صورة توضيحية
https://fbcdn-sphotos-b-a.akamaihd.n...84529429_n.jpg
ممتاز جداً دا, أنو بيقرأ بأربع واحدت قياس,,
وباقي الأوبشنز اللي فيه اللي ممكن تنفع في أي ظروف تانية غير أستخدام قطع الحزام وكسر الزجاج.
بالتوفيق يا كريم باشا في البيع, وعايزين نشوف بضاعة أكتر مميزة زي دي,
وإن شاء الله يكون لينا نصيب في واحد قريب. :tumb:
شاحن العربية بيشحن كويس وجربته مع جالاكسى نوت وشحنه كويس وسريع بس بيشوش على الراديو جامد.
احمد امين شكرا جزيلا
دماسري اكيد في مشكله تانية عندك
بشحن بيه وفي كذ عربية معملش كدة
الجهاز محترم وخاماته ممتازه وفي كذا أوبشن لا غنى عنه فى العربيه
متشكر يا كريم ودائما فى المقدمه
متابع بس الجهاز القياس الجديد ممكن نوعه و موديله
Sent from my Galaxy S3 using Forum Runner
الجهاز وصل يااستاذ كريم جهاز اكثر من رائع وخامته والمستلزمات المعدنيه التي به ممتازه وفيه خواص متعدده كشاف احمر وكشاف ابيض ومجرد ماتستخدمه علي الكاوتش بيعطيك قرايه سريعه ودقيقه بطريقتين القياس
طريقه بالــunit KG واذا ضغط ضغطه بسيطه علي مفتاح التشغيل هيحولهالك علي طريقه psi
الجهاز فعلا صفقه رابحه واكثر من رائع اختيارك ليه يااستاذ كريم موفق وبالتوفيق ان شاء الله
تم بحمد الله شراء جهاز قياس الضغط (ابو لمبه و عده خلفيه ) و قبل اى كلام فى حاجتين لازم اقولهم الاول :
1- جزيل الشكر لكريم منير ,كفايه متابعته لك منذ ان تطلب منه الجهاز الى ان يصل الى يدك شخصيا بالاضافه الى السعر التنافسى جدا فى الشحن مع شركه كبيره زى T.N.T
2- لازم تعرفوا خلفيه صغيره عنى قبل تقييم الجهاز :
انا من مرتادى الطرق الطوالى فى اليوم باسوق حوالى 100 كيلو للذهاب و العوده من عملى و تكون معظمها طرق مفتوحه و بها اجزاء مكسره نوعا ما و متوسط سرعتى 100كم/ساعه و احيانا اصل الى 140-150 بس مش كتير و لمسافات متوسطه (الا لو متأخر عن الشغل)
طول عمرى من اول ما اشتريت سيارتى و انا تقييمى للكاوتش اذا كان مريح او كويس انى باضغط عليه بايدى و لو لقيته ناشف يبقى تمام لو غير كده يبقى محتاج يتزود
المهم اشتريت الجهاز و قولت هاجربه خلاص بكره (بقالى حوالى شهر لم ازود العجل و شايفه كويس و رايح جاى به )
المهم اول وضعت الجهاز و قيست اول عجله ورا لقيتها 17.5 (يا مصيبتى - انا اتضحك على فى الجهاز :) قولت فى سرى كده )
التانيه اللى ورا لقيتها 18 قولت بس الجهاز مضروب و كان معى واحد صاحبى شاف الكاوتش قالى استحاله الكاوتش شكله كويس و صعب يكون 17
قولت اشوف الامامى لقيت الفردتين 25 بصراحه قولت يالا عليه العوض :) ما تزعلش منى يا كريم (نيهههههههههه)
دخل على مديرى و انا عارفه بيهتم جدا بعربيته و بيخليها على الشعره , قولتله كاوتشك مظبوط قالى اه , طلعت جرى على عربيه و قيست الاربع فرد بتاعته
لقيت الاماى 31 و الخلفى 30 (تنفست الصعداء و قولت حقك على يا كريم )
بعد ذلك جبت منفاخ بعداد مؤشر و شيكت على الاربع فرد تانى لقيته مدينى نفس القرايات (مع ان منظر العجل مش مريح اوى )
دى كانت مقدمه وجوبيه قبل اى تقييم :)
ثانيا : التقييم
--------------------------------------
1- الشكل الخارجى : شيك و مسكته مريحه و الخامات نضيفه او محترمه بمعنى اخر (9.5/10).
2- شاشه القراءه : واضحه جدا فى الرؤيه - و امكانيه التحويل من اكثر من وحده للضغط (psi- pka -bar....) و احنا الدارج بتاعنا هو psi)
3- مرفقات الجهاز المدمجه معه , مش هاعيدها و اقولها تانى هاقول بس حاجات بسيطه
الكشاف الابيض و الاحمر ممتازين و الاضاءه جميله جدا
العده المدمجه خاماتها نضيفه اوى بس برضه للامانه حاسس انها مش هاتبقى مفيده اوى (الكماشه و المقص ) و شاكوش الزجاج
بس برضه للامانه الحاجات دى لن تحتاجها الا وقت زنقه (ربنا يبعدنا عنها) و ساعتها ممكن تدفع اللى واراك و قدامك علشان تبقى معاك
فممكن نقول عليها عده مدمجه للاستعمال فى الحالات الضروريه
الجهاز فى مجمله حجمه مناسب و سهل الاستخدام و تقييمى له 9/10
الواحد دا راح لانى كنت ارى انه يكون انسب لو كان بالشحن او بطاريات ساعه
انما 5 بطاريات ساعه انا حاسس انها كتير و مش عارف برضه رينج التشغيل الخاص بها
اكيد طبعا هاتبقى حسب الاستعمال بس برضه لها متوسط عمل انا لا اعرفه و مش عارف الحجاره دى هاتكون غاليه و لا عاديه (انا مش عارف بصراحه )
--------------------------------------------------------------------------
جزيل الشكر لكريم منير مره اخرى على ما قدمه من خدمات فى اختيار و شراء و توصيل هذا الجهاز