عطل القفل لشنطة البومة ده عيب عام ولا ايه

**dadoonly** · 16-11-2013 07:35 PM

جايب بومة مستعملة 2004 فيه مشكلة في فتح الشنطة بالمفتاح ( القفل فيه مشكلة)
بكلم صاحبي معاه بومة 2007 جايبها جديدة عنده نفس المشكلة وقالي لو عرفت حد كويس يصلحهالك ابقى قولي
وبالمناسبة حد يعرف اذ1ا كان ممكن نفتح الشنطة بالريموت وازاي لان الكهربائي قالي مش هتبقى زي الفبريكة وممكن تعمل مشكلة

**kador** · 16-11-2013 07:48 PM

انا برضه اشتريت العربية موديل 2006 مستعملة وكانت مبتفتحش بالمفتاح و حطيت زيت بتاع الموتور و wd40 كذا مرة وخلصت علبة كاملة ومرة وحدة اشتغل الحمد لله

**dadoonly** · 16-11-2013 08:01 PM

ههههههه مبرووووك
اشكل العربيات المستعملة بحالات !!!!!!!!!!طيب
انا مفرض دلوقتي اعمل ايه ::: احط زيت في فتحة الشنطة ولا المفتاح ولا اوديها لواحد بتاع اقفال ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماذا تفعل لو كنت مكاني

**amz2011** · 16-11-2013 09:59 PM

انا عربيتى 2007 من الزيرو و برده فىها نفس العيب و كل شويه احط شحم و زيت على الكالون و القلب اللى بيدخل فىه المفتاح من جوه عن طريق فتح الشنطة و يشتغل شويه و يفصل شويه

**dadoonly** · 16-11-2013 10:17 PM

طيب عايزين نشوف حل ولو حد ركب سنتر للشنطة بحيث تفتح بالريموت يا ريت يشاركنا التجربة
وله الاجر والثواب عند ربنا ان شاء الله

**Ralliart** · 16-11-2013 10:42 PM

لسة رايح امبارح عند واحد بتاع مفاتيح في بولاق الدكرور فك الكالون وفك السنون اللي فيه ونضفهم واحدة واحدة وشحمهم وظبطلي السلك اللي بيفتح علشان كان بيعلق
وقالي ان دا عيب شائع في البومة مع انه أول مره يحصل معايا بعد 8 سنين من الاستخدام

خلي بالك الشحم على التراب مش هيعمل حاجة لازم يتنضف الأول

**mohamedxsayed** · 16-11-2013 11:06 PM

وانا كمان بطلت تفتح بالمفتاح
واضح انه مرض فى البومه

**m.elsherif** · 17-11-2013 07:27 AM

انا كمان لما اشتريت العربيه لقيتها كده وديتها لواحد بتاع مفاتيح و كوالين و فك القلب و نضفه و اشتغل تانى و قالى ان ده عيب فى الانسر عموما و حله انى معتمدش عالفتح من جوه بس ابقي استخدم المفتاح كل شويه

**ehabahmedie** · 17-11-2013 06:57 PM

السلام عليكم

لما جبت العربية بتاعتي مستعملة (موديل 2007) كان فيها العيب ده، جبت اسبراي wd40 وفتحت الشطنة ولقيت ان القفل بيبقى ظاهر من جوه يعني القلب مفتوح وباين من جوه الصاج، رشيت على الأجزاء الظهرة مع لف القفل بالمفتاح كإنك بتفتح الشنطة كام مرة لحد ملقيت القفل بقى كويس

وجربتها في شنطة كمان لبومة واحد صاحبي والحمد لله كويسة

المهم انك ترش الاسبراي وتحط المفتاح وتلفه كام مرة لحد ماتلاقي القفل بقى سهل، وخلي معاه قماشة عشان تمسح الزيت الزيادة عن البوية أول بأول، وكمان امسح المفتاح عشان هيكون عليه زيت ويبقع جيوبك

**dadoonly** · 18-11-2013 12:25 PM

ehabahmedie الف شكر يا باشا لمشاركتك القيمة
انا قابلتني مشكلة :::
المفتاح بيدخل ويخبط في حاجه ومابيلفش )(قافش)
عالعموم هاجيب السبراي واجرب مش هنخسر حاجه -----------مليون شكر لكل اللي شاركونا