الموضوع: Flushing oil

انا طول عمري بحط موبيل 1 في العربيه .... في عربيه اوبترا 2007

مره حصل مشكله في الجوان وسرب زيت الميكانيكي زود العربيه ب 1 لتر زيت معدني .

العربيه بعدها لمبه الزيت كانت بتنور وعملت مشاكل الحمد لله المشاكل اتحلت .

وبقيت بحط زيت mobil XHP 20W-50W
بس المشكله دا لزوجته عاليه اوي اوي وكمان معدني .

عايز ارجع تاني mobil 1 5W-30W

بس قريت في منتدياااات ان لما اغير من زيت معدني لزيت تخليقي

اما اصفي الزيت القديم كويس اوي

او

لازم احط flushing oil علي الزيت القديم

[img2]http://www.granvilleoil.com/images/original/Flushing_Oil_5L.png[/img2]

هو ال flushing oil بيتباع فين بقا :D

المشاركة الأصلية كتبت بواسطة muhmado_furp

الفلاش انواع كتيره جدا
هتلاقيه في البنزينات واون ذا رن والتوفيقية واي حد محترم بتاع زيوت
انا لسه مجرب فلاش xado وهو ممتاز شكلا وموضوعا

الف شكر يا باشا

المشاركة الأصلية كتبت بواسطة agaty1st

- مع استخدام المحرك بيحصل تأكل في جميع الأجزاء المتحركه زي البلوك و الشنبر و الصبابات و الكرنك و السبيكه
- ومع استخدام المحرك يتكون نواتج الاحتراق (الشربون) داخل المحرك
- مع تغيير زيت المحرك بينزل اغلبيه الشربون مع الزيت القديم
- في ميزه للشربون انه بيترسب على الاجزاء المتأكله و بيعوض التأكل (بالظبط زي الجدار المشروخ و تداوي الشرخ بالمعجون)
- الفلاش فيه مذيبات قويه جدا بتشيل كل الترسبات دي فالموتور يبدأ يدخن
- الفلاش كويس الموتور اللي حالته جديده فقط لا غير
- أنصحك تبعد عنه لأنه أسرع وسيله لتفويت الموتور لو استمريت عليه
- غير من معدني لتخليقي او بالعكس (زيت + فلتر و خلاص) و شوية قطرات متبقيه متكملش 50 جرام مش هاتعمل أي مشكله و لو خايف لف فوطه صفرا على مسدس كومبريسور و انفخ مكان ما بتحط الزيت أو فك الكارتيره و اغسلها و ركبها تاني

والله يا باشا كلامك مظبوط المذيبات اللي فيه قويه :[