الهوا بدون تكلفة مالية
وربنا يسهل من عندة
والله يا باشا هو فعلا رجل زوق وكريم
شكراً لموضوعك دا وأحب أضيف بالنيابة عن كل أعضاء وعضوات المنتدى :s1[1]:اقتباس:
المشاركة الأصلية كتبت بواسطة atpo56a
جزاك الله خيراً نحن في أنتظار موضوعاتك الشيقة والإقتصاديةاقتباس:
المشاركة الأصلية كتبت بواسطة ZARIF
والموضوع الأول الخاص بمشاكل كلاكس اللانوس دا يهمنى أوي !
لأن عندي مشكلة في كلاكس عربيتي ومعرفش دا عادي في اللانوس ولا عربيتي فقط ؟
إن صوت الكلاكس لما بستعمله بيكون الصوت عندي في الصالون أكتر مش طالع لبره
لدرجة إني كل ما أضرب كلاكس ( أنا اللي أتخض - هههههه )