c180 ولا a200 amg sport ولا 316 sport

ساعودني يا جماعة خلاصي دماغي هتتفرتك مش عارف اقرر معاية 350 الف ومش هقدر ازود عنهم مليم ومحتار اجيب اية مرسيدس c180 ميزتها المبلغ اللي هدفعة مش هتخسر كتير في اعادة البيع قطع غيارها منتشرة في الحرفين وبرة لان بقالها 7 سنين خلو بالكو يهمني نقطة قطع الغيار دي لاني مش بئمن عليها عيبها الشكل الجديد خلاص نازل قدامة اقل من سنة

ولا a200 amg sport ميزتها فيها كل حاجة زينون وفرش جلد وسنسورز وجنوط 18 و شكل جديد لسة نازل عيبها قطع الغيار هتبقي مشكلة شوية هيبقي التعامل كلة في التوكيل وكمان العرية بتخسر اكتر من ال c180 لانها هاتشباك ولسة مش معروفة اوي

ولا اجيب ال 316sport

هات ال 316 مش بطاله :)

مع اني بحب ال c من الاخر و لو مكانك حستنى الشكل الجديد :) حط الفلوس سنة في البنك زيدوا و توكل في الشكل الجديد :) ههههههه

سيبك من ال a عاوزه شتريها بغناوه عشان داخله دماغك مش اكتر و تسحتمل انك تلبس سعر اعده بيع زي ال b كدة

a amg200 بدون تفكير انت دافع مبلغ و قدره يبقي لازم تتمتع بيه و بصراحة ملهاش حل

اقتباس:

---

المشاركة الأصلية كتبت بواسطة deshahcoka

هات ال 316 مش بطاله :)

مع اني بحب ال c من الاخر و لو مكانك حستنى الشكل الجديد :) حط الفلوس سنة في البنك زيدوا و توكل في الشكل الجديد :) ههههههه

سيبك من ال a عاوزه شتريها بغناوه عشان داخله دماغك مش اكتر و تسحتمل انك تلبس سعر اعده بيع زي ال b كدة

---

يعني اية (عاوزه شتريها بغناوه عشان داخله دماغك )؟

انا فعلا فكرت استني السي الجديدة بس لسة مش عارف هتنزل امتا بالظبط وكمان اكيد هتعدي ال 350

اقتباس:

---

المشاركة الأصلية كتبت بواسطة psycholain

a amg200 بدون تفكير انت دافع مبلغ و قدره يبقي لازم تتمتع بيه و بصراحة ملهاش حل

---

ومش هتقلق من حكاية اعادة البيع دي لانها هاتشباك ومش معروفة اوي لسة؟

اقتباس:

---

المشاركة الأصلية كتبت بواسطة psycholain

a amg200 بدون تفكير انت دافع مبلغ و قدره يبقي لازم تتمتع بيه و بصراحة ملهاش حل

---

دفع امامي مش ممتع زي الدفع الخلفي يا استاذنا العزيز دي نقطة حتضايقه والنقطة التانية انه حيبيع برخص التراب او يدور على واحد بيحب الـa كلاس مخصوص

الـ316 اقوى اداء في التلت عربيات دول من ناحية الثبات والتسارع وكفاية اوي الفتيس الـ8 سرعات اللي حيقولك يعني ايه متعة

ههههههه شكلك متعرفش ان ال cla180 نازله الشهر الجاي
و ب 290 و 309 الف
و الحجز ابتدي
يلا اديني بحيرك زياده

[youtube]http://www.youtube.com/watch?v=uc_SOyxu3v0[/youtube]

اقتباس:

---

المشاركة الأصلية كتبت بواسطة zegna

ساعودني يا جماعة خلاصي دماغي هتتفرتك مش عارف اقرر معاية 350 الف ومش هقدر ازود عنهم مليم ومحتار اجيب اية مرسيدس c180 ميزتها المبلغ اللي هدفعة مش هتخسر كتير في اعادة البيع قطع غيارها منتشرة في الحرفين وبرة لان بقالها 7 سنين خلو بالكو يهمني نقطة قطع الغيار دي لاني مش بئمن عليها عيبها الشكل الجديد خلاص نازل قدامة اقل من سنة

ولا a200 amg sport ميزتها فيها كل حاجة زينون وفرش جلد وسنسورز وجنوط 18 و شكل جديد لسة نازل عيبها قطع الغيار هتبقي مشكلة شوية هيبقي التعامل كلة في التوكيل وكمان العرية بتخسر اكتر من ال c180 لانها هاتشباك ولسة مش معروفة اوي

ولا اجيب ال 316sport

---

بلاش a200 amg علشان 1)سعر اعادة بيع هيبقى تعبان جدا و دي هى عادة المرسيدس الصغير زي الA و الB
2) العربية دفع أمامي و ده عيب رهيب لأنها و مهما عليت فى الكماليات عن الاتنين عمرها ما هتبقى زيهم فى متعة السواقة و ده أكيد انت مجربة لما سبت الجيتا الهاين لاين و جبت 316 تعتبر بالنسبة لكماليات الجيتا فاضية

اقتباس:

---

المشاركة الأصلية كتبت بواسطة horas3000

ههههههه شكلك متعرفش ان ال cla180 نازله الشهر الجاي
و ب 290 و 309 الف
و الحجز ابتدي
يلا اديني بحيرك زياده

[youtube]http://www.youtube.com/watch?v=uc_soyxu3v0[/youtube]

---

دي عربية رهيبة رايك اية اخلص فيها؟
انهي احلي لون فيها؟انا عاجبني الرصاصي او الابيض انت شايف اية؟
وهيا ولا السي 180 الشكل الحالي؟

ال cla مش هتنفع التسليم هيبقي في ابريل يعني كمان 5 شهور مش هقدر اعد كل دة من غير عربية وكمان اعادة البيع هتبقي واقعة شوية ومفيش قطع غيار
و ال a200 طلعتها من الحسبة نفس عيوب ال cla والاتنين جر امامي

كدة هيبقي قدامي الاتنين دول المرسيدس c180 ميزتها قطع غيارها موجودة برة وسعرها فيها مبتخسرش كتير
عيبها شكل قديم

الاختيار التاني البي ال 316sport ودي ميزتها شكل جديد عيبها اعادة البيع بتنزل كتير وقطع الغيار لسة مش متوفرة برة التوكيل

ها مش عارف اقرر انتو رأيكم اية؟